شاب فقير يخطب بنت عمه المليونير

[الواثقه بالله]

إليكم القصيدة: سبحان من يرزق بتوع الملاييـن

الرازق اللي ما يخيب الرجـا بـه

***
لي عم عنده معـرضٍ للصواليـن

أموت واعرف بس من وين جابـه
***
وإذا سألته قـال بعـت الدكاكيـن

ما يدري إني ما هضمت الإجابـة

***
الشاهد إني رحت له قبـل يوميـن

في قصره العامـر ودقيـت بابـه
***
قال أرحب أرحب عدّد ورد البساتين

يا مرحبا باللـي لفـا يـا هلا بـه

***
قلت البقا عـدّ النفـل والرياحيـن

يا شيخ شمل أهل الكرم والذرابـه

***
قال اسلم الله يحفظك لي من العين

وآمر أوامر حضرتـك مستجابـة

***
قلت الصراحة طالبٍ قرب غاليـن

ودي تزوجنـي كريمتـك يـابـه
***
ثنّى وقال أهليـن والله وسهليـن

والكون ترخص لجل عينك رقابـه

***
لكن ترا عندي شـروط وقوانيـن

قلت اشرط اشرط يا حبيب الغلابـة
***
قال أولاً مهر العروسـة ثمانيـن

غير الرسوم وغير حق العصابـة

***
والثانية عمك يبي منـك سبعيـن

رسم الأبـوّة والنسـب والقرابـة
***
وأم العروسة حقها منـك ستيـن

عشانها ست الحسـن والمهابـة

***
وإخوانها كلن يبي منـك خمسيـن

عداً ونقـداً تنـدرج فـي حسابـه
***
وخواتها الخمس عطهن من ثلاثين

عشان تتوثـق عـروق النسابـة

***
وتجيب طقم عيار واحد وعشرين

وخاتم من الماس المصفى ترابـه
***
وأكياس متروسة كعوب وفساتيـن

ألوانهـا وأشكالهـا مـا تشابـه

***
وموتر بسواقـه وفيـلا بدوريـن

أثاثهـا مـن بطرتـه ينحكـى بـه

***
واحجز لنا قاعة بقصر السلاطيـن

واحجز بهـا رقاصتيـن وربابـه

***
هذي الشروط اللي على بالي الحين

وذكرني اللي ما حسبنـا حسابـه

***
قلت اذكر الله يا عـدو المساكيـن

واستغفـره لا يبتلـيـك بعـذابـه
***
الظاهر إنك منت عارف أنا ميـن

أنا لو أرقى فـوق متـن السحابـه

***
ما جبت حتى نص درزن مواعيـن

واضحك بكيفك واعتبرهـا دعابـة
***
شروطكم هذي شـروط المجانيـن

شروطكم شغـل ابتـزاز ونهابـه

***
شروطكم تقصم ظهـور البعاريـن

شروطكـم همّـن وغـم وكآبـه
***
شروطكم والله سيوف وسكاكيـن

تذبح بنات المجتمع مـع شبابـه

***
وين الرضا والعطف واليسر والليـن

اللي ذكرهـا الله بمحكـم كتابـه
***
وين الصفات اللي أمرنا بها الديـن

وين اختفى نهج النبي والصحابـة

***
يا عم جعل اللي خلقنا من الطيـن

يرد عقلك مـن خطـاه لصوابـه
***
ويجعل نصيبي عند غيرك قل آمين

ويحسن عزا الصابر ويجزل ثوابه

***
قال أنت لو فكرت تفكير صاحيـن

ما شفت في مجمل شروطي غرابه
***
حنا بعصـر العولمـة والمزاييـن

ماهوب عصر الفلسفة والخطابـة

***
الناس تسعى للرتـب والنياشيـن

وأنت اهتمامك بالشعـر والكتابـة
***
والشعر ما ينفعك لو هو دواويـن

ما دام جيبك مثـل بيـت الخرابـة

***
يا بوك لا تسمع كلام المصاخيـن

واسأل مجرب عاش في وسط غابه
***
قلت الله أكبر يا محـرر فلسطيـن

من يسمعك يحسبك ذيـب الذيابـه

***
تراك شايب رأس مالـك رياليـن

والبنت ما تسوى جنـاح الذبابـة<<< خربت الأخلاق.
***
قال انقلع مالت على وجهك الشين

لا عاد أشوفـك عندنـا يالزلابـه

***
قلت ابشر أبشر لكن الباب من وين

وأقفيت من عنده على صوت باب

ه


مما راق ليl

[مشاري]

سبقت وان سمعتها اغنيه هذي

سلمتي يالغلا .~

[دانة الكون]

هههههههههههه
وش هالشروط
تعجيز هذا
قل مو موافقين و خلاص

ابيات راااااائعه
الله يعطيك العافيه.

[الواثقه بالله]

الله يسلمك أخ مشاري
يعطيك الغافيه ع المرور

[الواثقه بالله]

أسعدني مرورك أخت دانه
الله يعطيك العافيه

[بشاش]

سلمت على الاختيار



الله يعطيك العافية

[شمس الرائدية]

[align=right]



’


آختيــآر جميل
الله يعطيك آلعافيه
و
عدمنا جديدك ..’’
[/align]

[انا الغلا]

قصيدة رائعه
آحسّـآسّ يًــفوَق وَآقــعّ آلِحيًآة
آقـدِم لک آحتِرٍآميً لِقلمک آلِمميًز
آلِذيً يًرٍسّم لِنآ دِآئمآً آرٍوَعّ آلِکلِمآتِ
سّلِمت يًمنآک وَدِمت عّلِى آلآبـدِآعّ
لِرٍوَحک آنفآسّ آلِوَرٍدِ