و.. جيتك .. فـِ ذاكرتي وْجيه وقصايد تمر ..~|

[~أصداف~]

.
.


ياأول العام : هو مثلي .. يمرّ العُمر ؟
............ مابين وهم الجفاف .. وانتظار القراح !
أو هو مثِل غيم يعبر عيني .. وْينهمِر
............ أو هو مثِل صمت بشفاهي كبر لين باح :
كل التعب والعتب .. كل الجليد .. الجمر
............ اللي تراكم على غصون الصدر واستباح :
فيني الفراغ الكبير .. الـ ما بقى به شبر
............ ما فاض منه الحنين وإمتلى بالجراح !
يا أول العام : طاحت من غُصون الشعر
............ أوراقي الذابله .. و تْبعثرت للرّياح
وجيتك .. فـِ ذاكرتي وْجيه وقصايد تمر
............ برمي أثَرْها ورا النسيان .. هذا الصباح
و اهرب عن الخارج لـْ آخر حُدود الصدر
............ وانزع من من الداخل الحزْن .. العتيم .. الرّماح
وارسم لي دروب محفوفه : بياض وزهر
............ و اركض عن الضيقه لْـ آآخر مدى الإنشراح !