فنجــــال .. شعــــــر ..!!

[ماجد المري]

[align=center]السلام عليكم ورحمة الله وبركاته

تفضّلواااا ..!!

::

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=1 align=center use=ex num="0,black"]
حضّرت لي من دلّة الشعر فنجال=وأرجي من الله والنشامى قبوله
يبري خوى من شاقته زين الأمثال=ونفسه من دقاق القصايد ملوله
قد لي ثلاث سنين وأنا أستر الحال=والحال بيّن فالجسم من نحوله
فاقد عزيز(ن)غرّته بعض الأزوال=يا قرب داره غير ماني بحوله
بيني وبينه حالت أبواب وأقفال=في دولة تسكن لها وسط دوله
أصارع الدمعه على شان الأنذال=وأدري نزول الدمع مابه رجوله
ما أشين من الدمعه على خد رجّال=إلا إبتسامه عقبها من عذوله
ذل العزيز أقسى محطّات الإذلال=ما يشبه إلا الموت لحظة وصوله
نحزن وتنعش حالنا بعض الآمال=لولا الأمل كان الجنايز عجوله
عرفت من حر الزمن وأشهب اللال=ما يجهله من لا يشيل الحموله
الهم بين الناس رجلي وخيّال=خذ له مع الغفلات صوله وجوله
والعز كثر المال مع كبر الأفعال=والرجل ما يكفيه عرضه وطوله
ودّك برجّال ليا قال ما مال=لو كان راس المال عنده ذلوله
دروس .. لكن نزّلت دمع رجّال=والدمع للرجّال مابه رجوله[/poem]

::

مــاجد المــري[/align]

[ماجد منيف]

اولا ً لي الشرف ان اكون اول من رد عليك
.
.
.


الهم بين النـاس رجلـي وخيّـال
خذ له مع الغفلات صوله وجولـه
والعز كثر المال مع كبـر الأفعـال
والرجل ما يكفيه عرضه وطولـه
ودّك برجّال ليـا قـال مـا مـال
لو كان راس المال عنـده ذلولـه
دروس .. لكن نزّلت دمـع رجّـال
والدمـع للرجّـال مابـه رجولـه




لله درررررررررك يالسمي

صح لسانك ملايين ولاهنت

يا قرب داره غير مانـي بحولـه

بس لو كاتب بدل من غير ( مير ) تطلع ميه ميه


على كل حال عملاقه ككاتبها

صح لسانك ولاهنت يالغالي

[sun shin]

بيني وبينه حالت أبـواب وأقفـال
في دولة تسكن لها وسـط دولـه

هذة والله المشكله.



أنا اشوف ريحه الهيل والزعفران والعود المعتق ...واصلتني قبل ادخل المنتدى أثر ماجد منزل قصيده... صح لسانك وجاد بيانك...مبدع بالرغم مافيها من مسحة الحزن..الذي لا تخلى قصايدك منه



تقبل فائق التقدير والاحترام
أستاذي شعراً وخلقاً وادباً...


كن بخير

[بوح المشاعر]

اقتباس أصارع الدمعه على شان الأنـذال وأدري نزول الدمع مابـه رجولـه ما أشين من الدمعه على خد رجّال إلا إبتسامه عقبهـا مـن عذولـه ذل العزيز أقسى محطّـات الإذلال ما يشبه إلا الموت لحظة وصولـه

ابيات جدآ راااائعه


ربي يسعد قلبك

[هجاد الليل]

ودّك برجّال ليا قال ما مال
لو كان راس المال عنده ذلوله
دروس .. لكن نزّلت دمع رجّال
والدمع للرجّال مابه رجوله



صـــــــــــــــح لــــــــــــ،،،ــــــآنــــك ..
أبيآآآت مهما قلت فيهآ لا أستطيع وصفهآ ..
روووووعه .. أسجل إجآبي بهآآ ..

لاهنت يالغالي ..

[ابوطلالs]

ماجد المري

صح لسانك على هذه القصيدة الرائعة

شاعر متمكن والشيء من معدنه لايستغرب

دمت برعاية الله

[سامي الشمري]

[align=center]أنا من دخلت المنتدى .. و أشم ريح الهيل .. و الزعفران ..!



أثاريك شاب نارك يا أبو سالم ...!!!







ماجد ..!


أشرب فنجال شعرك ولا أقول لك بس ..!!!




[/align]

[بنت حايل]

مااااااااشاااااء الله عليك ياماجد !

قصيده أكثــــــر من راااائـــعه ..

صح لسآآآآآآآآنك أخوي ..

ويعطيك العافيه ..

[~أصداف~]

.
.


وعليكم السلام ورحمة الله وبركاته ..

.
.

ماجد ..

اقتباس ما أشين من الدمعه على خد رجّال إلا إبتسامه عقبهـا مـن عذولـه ذل العزيز أقسى محطّـات الإذلال ما يشبه إلا الموت لحظة وصولـه

توقفت هنا مرغمة ..
حتى أُبصر ..

اقتباس دروس .. لكن نزّلت دمـع رجّـال والدمـع للرجّـال مابـه رجولـه

وتوقفت هنا برضى ..
حتى أتعلم ..

.
.


نص باذخ ..
وكما عودتنا دائماً بوحك من العيار الثقيل ..

صح لسانك .. دون أن نكتفي من ترديدها ..
.
.

دُمت مبدع ..

[شاهر الشاهر]

سجل اعجابي ومتابعتي


صح لسانك


ابو ثامر