تعبنا الظلم واجحافه ..... !!!!!!!

[almoce8ar]

السلام علكيم ورحمة الله وبركاته

زف حكم مباراة الهلال ونجران اليوم الهلال الى نهائي كاس ولي العهد

ومن شاهد المبارة وخاصة في الشوط الثاني يشوف العجب من الحكم

ومن بعض ماشاهدته ودونته عندي مايلي :

ويلهامسون وعلى مشارف منطقة الجزاء النجرانيه يشوت الارض ويسقط والحكم
قريب ويحسب للهلال فاول وكرت اصفر على لاعب نجران وسامي الجابر يعترض
على الحكم على قراره مطالب بطرد اللاعب (ياعيني) والحكم الرابع يتوسل لسامي
بان يجلس في مكانه بكل احترام وبدون اي انذار له ..!!

ياسر القحطاني ينتقم لنفسه من اللاعب رقم 29 ويضربه بدون كره ويتلفض عليه
والحكم !!!!!!!!!!!!!! ونشوف لجنه الانضباط وش بتسوي ...؟؟؟؟؟؟؟؟

في الدقيقة 28 من الشوط الثاني هدف للاعب تركي الثقفي ملغى مع ان الكل شاف
حسن العتيبي اخرج الكره من داخل المرمى !!!!!!!!!!!!!!! و الغريب ان القناة الرياضية
ماعندها اللا كاميرا واحده فقط لهذه اللقطة عكس المباريات الثانيه تلقى اللقطه من جميع
الجهات حتى من الاقمار الصناعية يجيبونها لهم بس حقت نجران سبحان الله طفت كل
الكاميرات اللا هذي .

وفي الدقية 90 من الشوط الثاني قمة المهازل في كرة مرفوعه لنجران يتقدم الاسطورة
حسن العتيبي على الكره ويشاهد الحسن اليامي امامه ويمسكه بيديه ويلقي به ارضاً
ويحتسب فاول على الحسن اليامي !!! اكيد يحسب فاول ليش مايحسب هذا الهلال
وانت غلطان يالحسن ليه تجي في درب الحارس لعاد تتعودها يالحسن واعتزل احسنلك
عشان ماتقع بنفس المشكلة اللي ماتغتفر ..

ماقول الا الله يعين الاهلي في المبارة الجاية يوم الجمعة .

[سمح المحيا]

مشكور يا الموسيقار عالموضوع


وبالنسبه للنقاط اللي ذكرتها

الكاميرات لم تبينها عدل

وفوده قال انها مو هدف..؟؟


وبالنسبه للدقيقه 90 زاويه الحكم او تمركزه لم تسمح

له براويه ضرب العتيبي لليامي من الخلف..

[الدووووخي]

اقتباس ويلهامسون وعلى مشارف منطقة الجزاء النجرانيه يشوت الارض ويسقط والحكم قريب ويحسب للهلال فاول وكرت اصفر على لاعب نجران وسامي الجابر يعترض على الحكم على قراره مطالب بطرد اللاعب (ياعيني) والحكم الرابع يتوسل لسامي بان يجلس في مكانه بكل احترام وبدون اي انذار له ..!!

لاعب نجران بقدمه اليسرى لمس رجل ويلي .. طلعا هذي انا شفتها وفوده اكدها ..

وبالنسبه لسامي فقدم اعتذاره البارح ويكفي ..

اقتباس ياسر القحطاني ينتقم لنفسه من اللاعب رقم 29 ويضربه بدون كره ويتلفض عليه والحكم !!!!!!!!!!!!!! ونشوف لجنه الانضباط وش بتسوي ...؟؟؟؟؟؟؟؟

والله ماشفنا لاضرب ولاشيء مجرد انفعال على تكرار ضرب المدافع له والالفاظ مدري شلون سمعتها ..

ولجنه الانضباط ماراح تسوي شيء لان الاحتكاك جدا عادي ..

اقتباس في الدقيقة 28 من الشوط الثاني هدف للاعب تركي الثقفي ملغى مع ان الكل شاف حسن العتيبي اخرج الكره من داخل المرمى !!!!!!!!!!!!!!! و الغريب ان القناة الرياضية ماعندها اللا كاميرا واحده فقط لهذه اللقطة عكس المباريات الثانيه تلقى اللقطه من جميع الجهات حتى من الاقمار الصناعية يجيبونها لهم بس حقت نجران سبحان الله طفت كل الكاميرات اللا هذي .

شوف حسن العتيبي كان داخل بعد الخط بشوي يعني الكوره مادخلت او دخلت بس مو كامل محورها ..

اقتباس وفي الدقية 90 من الشوط الثاني قمة المهازل في كرة مرفوعه لنجران يتقدم الاسطورة حسن العتيبي على الكره ويشاهد الحسن اليامي امامه ويمسكه بيديه ويلقي به ارضاً ويحتسب فاول على الحسن اليامي !!! اكيد يحسب فاول ليش مايحسب هذا الهلال وانت غلطان يالحسن ليه تجي في درب الحارس لعاد تتعودها يالحسن واعتزل احسنلك عشان ماتقع بنفس المشكلة اللي ماتغتفر ..

هذي انا معك ضربه جزاء ..

واخطاء الحكام وارده ولكن لاننقص بحق فوز الهلال ويستااهل النهائي ..

طبعا كل الكلام هذي وجهة نظري ..

واللي يبي يناقش رجاءا بهدوء واي رد غير ذلك سيحذف ..

[almoce8ar]

وبالنسبه لسامي فقدم اعتذاره البارح ويكفي ..


وش يفيد العذر



والله ماشفنا لاضرب ولاشيء مجرد انفعال على تكرار ضرب المدافع له والالفاظ مدري شلون سمعتها ..

ولجنه الانضباط ماراح تسوي شيء لان الاحتكاك جدا عادي ..


ما يحتاج اني اسمعها لان ياسر قاله ( كيف الحال وشلونك ) ,,, وحسين عبدالغني يوم تلفظ على

الفريدي حط يده على فمه لكي ما تلتقط طريقة اللفظ ,,,... واظن انه ما يحتاج اني اسمعها ...




شوف حسن العتيبي كان داخل بعد الخط بشوي يعني الكوره مادخلت او دخلت بس مو كامل محورها ..



الله يهديك ,,, وين داخل بعد الخط بشوي



هذي انا معك ضربه جزاء ..


وشهد شاهدا من اهله

واخطاء الحكام وارده ولكن لاننقص بحق فوز الهلال ويستااهل النهائي ..

الاخطاء هذي غيرت مسار بطل كاد ان يدخل التاريخ ...

طبعا كل الكلام هذي وجهة نظري ..


احترمها

[فتى السيلساو]

عشنى ويا ما حنشوووووووووف

[فقدته]

[align=center]والله وانا اخوووك ما شفت للمباراة ...!!

يا الموسيقار مو اول مرهـ تصير بالسعوديه ....

تعودنا تحصل هالسؤالف هدف غير هدف جدام الرائد ...

وامس هدف ما احتسب ( بس ما شفته ) هذا الي سمعته ...

ما اقول الا الله يصبرنا على الاحكام ...



يعطيك آلف عـافيه ولا هـنـت على الموضوع ... <<< اشوني ما شفت المباراهـ ...!![/align]

[أبو عايد]

لا وازودك من الشعر بيت

هدف ياسر فاول على الكوري

ههههههههههه <<<<< كل هذا ع شان الهلال فاز