عبدالله بن عبار يخاطب الفقيه امل التثبيت

[ابوراكان]

قال الشاعر عبدالله بن عبار هذه القصيده بعدما أتصل عليه أكثر من شخص وأخبروه بأن اسمه قد ورد في قوائم السفيه ففاضت قريحته بهذه الأبيات :


يا سعد تقصر عن بلوغ الهدف يدك=يامن عـلى الباطل يزمجـر وريدك

وش عاد لـو تنشر قوايم جـرايـدك=كذبـك وزيـفـك والدجـل مـا يفيـدك

هـيهـات مـا تشكـل عـلينـا مكـايـدك=ولا هـمنـا يـا تـايـه البـصـر كيـدك

الغـدر طبـعـك والخـيـانـه عـوايـدك=كـذبـت فـي قـولـك وربـك شهيـدك

قولك عـلى ظلمك للأجواد شاهـدك=تنفح غضب قيحك وتنثـر صديـدك

طحت وخثعت وتبغي الغرب ينجدك=والغرب واللـه لو حصل له يبيدك

الغـرب لـو حالفـك لـه يـوم يـفـردك=لا تحسب أن الغرب يوصلك ميدك

وآخـر نـهـايـه مـع علابيك يجـبـدك=يـجـوز مـنـك ولـلجـزيـره يـعـيـدك

لابـد مـن سـاعـه يجـيـبـك مـحـددك=لا تحسب اعـداء الشريعة تـريـدك

عـدوان ديـنــك حـاقـده لـو تـواددك=تنقصك ياغادي الجدى مـا تزيـدك

أن كـان هـذا الـلي يسرك ويسعـدك=خاب وخسر مسعاك لا عاد عيـدك

الـلي سمح لـك بالـمهـاتـر وجـنـدك=شجعـك ولخدمة اغـراضه يريـدك

وخالفت منهج عـزوتك مع بدايـدك=وابعـدت عـن دار المعـزة شديـدك

وش الـذي مـن ديـرة العـز طـرّدك=من فعلتك يبـرى أخـوك وعضيـدك

الله حسيب اللي على الشر ساعدك=شين الضميـر الـلي يتـابع جديـدك

قردت صدقانك عسى الـلـه يقـردك=بعـض الخباث الـلي تشيد بحميدك

تـرى زمـانـك لـو صفـالـك يـهـددك=لاشك لا ترفع عـلى النـاس جيـدك

منهـجـك بالباطـل يـغـثـك ويـلهـدك=قـل لـلـذي شجـعـك تـّرك قـصـيـدك

سـد القنـاه الـلي عـن الحـق تبعـدك=وحكّم ضميرك لا يـغـرك رصيـدك

كانك تطيع اللي على الحق يرشدك=عـلى سبيل الخير ياخذ على أيـدك

أنصحك كـان تطيع تـتـرك تـمـردك=وجـه عـلى درب الفضيلـة مـديـدك

من أجل ما تفرح عـدوك وحاسدك=أرسل عـلى عـدل المناهـج بريـدك

اركن عـلى الـلي باللوازم يسانـدك=حاكـم وطنـك وسيـد جـدك وسيـدك

اترك ضلالك والتمس عفو والـدك=مـن شان مستقبل ولـدك وحـفيـدك

وأن ما قبلـت النصح لابـد صايـدك=شبـل الفهـد مهمـا تحصن يصيـدك

وائل بن عبدالله بن عبار

[the-lover]

صح لسانك يابو راكان وصح لسان عبدالله العبار

والصراحه ان الفقيه قاعد ينفخ بالنار الي تحت نفوس الضعفاء

وهو جالس باوربا

يعني هالناس الي تبي تشارك بالمضاهرات

مافكرو شوي بنعمه وحده من الله ثم حكام المللكه السعوديه

وهي الامن والامان وهذي النعمه تكفي لكي نشكر الله ثم حكام السعوديه

[ابوراكان]

اخي الكريم ثاني سعدت بتواجدك الكريم والرد على المشاركه تسلم وصح بدنك

[ابتسـ ألم ـامة]

[align=center]
بسم الله الرحمن الرحيم
السلام عليكم ورحمة الله وبركاته

أخوي ابو راكان

صح لسان الشاعر

سلمت يمناك لهذا النقل

أسأل الله أن يديم عليكم الأمن والأمان

دمت بخير ودامت الأوطان بألف خير



كلمــات مــن ذهــب
أخشي أن يسألني ربي .. ياهذا أعلمت أم جهلت؟
فإن قلت جهلت فيقول لي فلماذا لم تتعلم ؟
وإن قلت قد علمت فيقول لي فماذا عملت بما علمت ؟
_________________
[glow=0000FF]@ اللهم عظم حب القرآن في قلوبنا، وقلوب أبنائنا
واجعلنا ممن تعلم القرآن وعلمه@[/glow]
مع التحية و التقدير[/align]

[عبدالعزيز الجلعود]

ابو رااااااااكان


سلمت يمنااااااااك


وصح لساااااان
الشاعر الكبير

ابن عباااااااار

[ديما]

[align=center]
هـيهـات مـا تشكـل عـلينـا مكـايـدك=ولا هـمنـا يـا تـايـه البـصـر كيـدك

ابو راكان تسلم يمينك

وصح لسان الشاااعر

والله يحفظ المملكه من شر العابثين

اللهم آمين[/align]

[ســــــــــ؟ـعد]

عبدالله بن عباار


شاعر كبير بمعنى الكلمه له أهااازيجه بالشعر وروونقه الخااص


ما قااله عذب وما ينقل منه اعذب
وأشكرك على ما نقلت وصح لساانك ولساانـه


،؛،ســـــــــ؟ـعد،؛،

[ابوراكان]

ابتسـ ألم ـامة vbmenu_register("postmenu_71385", true);




الف شكر على المشاركه وسلمت اياديك

[برق الشمال]

وأن ما قبلـت النصح لابـد صايـدك=شبـل الفهـد مهمـا تحصن يصيـدك


صح لسانك ولسان الشاعر يا ابو راكان


اللهم اجعل كيده في نحره


دمت بود

[أبو رائد]

الله يعطيك العافية يا ابو راكان


وتسلم والله على هذه القصيدة الطيبة