مساحات الفرح تصغر ولا يبقى سوى همي..
وضياع أحلامي وفراقن ترك في داخلي بركان.
تعبت استوهم الفرحه تعبت ابكي على حلمي..
تعبت اوقف على اطلاله ادور له على عنوان..
اشوفك يالحزن وافي كأن اللي رضعك امي..
او انك جيت من غربه ولقيت فداخلي اوطان..
جرى طبع البدو بدمك فزعت بحربي وسلمي..
تسل السيف في وجه الفرح وتعزز الحرمان..
اداويك وتداويني وتخلط دمك بدمي..
قطفت القلب وعروقه وتبدل داخلي شريان..
واذا اقبلت بجروحي تنادي هلا عمي..
وانا اجاوب هلا باللي وفا اكثر من الخلان..
واشكيلك من جروحي واشكي من تعب ظلمي..
وتغرقني بأفضالك الا من جيت لك تعبان..
ومنك بس عرفت اطباع ناسي يابطل فلمي..
عرفت ان الوفا نادر وغدرن هو جزا الاحسان..
عرفت الدنيا ماتسوى وانا ماكان ذا علمي..
حسبت انها عزيزة شان واثرها مالهاا اي شان..
انا ماكنت غير اني صريح والصدق جرمي..
واثر مايعيش بالفرحه سوى الكاذب مع الخوان..
انا يكفيني لا مني رحلت اترك صدى اسمي..
تزين بالوفا ولو البشر خانوا انا الكسبان..
وانا مبطي انقتل فرحي ولا باقي سوى همي..
وضياع احلام وفراقن ترك بداخلي بركان..
المواضيع المتشابهه
مسآحآت آلفرح تصغر ولـآ يبقى سوى همي ..~
وفقكم الباري 
العرض العادي
