مشاهد من صباح رمضان

[badr]

[align=center]صوت المنبه

صحيت من النوم

التفت إلى الساعة ...

10.30

باقي 40 دقيقة " تمام يمدي"

لبست.. ثم أفطرت – واحد نصاب - .. انزل من الدرج

عند وصولي للباب الخارجي للبيت .. لفت انتباهي امر غريب جداً

صوت العصافير . !!

عجيب .. لم اسمع صفير العصافير .. !!

وقفت امام الباب ... تفكير عميق

محاولات لايجاد تفسير منطقي يقبله العقل

ممكن .. ؟؟

ممكن يكون ابوي قلع اشجار البيت كلها .. ؟

ولا يمكن العصافير مثلنا .. صايمه ..؟!!



ماعلينا .. طلعت من البيت

الشارع فاااااضي

حلو ... فرصتي اخذ راحتي بالتمغط على راحتي لين اوصل السيارة

ركبت السيارة .. يدي وبدون سابق انذار ... شغلت الاف ام



" لا اعني التفسير ، فتفسير القرآن له مجاله وخطه "



مشاء الله حتى الاف ام صارت مثلنا حنا والعصافير ... صايمة ..؟!!

شغلت السيارة ومشيت

لفت انتباهي في الطريق ...


- كل مخبز و محل خضروات الاقي قدامه .. ثلاث عبايات ... على الاقل ..!

<< = تسوق انت ولا تتفرج

- الاشارات زحمة بس الناس راااايقة - على غير العادة –

كل سيارة فيها شخص على الاقل

وكل شخص في فمة مسوااك .. " اليوم العالمي للسواك "




وصلنا الكلية

زحــــمــــــــــــــه

وش السالفة .. العميد يوزع سمبوسه .. ؟؟


ولا يعني الناس متحمسة عشان رمضان وصارت تواضب وتجي بدري ... ؟؟

بحثت عن موقف و الا العجب في هالشباب وطريقة تسفيطهم للسيارة ،،


مثلا


- راعي ددسن ( وفي رواية دستن ) طامر الرصيف ( الجزيرة بين الشارعين )

وموقف بشكل عرضي بحيث ان مقدمة السيارة على الرصيف والمؤخرة ( الصندوق )

على الشارع ، والقهر ان خشم السيارة مخترق اشجار الزينه ، والكفر مفترش بشراسة ازهار الزينه



وهذا غير الشباب اللي مسكرين على بعض ولا اللي مسكر على اهل الشقق المفروشه جمبنا




المهم بطلوع الروح حصلنا موقف يمشي الحال


دخلت الكلية ..

ألا ...



" جديد جديد جديد جديد .. الخ " ..................... هندي باسط ويبيع مساويك




بالأول شكيت اني داخل حراج السمك ..


بس لما شفت لوحة " النظافة من الايمان " ..... والعلكة الملزقة جمبها

عرفت انها كليتنا




بس عجيب والله



- بكل زاوية هندي باسط ويبيع مساوويك ................ " وسوقه ماشي "



- البرادات كلها شغالة والموية بااااردة ،، مع العلم انها قبل رمضان ماتشتغل خير شر



- كل طالب مقرط بمسواك .. وحاط واحد احتياط بجيبه



- الشباب رايقين على الاخر ( على غير العادة ) والابتسامة ترتسم على محياهم



- المطاوعة ( الملتزمين ) كل واحد ماسك مصحف الكف ( مصحف صغير )



وجالس يقرأ القرآن ............. " وجوه تبشر بالجنه "




- المحاضرات هادية وخفيفة وجميلة جدا ( طبعا دام وقت المحاضرة اقصر من قبل )




والحمد لله آثار الشهر الفضيل بارزة من الساعات الاولى

ويطال تاثيرها حتى النفوس البشرية من الداخل

والمتأمل لحال الناس في هذا الشهر الفضيل

يجد فيهم الحلم في الغالب وسعة الصدر وطيب النفس

وما ذاك الا لعظمة الخالق وجود كرمة

فهو المتفضل علينا بحبس الشياطين

ليكون هذا الشهر شهر بركة بحق

فلا احقاد ولا كره ولا غضب ولا شجار

وانما التسامح عطره الفواح

و الحلم يُـشرق مع نور اصباح

فالحمد لله على هذه النعمة


… badr[/align]

[مشاري]

هلا والله بالغالي

بـــــــــددر

اولا اشكرك على الموضوع الجميل

ثانيا

تعرف الناس علشان تطير الجوع بس
حاطين المساويك بافواهم


وتقبل خالص احترامي

مشمشــ؟؟

[ابتسـ ألم ـامة]

بسم الله الرحمن الرحيم
السلام عليكم ورحمة الله وبركاته


[glint]هــلا وغــلا
أخوي badr [/glint]


جميل أن تعطينا فرصة


نشاركك أحداث واقعية ليومك الأول في رمضان




أشكرك لهذا الطرح المميز



يعطيك العافية




وفقك الله وسدد خطاك لما يرضاه ويحبه

دمت بود


أستودع الله دينك وأمانتك وخواتيم عملك




كلمــات مــن ذهــب
اللهم ارحمنا
فوق الأرض وتحت الأرض ويوم العرض عليك
يا أرحم الراحمين

[سامي الشمري]

هلا و غلا

بدر


اشوا الي مافعدت الصبح .. ولا كان هذريت مثــلك

بس تصدق...؟


نسيت لا أشتري مسواك

بالله أشتر لي من الهندي الي باسط بكليتكم


تحياتي لك

[نواف الفهاد]

أما ..

من ناحية المسواك ..

والله ..

أنك جبتها .. يا بدر !!

/
\

داومت الصباح ..

وكل البشرية .. معاها ... مساويك !!!!

/
\

الله يصلح حالنا ..

على طول ..

ولا يكون .. هــ الحال .. مؤقت !!

/
\

بــ صراحة ..

كلك تميز .. يـــا بدر !!

/
\

لك كل الغـــــلا ..

سلالالالام

[الدووووخي]

هلا ... وغلا ... بدر

المساويك مدهرة بكل مكان

والله لقوها الهنود


دائما متميز بدر الله يسعد أيامك

[badr]

:: مشاري ::

العفو يالغالي ..

وزين اننا نشوف المساويك

ونتذكر سنة المصطفى عليه السلام

حتى لو كانت لتطيير

الجوع على قولتك


:: ابتسامة ألم ::

العفو مشرفتنا الكريمة والتميز لكم

ولكبار الكتاب في هذا المنتدى


:: سامي ::

هذريت هذي يبي لها وقفه مطوله وتأملات


بالنسبة للمسواك حاضر ومن عيوني

بس اي هندي تبي .. ؟؟

لانه بكل زاوية بالكلية هندي

لو يقلبون الحكم على الكلية راح يسقطون

العميد في ربع ساعه


:: نواف الفهاد ::

ربي يسمع منك اخوي نواف

فعلا في رمضان نكون عباد الله

اما في غيره ...... والله المستعان



وشكرا جزيلا على اطرائك

وما نسبته لي هو لك في الاصل

وحضورك دائما ملفت

:: الامير ::

ويسعد ايامك يالغالي

على قولتهم : ارزاق ناس برقاب ناس




شكرا.. لكرمكم في وقتكم

في قراءت ماتبعثر مني


...badr

[Power Speak]

السلام عليكم ورحمه الله وبركاته . .

بدر . . يعطيك العافيه . . .


وفكره جميله . . وحلو ان الواحد يسجل يومياته . .

يعطيك العافيه . .

اتمنى لك النجاح . . والتخرج ..

ملاحظه : اعجبني انك جمعت جميع . . الردور . . برد واحد . .

افضل اكثر مما يفعله اكثر الاعضاء

وشي جميل اني اشوفك تكتب في المنتدي بعد طول غياب ..

[أبو الهنـــــوف]

هلا و غلا



أخوي الغالي بدر




الله يعطيك العافية يالغالي



وكل عام وأنت بخير




نعم شهر رمضان المبارك الفضيل

لا غرابة إن تتغير النفوس

:::::::::::::::::::::::::::::::::::::::::::::::::: ::::::::::::::


والحمد لله آثار الشهر الفضيل بارزة من الساعات الاولى

ويطال تاثيرها حتى النفوس البشرية من الداخل

والمتأمل لحال الناس في هذا الشهر الفضيل

يجد فيهم الحلم في الغالب وسعة الصدر وطيب النفس

وما ذاك الا لعظمة الخالق وجود كرمة

فهو المتفضل علينا بحبس الشياطين

ليكون هذا الشهر شهر بركة بحق

فلا احقاد ولا كره ولا غضب ولا شجار

وانما التسامح عطره الفواح

و الحلم يُـشرق مع نور اصباح

فالحمد لله على هذه النعمة



نعم الحمدلله



ولك كل الشكر يالغالي


و السلام مسك الختام

[الونيس]

مشكور اخويbadr

ويعطيك العافيه ولاهنت

وكل عام وانت بخير

لكن في ملاحظه :

هناك مسجد نصلي فيه دائما في العمل

واللي يصلون فيه مابين ثلاث اسطر الى اربع

لكن عند ذهابي الى المسجد في اول يوم من رمضان

تصدق المسجد مليان وفيه ناس يبون يصلون مافيه مكان

ينتظرون متى يخلصون علشان يصلون من كثر الزحمه

لك كل الاحترام وعظيم الامتنان

كن بخير