اول قصيده بالغزل

[هيكل الشمري]

[poem=font=",6,green,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
ابشري يالحبيبه بالغلا والدلال = ابشري ياملاذ الروح والمستقر
انتي لي راس مالي يالحلا والحلال = انتي ياياسمين الورد يااحلا زهر
انتي اول قصيده بالغزل ياغزال = ولجل عينك اجيب البيت بفخم صور
صف شعري لوصفك بالبيوت الجزال = والمعاني دررها جبتها لك مهر
لاتأملت زولك شفت فيك المنال = وعشت بك ياغرامي امنيات العمر
فيك سحر الطبيعه .. فيك روح الجمال = ولايشادي جمالك غير وجه القمر
العذارا بعد زينك نجوم الليال = وانت وجهك بدر والليل خلفك شعر
في خدودك طيوف الشمس وقت الزوال = وفي عيونك كسوف الشمس عز الظهر
في حجاجك هلال وفي رموشك ظلال = وفي رسومك ملامح حور ماهي بشر
صدقيني احبك فوق حد الخيال = وانتي اغلا واندر درةٍٍ بالدرر