لي مدةٍ مانـي مـع العالـم وبالنفـس إكتئـاب
أنحاشلي مـن مرمـره واطيحلـي فـي مرمـره
الله من كثر الهموم اللي تسبـب لـك عـذاب
والله مـن هـم الدنـيـا وهــم الأخــره
والله من قلْ الرجـال اللـي يعـزون الجنـاب
والله مـن قـل الـرجـال تـحـل المعـسـره
مافيه واحد لو تجيه بنفـس قـام وسـد بـاب
إلآالخفايف والخفايـف مصخـره فـي مصخـره
وأنا ومن حولي على روتيـن والدنيـا إنقـلاب
ماكـل شـيءٍ نقـدره ماكـل شـيءٍ نقـدره
وهذا زمـان إرهـاب وإلأ عولمـه وإلآ كبـاب
وإلآ زمان البنكنـوت اللـي تجيـك مشجـره
وأمة محمـد تستضـل وبيـن أياديهـا كتـاب
وأمة محمد فرّقـت مـن يـوم قامـت تهجـره
الظلم فرق شملهـا مبطـي وذاهبـتٍ ذهـاب
مخططـه ومشططـه ومــورده ومـصـدره
ومشرّقـه ومغرّبـه ومعلقـه فـي راس نــاب
ومفخمـه ومرخـمـه ومكـسـره ومجـبـره
والمسأله فيها وفيها مـن عيـاب ومـن خيـاب
والدين قل وغطت الدنيـا علـى كـل أكثـره
قامت تراكم لين صار ركامهـا مثـل السحـاب
مثل السحاب إلياتراكم بالسمـاء قبـل مطـره
من وين نبدأ ياجماعة خير مـن يفصـل خطـاب
المسأله من كل حدب وكـل صـوب مسكـره
لاتسلّ سيفك يابو زيد وخل سيفـك بالجـراب
الخارطـه فيهـا خطـوط الأستـواء مبعـثـره
اعقل وخلك رجل لاتنعق مثـل نعـق الغـراب
ماأنتـه بويـا الجمهـره ماأنتـه بويـا الجمهـره
لاتغرك الدنيا ترى الدنيا مثـل هـاك السـراب
وهل لحـق قبلـك سـراب البيـد وإلآدوره!!؟
ومن والديك ارحم ولاكنـه شديـدٍ بالعقـاب
ليا ضاقت الدنيا عليك إدعـه وتـب إستغفـره
يبدل السيات حسنـاتٍ ويكتـب لـك ثـواب
وتكتب من أهل الميمنه ماأنته من أهـل الميسـره
ولك يوم مضمون ضمان إنك لتدفـن بالتـراب
ومـن قبـل لاتدفـن تكفـن رايـح للمقبـره
وماتنطقه يكتب وماتعمـل يجـي يـوم المـأآب
مثقـال ذرّة شـر وإلا خيـر لـك يـومٍ تـره
وخذ الحذر خلك حذر وأحذر مثل حذر الذياب
ولامنها جتك الثعالـب كـن عليهـا قسّـوره
والله ينصر كل راعي حـق لـو بعـد إطـلاب
والله يفشـل راعـي الباطـل ويلعـن كوثـره
والله يخرب بيت من دور علـى النـاس الخـراب
والله يصلح من يقيـم كـل شخـص بمظهـره
بعض العرب عقله بعينه فيـه زوغـه وإنجـذاب
وبعض العرب بإذنيه عقله كل مـن جـاء غيـره
وبعض العرب وجهه وسيـع ولايمـل ولايهـاب
وكنه الياجاب الكلام إيكلمـك مـن منخـره
وبعض العرب ينبح مثل نبح العقور من الكـلاب
ولايشوف معـروفٍ تسـوي فيـه وإلآيشكـره
وبعض من الأصحاب والأقراب يقرص قرص داب
من غير ماتدري يحشك حـش حصـاد الـذره
وبعض العرب ماخاف من ربه ولاحسّب حسـاب
علـى ضعيـفٍ ينهـره وإلا يتـيـمٍ يقـهـره
ودنياك فيها طيبين وطاب مـن بالطيـب طـاب
وناسٍ تطيب وناس عن كسب الجميـل مشفـره
ولاتسوي المعروف باللي ينكره يذهـب هبـاب
وإن كان سويته كـذا سـوهّ وبالبحـر انثـره
وليل ونهـار النـاس بالدنيـا يحثـون الركـاب
اللي يـروح لمصنعـه واللـي يـروح لمنجـره
واللي يداوم كل يـوم بدايـره واللـي يغـاب
واللي ركب بالطايـره واللـي يقـص التذكـره
واللي دخل مع معمعه واللي دخله مـع شعـاب
واللي يتوه مع الدروب وكـل جـرفٍ يطمـره
واللي بدربه عجعجت واللي حجب شوفه ضباب
واللي عن الناس أختفـى مافـي نـاسٍ تذكـره
واللي رضى السهلات واللي راح للأشياء الصعاب
وكل علـى مايهتويـه القلـب شغـل موتـره
وبعض العرب شعره مثـل الأباعـر والـدواب
شاعر وهو ماتشوف في شعره من الشعـر شعـره
والشعر أساسه موهـب غصـب ولاأكتسـاب
تصير خبل اليـا غصبتـه وهـو يطلـع ثرثـره
والود يبقـى بيـن ذاك وذاك مابقـي العتـاب
وصحبه بليا عتاب بيـن النـاس مافيهـا ثمـره
والله يوفقنا الطريـق اللـي يـودي للصـواب
والخاطـر الله يجبـره والخـاطـر الله يجـبـره
وهنا حسابٍ بيننّـا وهنـاك موجـودٍ حسـاب
كـلٍ يسلـم دفتـره كـلٍ يسلـم دفـتـره
ومن خوف لايدخل بقلبك شك يامال الرعـاب
الله أحـقّ إنـك تخافـه بالأمـور وتـذكـره
من قبل ناكر يسألك ويصيـر ماعنـدك جـواب
ومن قبل تخّسر نفسك أول ثـم ربـك تخسـره
الله يقبـل توبـة التايـب الياأستغفـر وتــاب
ولايقبل الله توبـة اللـي تـاب عنـد الغرغـره
ويالقبله الأولى الخطوب اللي تزايـد والخطـاب
كله على شأنك وشأنـك شـأن والله ماأكبـره
الله على الغربه يعينـك والفـرج فيـه إقتـراب
ياثالث البيتيـن نطلـب مـن عفـو ومعـذره
ياقدس ياقدس أشهد إنـه بيننـا طـال الغيـاب
بينـي وبينـك مجـزره بينـي وبينـك مجـزره
ياقـدس والله كلنـا فيـك بالخطـب المصـاب
وكـلٍ يـراوح بالكـلام اللـي تخبـر بمنبـره
وحنّا عليك أجزم ورب البيت من فرخ العقـاب
ميـر الآمـور مقـدره ميـر الآمـور مقـدره
الشاعر عبدالله باتل الرشيدي
المواضيع المتشابهه
لي مدةٍ مانـي مـع العالـم وبالنفـس إكتئـاب
وفقكم الباري 
العرض العادي
