الصدر ممحل غرام .. ومرتوي صـدّه
والعين غصن السهر فيها ثنـى عـوده
لولاي رجل ٍ محد وايـق علـى سـدّه
فضحني الشوق في باسـه ومجهـوده !!
أدلّـه البـال بيـن الضيـق والـشـدّه
الوقـت دوّار .. والأعمـار مـحـدوده
لـو كـل واحـد يجـي ودّه علـى ودّه
ماطال صبر العقيم لشـوف مولـوده !!
راعي القناعه ليـا مـن الزمـن حـدّه
يرضى بحظ ٍ ذخـر جـوده وماجـوده
يابيض الأحـلام لاتمسيـن مسـودّه !!
بشايرك في نواصـي الخيـر معقـوده
حي الله اللي عليـه القلـب مـن مـدّه
كنّـه سحـاب ٍ يمـد يديـه للـسـوده
أبطى وحـس الضلـوع يقـول لابـدّه
رجله على الدرب !! وعيونه على العوده
إيّ بالله أقبل جفـول الريـم مـن قـدّه
يشيـل روض الجمـال بكامـل وروده
كنّه بيجزم ولْـه !! وأنـا علـى حـدّه
وأغضيت شوفي يمين شوي .. ياكوده ..
.. إليا تمثنى قفـص صـدري ولا ردّه
ما ياخذ القلب في رمحين من سـوده !!
اللي قلـوب أكثـر العشّـاق فـي يـدّه
تسعى لغاياتـه .. وتطّمـح لمقصـوده
لو كان ماهيب ورث ابـوه عـن جـدّه
لكنّهـا كسـب حجانـه وعنـقـوده !!
سلمتـه الـروح وأغليتـه علـى البـدّه
يرعا مفالي حشاي .. ويـارد عـدوده
من كثر مـا أتـوق لـه وأغليـه وأودّه
تنقص مقامات بعض النـاس مـن زوده
عليـه الأشـواق .. محتـرّه ومبـردّه
ويلي على نفحة النسنـاس مـن نـوده
ما والله أقسى على العاشق مـن الصـدّه
الا أن كبـده بحـد المـوس مـقـدوده
لكنّـه العشـق لامـن زاد عـن حـدّه
ياكثـر ماياخـذ !! وياقـل مــردوده
أن حطّك براسه .. ونـواك مـن جـدّه
مايحترم نفسـه !! ولايمسـك حـدوده
فيه التناقض وجمع الضد مـع ضـدّه !!
حاجات معدومه .. وحاجـات موجـوده
الله عطا (السوده) اللي ماعطـا (جـدّه)
والله عطا (جدّه) اللي ماعطا (السـوده)
مطلق بن شويه
المواضيع المتشابهه
لوكل وآآحد يجي وده على وده..><..مآطآآل صبر آلعقيم لشوف مولوده
العرض العادي
