|
((( أنا الهواوي ماهو بجورج بن سوف. . . !!
قصيدة تعبّـــــر عما بداخلها
أرجو أن تنال على إعجابكم واستحسانكم
الله من هـمّ ٍ كمـن داخـل الجـوف
خطر ٍ علـى قلبـي يفتّـق عروقـه
كل السبايب شخص واحد ومعـروف
إذا ذكـر بالقـلـب زادت فتـوقـه
وش عاد لو القلب له عيـن ويشـوف
حطّم ضلوع الصدر من قـو شوقـه
لكن ربّي ما خلـق قلـب مكشـوف
خلاّ اللحـم والعظـم تحتـه وفوقـه
أنا الهواوي ماهو بجورج ابن سـوف
اللـي يبـا نجـوى تسمّـع طروقـه
وأنا الهوى خلاّني أضرب على اكفوف
والدمع فـوق الخـد زادت حروقـه
في حب غير الزين مانيـب مكلـوف
ولازيد حمل القلب في غيـر طوقـه
وأنا خيالي في هوى الزين مخطـوف
أسير حـب الزيـن باهـي شروقـه
راع أشقر ٍ دايم على الراس ملفـوف
وما زاد عـن راسـه يكفّـه بطوقـه
ما حـط مكيـاج ٍ ولا حـط نفنـوف
زينـه علـى غيـره تبيّـن فروقـه
كان الدجيما ياهـل العـرف ملقـوف
يشهـد علـي الله عـذابـي يفـوقـه
وكلنتن اللي راح فيها من الـLOVE
تبـع مونيكـا ليـن ضيّـع حقوقـه
الحب جن وصاحب الحـب محفـوف
روحه على جـرف ٍ هيـال ٍ زلوقـه
آخر تعديل غرك زمانك يوم 14-11-2006 في 08:52 AM.
|
المواضيع المتشابهه
العرض الشجري