عرفتك يا بعد روحي تبي اللقيا تبي فرقاي
....................وانا فـ الحالتين أصلاً تساوت كلّها عندي
لذلك يا بعد عين المولّع يا ضيا مسراي
....................ابيك تشوف لي حالك وتنسى سالفة عهدي
لو أنّ الحلم في عيني غدا مقطوعة من الناي
.....................يردِّدها الأسى عندي واقول اخيييه يا قردي
وهذا الحظ من صغري يعاند ضحكتي وبكاي
.........................يبدد فرحة أيامي وغيري يمنحه شهدي
كثير اشياء صارت لي ابد ما غيّرت مجراي
......................... .لأنّي واثق الخطوه وبالله متكل جهدي
يصيح القلب في بُعدك وانا لك يالغلا شكّاي
..................... .ابيك تشوف لي حلّن وحلّ لمشكلة سهدي
ينام الليل في عيني لحافه صايره يمناي
.................. .ويصحى الصبح ما ادري ولادري وينها يدّي
تناديني عصافيره يردد خاطري يا جاي
...................... .هلا بك كثر ماحزني يردد لي معد يمدي
واحاول ارسم البسمه واضحك بينما عيناي
...................... .تبيّن ما خفى فيني وتخفي كلّ ما ابدي
واحث خطاي لحلامي وتاصل دمعتي لخطاي
............ .واحس الوقت صاير لي كما الضابط وانا الجندي
وانا ماقول غير الله يصبّرني على بلواي
................ .ويبهج خاطرن ما عاد كثر الدمع به يجدي
عرفتك وامترض حالي وصار البعد هو دواي
................... .لاني بالوصل اتعب وراحاتي اهي بعدي
قبل مارحل ابي تعرف لو انِّي تهت في دنياي
............... .قسم بالله ما رجع لك ولا تبحث سبب بعدي
المواضيع المتشابهه
يصيح القلب في بُعدك وانا لك يالغلا شكّاي
وفقكم الباري 
العرض العادي
