[poem=font="traditional arabic,6,darkred,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
((قولوا..ماقال:الطواله..!!))
إبتدت (( حرب المهالك )) وإنتهى ..السِلم ومجاله=وإرتكب (( أهل الجريمه )) أبشع ..أنواع الجريمه
داهموا (( بغداد )) جيش الشرك .. وأحفاد الظلاله=حنّوا .. لتدمير (( تاريخ )) الحضارت القديمه
بين (( بعثيّ العراق )) وبين (( جرذان العماله ))=إنثنت ياويل قلبي (( بنت الإسلام )) العضيمه
آآآآآه ياوجدي عليها .. وجد من ضيمه خواله=إن نواهم ..صاحت أُمه , وإن تركهم ..صاح ضيمه..!!
أو وجود (( القاصر )) اللي مغتصب عمّه حلاله=هو يتيمٍ (( بين ربعه )) ماله الا .. إختٍ يتيمه..!!
أو وجود النادر .. اللي ناطح (( الغاره )) لحاله=إن وقف زادوا صوابه .. وإن وقع .. صاحن حريمه ..!!
أو وجود (( الديّن )) اللي ماأرتكب .. جُرم وخمَاله=بعد ماقصوا (( يمينه )) إعترف ..راعي الجريمه..!!
أو وجود اللي خصيمه فجأةٍ .. وقّف اقباله=جاليٍ من وسط ربعه .. وأشْجع اربوعه خصيمه..!!
أو وجود الطيّب اللي (( تو )) ماكبروا عياله=بعد ماكبروا عياله .. صار طيبهم هليمه..!!
أو وجود اللي يمينه (( باالسلاسل )) مع شماله=شيخ قومٍ عقب عزه .. عاش حقران وهضيمه..!!
حسرتي والله على حسنك (( يابغداد )) وجماله=وحسرتي والله على (( الشعب العراقي )) في جحيمه
كل ماقيل اقصفوها (( آتصيقه )) للمقاله=ياعرب (( موت القلوب )) اليوم .. عاهه مستديمه
لاتورْونا (( صورّهُم )) إتركوا كلٍ .. بفاله=الْـبِـدوا .. والذيب (( يلْبِـد )) لانبح .. كلب الخريمه..!!
يعني وش رايح نسوّي..؟؟ غير ..يالاله يلاله=لاتحرّون القلوب القاسيه .. تصبح رحيمه
لاني امغيّر زمان .. ولاني امحرّم حلاله= بس أشوف إن (( العروبه )) تسحب أذيال الهزيمه..؟؟
سامح الله من قراني.. مافهم (( فحوى الرساله ))=مدرك أبعاد الكلام .. ونيّتي والله سليمه
الشهر هذا (( مُحَرّم )) والله امْحرِم قتاله=بس ياالله ماعلينا..كل ضربة بتعليمه..!!
أبشروا (( ياالشرق الأوسط )) باالتسكّع والبطاله=يامدوّرة (( الغنايم )) إنتم اليوم .. الغنيمه..!!
جت (( مغول الغرب )) يم الشرق والقصد .. إحتلاله=خلف (( هولاكوا أُوروبا )) جوك يتْـلون البهيمه
من متى كان اليهودي .. له على المسلم جماله..؟؟=من يقول إن (( العواقب )) مانتايجها.. وخيمه..؟؟
عارفين المستخبي (( وإندثر )) وقت الجهاله=والغبيّ اللي يفكر (( لذة الدنيا )) مقيمه
يولد الحي ويموت (( وينولد )) غيره .. بداله=والحظيظ اللي خُطا .. رجليه دايم مستقيمه
أشهد إن (( المهدي )) اللي ننتظر .. طوّل وصاله=(( وَصْل الإحباط )) الحناجر ..وأقطب المجهول غيمه0؟!؟!
باكر تشوفون باكر..قولوا .. ماقال : الطواله=كان ماباكر غدينا (( للخنازير )) الوليمه
ألا..؟؟ إن كان إتحدْنا ..وصفنا عاد إكتماله=وإجتمعنا كلبونا .. ضد عدوان وضليمه..!!
[/poem]
[align=center]
فيصل بن طوال
.
.
[/align]
المواضيع المتشابهه
العرض العادي
