السلام عليكم ورحمة الله وبركاته
قصيدة رائعة للشاعر عبدالله الطلحي
اداء احمد الطلحي
سرى هاجسي يلعب على القاف والمعنا
وتطربنـي القيفـان لازان معنـاهـا
طرالي زمـانٍ فيـه عشنـا وربعنـا
ربيع السنين اللي مضـت مانسيناهـا
جمعنا الربيـع وعقـب قفّـا توادعنـا
وخطّت لنا القسمـه دروب ومشيناهـا
كبرنا وبـدروب المراجـل توزعنـا
ولافيـه قمـه عالـيـه مارقينـاهـا
وذكر الحيـا لـو مارعينـاه ينفعنـا
ونمشي باثـر قـومٍ ولـو مالحقناهـا
نصيـد الفوايـد والمجالـس تجمّعنـا
عـدودٍ ليامنّـا ظميـنـا وردنـاهـا
ليا ذكـرت أفعـال النشامـا تسمّعنـا
ومن حرصنا باقصى الضماير حفظناها
وشبنا وبصـدور المجالـس تربعنـا
وكل الحقـوق اللـي علينـا عرفناهـا
ليازام راعي الكبـر حنـا تواضعنـا
تواضع شرف ونفوسنـا ماوضعناهـا
نطيع الزمان ولو عصينـاه طاوعنـا
وغلطات جاهل لأجل عاقل سمحناهـا
نقـدّر عيـونٍ بالمجالـس تطالعـنـا
على الروس ترفعنـا وحنـا رفعناهـا
ونحسب لكلمة شايـبٍ يـوم يسمعنـا
يزن قدرنـا بالكلمـه اللـي نطقناهـا
صبرنا على مـر الحيـاه وتجرعنـا
وبالصبر حصلنـا الحـلاوه وذقناهـا
تغيّـر جبـال ولاتغـيـر طبايعـنـا
طبايع على مـر الزمـان إكتسبناهـا
ويـوم الله اكرمنـا وبالعـز متعـنـا
جمعنا مكاسبنا علـى اللـي ورثناهـا
http://www.5ymah.net/inf/voicesm/3625.ra
جودة عالية
http://g5g5.net/xzfiles/5sl25169.mp3
واتمنى ان تنال رضاكم
المواضيع المتشابهه
العرض الشجري