يا أكالة الخنـــزيــر ما أنتم أهل لي ... !!

[أبو فهاد]

أهلي بعيد و ذقت هجر و عواقيـب
............................ يا أكالة الخنزير مانتم هـلٍ لـي
أهـلٍ محبتكـم دعايـة و أكاذيـب
............................ تتكهنون ان الهوى صافـيٍ لـي
في محفظتكم فرحتي يـا معازيـب
............................ رسالـةٍ عنوانهـا مـن محلـي
عطوني اقراها و أوسع لها الجيـب
............................ جيب القميص لحملها مـا يملـي
مكتوب يطلع لـي بطيـه مكاتيـب
............................ و لعل مكتوب الحبايـب يسلـي
من دمع عيني ما قريتـه بترتيـب
............................ ساعة نشرته قمت أرحب و أهلي
و أشوف يا مكتوب فيك التعاجيـب
............................ المنشي أصبح ما قطع عبرةٍ لـي
لكن يا ترحاب و أجمـل تراحيـب
............................ و اللي نقص من شرحكم جايزٍ لي
لنا يا أبو خالـد عليكـم مطاليـب
............................ أخباركم باقلامكـم ونسـةٍ لـي
و ان سلت عني مستقيمٍ على طيب
............................ أرعى حقوق الله و أكبر و أصلي
عن فرض ربي ما أتهاون ولا اغيب
............................ مكة و أنا بانجلتـرا قبلـةٍ لـي
في واجب الدنيا بذلنـا التسابيـب
............................ و خدمة حبيب المملكة غايةٍ لـي
و عبدالله أرسلنا لكسب و تجاريـب
............................ يبـي رجـالٍ بالعمـل تستقلـي
إن ما وفينا معـه حياتنـا عيـب
............................ أحسن نروح مع البهايـم نفلـي



الشاعر : خلف بن هذال العتيبي ..

[ابو سلطان]

تسلم علي الاختيار يابوفهاد
وصح لسان الفريق خلف بن هذال

[الجوووري]

هلا وغلا


ابو فهاد ..


صح السانك والسان الشاعر خلف..

ولاهنت على هالنقل ..

الف شكر لك ..

[حنين]

تسلم ابو فهاد على هالنقل

الله يعطيك العافيه

[أبو رائد]

سلمت يابوفهاد

وصح لسان الشاعر خلف بن هذال

[jawal99]

لاهنت ياأبو فهاد على نقل هذه القصيدة

خلف بن هذال شاعر بعنى الكلمه ويستحق فعلناّ لقب شاعر الوطن

[رووان]

[align=center]هلا بك ابوفهاد
سلمت يمناك وصح لسان شاعرها

لاحرمنا من اختيارك

رووان[/align]

[ديومه]

موفق بإذن الله ... لك مني أجمل تحية .