يوميات سكرووب..!!

!!سكروووب!! · 17-10-2009, 07:27 PM

هنا تجدون سكروب الانسان

المواطن العادي الذي يذهب صباحا لعمله لتوفير لقمه العيش لفلذات كبده..
هنا يبدا سكروب مشواره صباحا يشق فيه شارع 25 متجها الي عمله...

من نزوله من الدور الثانيفي احد البنايات يواجه اول مايواجه احد قطاوه الحاره ممن حده زمانه علي تلك البنايه لبرد قارص او حرا شديد او رطوبتا تجعله يرططططش من كل اتجاااه...

المهم ماعلينا ولاعلينا في جميع الاحوال المواجهه تحدث بنظره مني اليه او نظره منه الي اذا كان مخربها ومنتوفه جبهته...

المهم ادعه في شانه واركب موتري..ادق سلف وفي اقوال ادير المحرك..
امشي بشووويش...اكثر مايزعجني هو قفز المطبات الصناعيه اللي تخرب المزاج وتحسسك انك ملموخ اي مصفوق بلوح علي ظهرك من صباح الله خير....يعتمد ارتفاع تلك المطبه علي المقاول او البلديه او من طلب تلك المطبه...اذا كانت سيارته جيب فيفضل ان تكون متر فوق سطح الارض علشان ماحد يمرر من جنب بيته ...

المهم اتجه عبر شارع الستين هذا الشارع العريق حيث المقاهي علي جانبي الطريق ...اقف عند احدها واطلب فنجان من القهوه..اتابع المسير..
الي ان اصل الي محطه العفنان..

هنا انطم عن كل مباح مع الامل بالعوده الي كل مباح غدا ان شاء الله

شمس الرائدية · 17-10-2009, 11:18 PM

والله مافهمت شي .. ع العموم اشكرني مريت خخخخخخخخخخ

!!سكروووب!! · 18-10-2009, 04:45 PM

السلام عليكم ورحمه الله وبركاته

اولا وقبل كل شي شكر جزيلا ياركارليسه علي مرورك الطلقه بس مافهمتي شي قويه خخخخخخخخخخخخخ

المهم

وين وصلنا..العفنان..اقصد محطه البنزين..عبيت بنزين 91 ونزلت للسوبرماركت..طبعا عند مدخلها امراه تشحذ الناس بدون استجداء ولاكن بكيس ازرق مفتوح فتحه تسهل عمليه وضع اي عمله ورقيه ..

بالمناسبه ممكن اشطح شوي ونتكلم عنها اقصد ذا اللي قاعده تشحذ..بعلمكم وش شريت من السوبرماركت بعد ماشطح شوي هههههههه
هالمراه هي واحده من عشرات النسوه المنتثرات في جوانب ووسط الخفجي...كثرتهم تعني شي واحد لي..ان هناك الكثير من اهل الخير وان هناك الكثير والكثير ممن لديهم اموال زائده..صح..نقول احتمال...خلاص بس احتمال كبيييييييير..طبعا هؤلاء النسوه تختلف او تتغير مواقعهم مع نزول الرواتب الحكوميه والشركات الخاصه..فيتحولون الي صرافات البنوك وامام البنوك لان الواحد توه مستلم راتبه والنفسيه توب وخمسه والا عشره مارح تاثر علي ميزانيته اللي بتطير اصلا من اول اسبوع خخخخخخخخخخخخ
هؤلاء النسوه غالبيتهم ان لم يكن جميعهم ليسو من ذوي الحاااجه ولاكن بالنسبه لهم لاينبغي لها اكثر من عباه وقفازات "يقالك من زود الدين" وصك اعسار ماحد اصلا يقراااه....
المهم اعود لهم مستقبلا وهانا ادخل السوبرماركت طالبا عصير برتقال وسندوتش جبن لزوم فكت الريق....................

اتحرك متجها الي دوار الساعه ...وقبل ددوار الساعه يلفت انتباهي حي الخليج...من جد شي وتحس انه ماله دخل بالخفجي....الجقيقه ماله دخل لانه تبع الشركه والبلديه ماله دخل فيه...مباني وفلل ومدارس متعوب عليها.....المهم خذيت الدوار واتجهت الي شارع البلديه..علي فكره ليه سمووه شارع البلديه...اقولكم بكره..

woojood · 18-10-2009, 05:49 PM

خخخخخخخخخخخخخخخخخـخخخخخخخخخخخخخخخخخخخـ
ليه سموه شارع البلديه لانو البلديه فيه ههههههههههههههه
يعطيك عافيه على هاليوميات التووووووووووووووووووووحفه
بانتظاارك

أبومهاوى · 19-10-2009, 09:02 AM

[align=center]ابو السكاريب كيف الحال وش اخبارك

الغريب فى يومك انك ماتمر على فوال الصبح وتاخذ فول

بل تمر على احد المقاهى وتاخذ قهوه على الصبح

طبعا هذا ان دل انما يدل على انك شخص كلاس وراقى جدا لانك تبدا يومك على الطريه الاجنبيه

وعلى حد علمى ان ثقافتك كلها اجنبيه

على فكره دير بالك على الموتر الجديد

واحلى تحيه[/align]

ابو جراح M · 19-10-2009, 02:17 PM

لان البلديه على شارع البلديه

خخخخخخخخخخخ

اففففف متى تكمل

National Day · 20-10-2009, 07:33 AM

يسلمو سكروووب على اليوميات من جد رائعة يخليك ربي يا بغ بغ بغ بغ طولتها خلاص بنهي بس اصبر على عينننننننننننننني اوفففففففففففففففف مابغت تخلص

تحياتي لك

شمس الرائدية · 20-10-2009, 08:42 AM

اي وحده تشحد كذابه اصلا الفقير مايشحد واشكالهن كذابات مافيه أحد يجي يسحبهن

woojood · 20-10-2009, 07:16 PM

يلاترانا متحمسين لشاارع البلديه هههههههههه
بانتظاارك وبسرعه لاتطول

!!سكروووب!! · 20-10-2009, 07:44 PM

بسم الله الرحمن الرحيم ..

الحلقه الثالثه من يوميات ابو السكاريب...

اولا...

وجود ابومهاوي ابوجراح ناشيونال دي كارليس بنت مناحي لكم كل الشكر علي المتابعه التي ان دلت علي شي فانما تدل علي خفت الدم لديكم ايها الاخوه والاخوات الافاضل ..
نعود اليكم..............
تشششششششششششششششششششش
ناسف لانقطاع الصوت الخارج عن ارادتنا

نعود اليكم..........

المهم واحط رجلي ..الا حنا وين وصلنا...
ايه خذينا الدوار ودلي دلي علي شارع البلديه...
سالت ليه سموه شارع البلديه..
كان الجواب البديهي..
لان البلديه تقع علي نفس الشارع...
المهم ...صدقت السالفه...
لاكن اكتشفت ياهو اكتشاف عجيب..
سموه شارع البلديه من كثر ما تشتغل فيه البلديه..
حفر دفن بذا الشارع الي يومنا هذا..صار الشارع من قوه الفراغ يمرون عليه مرتين الي ثلاث مرات بالسنه وهات ياحفر وهات يادفن ..
المهم ماعلينا.....
خذيت الشارع الين دوار الصناعيه وبعدين ميل عقاله اقصد ملت علي الصناعيه ..يجيك احساس انك في لاهور الي منك دخلت الصناعيه..تصدقون فيه ورشه لحام كل ماتعديت من عندها ضحكت تدرون ليش...الي كتبها واضح انه باكستاني والدليل"ورشه لهاام"هههههههه
المهم نسيت اقولكم قبل لا الف علي الصناعيه فيه بوفيه السفينه..اللي شغال فيها اخ عربي من مصر ومعه طقم بنغاليه...واحد من البنغاليه كان راعي غنم وسفرره كفيله بعد ماجاب العيد فيه وسرررق فلوس..دارت الدنيا وصار يشتغل بذا البوفيه..المهم يمكن الله هداه مع اني ماني ضان لان البنغال
مالهم امان...
المهم كان يوم حافل وحافل جدا ...

تبون نكته ..من جد عاد..خلاص بقولكم نكته عجيبه..
هذا سلمكم الله واحد من الشباب مشتري غدا ..وهو راجع وقف يساعد واحد متعطله سيارته ..المهم فيه وحده من درايش السياره مفتوحه..دريشه السواق..شوي وال كم قطو داخلين السياره علي ريحه الغدا..المهم خوينا يوم رجع وفتح الباب الا ذاك القطو الهرش نازل من السياره الا ويصيح خوينا العن .......
المهم هم قطوين واحد نزل والثاني من قوه الخرعه طمر للمقعد الخلفي..صدق دلخ..المهم الدرايش مقفله..وهالقطو يطمر علي باله الدريشه مفتوحه خخخخخخخخخخ
المهم شوي ويصك الدريشه ..ويرجع يبي ينط مع الدريشه الثانيه ويصك الدريشه ..المهم القطو مو داخ الا العن خامسه...طيب ياقطو ياحيوان خويك نازل قدامك وراك مانزلت معه خخخخخخخخخ
حيوان صدق حيوان.....
المهم موعدنا غدا مع شارع الثقافه ..كلكم تعرفونه الله من زود الثقافه بذا الشارع اقولكم بالتفصيل غدا..
هنا انطم عن كل مباح واعود اليكم مع كل مباح غدا في تمام الساعه طعش بتوقيت جرينتش..

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
يوميات حاج	sadem	المنتدى الإسلامي	16	20-11-2010 04:34 AM
[ سكرووب ]ألفَ مبروَوك َ لوصولك الالفيه الجديدة بكل تميز	سـَمآ ♪	:: منتدى الأصدقاء::	24	08-02-2010 09:47 AM
عوده سكرووب	!!سكروووب!!	:: منتدى الأصدقاء::	28	05-10-2009 02:10 AM
!!! يوميات قلب !!!	.,. المرسى .,.	:: المنتدى العام ::	5	07-06-2008 10:02 PM
يوميات زوج !!!!!!!!	عذااره	:: منتدى الصور والكاريكاتير::	2	14-01-2006 10:57 PM