اخطر شقاوه

[غرك زمانك]

عهدي بها قدام تلبس عبايه ======== وانا بعدقبل البس شماغ وعقال

طفلين نتهجى حروف الكتابه ======= الله ياما اجمل سواليف الاطفال

كانت لنا في كل شارع حكايه ====== وكنا نقول علوم ماهيب تنقاااال

وكنت اتقاسم مامعها معايه ======= من عسكريم التوت لعلك ابو ريال

وكانت بعكسي شاطره بالقرايه ====== تقرا جزء عم وطه والنفاااال

وانا لك الله من وراي غبايه ======= مدري ابو نقطه هو الذال او الدال

وكانت لبويه تشتكي من شقايه ===== وتعلمه كيف اربط الباب بحبال

ياما على ظهري كسر من عصايه ===== يقولى خللك وانا ابوك رجال

وامي تقول ادع لولدك الهدايه ======خوفي يصيبه كثرة الضرب بهبال

لاشفتها مع اول الدرب جايه ====== مادري انا اللى ملت والا الوطا مال

احس قلبي يرتجف في حشايه ====== ماكنه الا الضيف لاهز فنجاااال

ياما عن (السعلى)تخبت ورايه ====== لاخوفوها فيه ثم شافت ظلال

تقول خللك يا(........)معايه ====== واستانس اناللعب عندها دور الابطال

واغار حتى من عيون اصدقايه =====لا طالعوها قلت (تكفووووووووووون يا عيال)

ولكم خالص تحيلتي.............