إلى متى ومن هو المسؤول عما يحدث بكورنيش الخفجي ؟؟؟

[نبض الخفجي]

(بسم الله الرحمن الرحيم )
عندما ذهبت في إجازة نهاية الأسبوع لكورنيش الخفجي كان كل شئ على مايرام ولكن وعندما طلبت أختي الصغير مني الذهاب إلى دورة المياة هنا كانت الفاجعة الكبرى لن اتحدث كثير فربما ستكون الصور أبلغ بتحدث لكم عن بشاعة ذلك المنظر ولكن للأسف أن الصور لاتنقل الرائحة التي قد تصيب المتنزهين الذين يرتادون دورة المياة للحاجة أمراض خطيرة وكما نعلم الأطفال من ضمن مرتاديها .............





















لكن السؤال المهم ؟؟؟؟؟؟؟؟؟؟؟؟

على من تقع المسوؤلية بالمحافظة على نظافة وسلامة المرافق العامة التي من ضمنها دورات المياة ؟؟؟؟؟؟؟؟؟؟

[طيوفه]

نكون بالكويت وندخل دوراتهم الي بالمطاعم او بالمحطات ونشوف النظافة والاهتمام
وبالسعودية مادخلت والا دورة مياه نظيفة
وحتى الكورنيش الي هو واجهة للمدينة مالقى اي اهتمام
مادري لمتى هالمسولين نايمين
اصحو وربي حرام تراكم محاسبين بكرة امام الله
وش تنفعك الدنيا بكرة لاانحشرت بحفرة صغيرة والتراب مغطية من كل جهة
تدور شي بس يضئ لك دربك
خل عملك الصالح الي اخلصت فيه هو النور الي تضئ فيه عتمة القبر
مشكلة هالمسؤولين يظنون انهم املكو الدنيا يوم جلسو على هالكراسي
نسو انه فيه شديد بامر واحد يخسف فيه الارض
ولنا في احداث هذا العام عظة وعبرة فكم من مسؤول سقط بلحظة واحدة وكم من مسؤول تشرد ومات وهو مذموم

[شاقني]

.

المشكلة عميقة تعود الى ثقافة مجتمع يعني متى ما صار المجتمع واعي
واستوعبو ان هذه الخدمات ما وضعت الا لهم حافظو عليها .

لكن السؤال أين المؤسسة الأمنية المسئولة عن مرافق الكورنيش !!؟
وأين الشركة المسئولة عن نظافة الكورنيش !!؟

[بارونة الخفجي]

يعني بفهم المشاعر الجياشه ماتطب الا بالحمااام ؟
والله تعبو وهم بيسوونهم اوااااادم حطولهم كورنيش والعاب ودورات مياااه والمقابل تدمير وتكسير وتخريب طيب ليه ليه تطلع الاجرام بدورات المياه والالعاب ليه ابفهم
اول مايبدون يكتبون
المجـــــــروووح
المحتااااااار
المحروووووووووم
ليمتى هالثلاثه هذول ممافي احد يمسكهم
بعدالمفرووض يخصصون حارس للحمامات عزكم الله عشان ينضف يعني من بينضف اذامافي مسئول عن الحمام؟
ونفس الشي المحطات بعد لازم اجباري يخصص صاحب المحطه واحد مسئول عن هالمكاان

[ولد المحدود]

حرام عليكم والله هم يظبطون بس بلك من السرابيت لو احد يمسكهم كان دنيا بخير

[دانة الكون]

النظافة مسؤليه البلدية او الشركة المكلفة من قبل البلدية
السؤال للبلدية وين المتابعه لهذي الشركه وين التقارير المقدمة لكم وين الجولات الاستكشافية؟؟؟ ليش ما تعيننون عامل على كل دورة مياة(يكرم القارى) زي الكويت بقسم النساء فيه حرمه،،،احنا مانبي حرمه نبي عامل ينظف يومياً قبل يجون المتنزهين وبالليل يشيك على دورات المياه ويعطي المسؤل عنه تقرير بالنقص والاحتياجات الي تلزمه.
ولازم يكون فيه حل للحد من الاشخاص المخربين بس وش الحل؟؟؟؟؟؟؟؟؟؟؟؟

[عشق الشمال]

ثقافة مجتمع ..


مدري متى نتجاوز هالأمور !!

[أبو رائد]

المشكلة حتى لو تمت الصيانة

ترجع المشاكل مره ثانيه ويرجع التخريب

[بارونة الخفجي]

سؤال
هنا ناس وبالكويت ناس ليه هنا غير وهناك غير ؟
تتوقعون لان هناك في عامل نظافه؟
بس لوهنا حطووو عامل بيجون المــــــافيه وبيمسكون العامل وبيسطرونه تسطير وبياخذون جواله ويسرقون سيكله وبيقولون له ان شفناك فيذااا بنسطرك مره ثانيه
شي طبيعي العامل بيقول بقلبه فخااار يكسر بعضه هذي ديرتهم وهذي دورات مياهم خلهم هم يتصرفون
يعني ماكو فايده هذا سيفوه وهذي خلاقينه
المجتمع تعبــــــــــــــاااان رايح فيها

[لوليا]

لئن مافي رقابه ولا اهتمام من هاالمسؤلين عن الـــــــــــــــــــــشـــــــــــــآآآطــــــئ الحين الشاطئ الجديد اللي اسمه حلق بارد من العام وهم حاطين هاالكراسي ونصها خلصوها وباقي المسسطحات الخضراااء لسى مازرعو شي ترااب(ن)اشهب مدري لمتى والله الخفجي روعه قمه بس يبي اهتمام من المسؤلين الروس الكبيره