حياكم سمعوني آرائكم

[وهابية]

السلام عليكم ورحمة الله وبركاته..

صباحكم عامر بذكر الله وطاعته..

حقيقة اليوم خاطري أسمع آرائكم حول موضوع غالبا مايجي على بالي..

أستغرب من أطفال الجاليات الموجودة بالسعودية

لما اسولف مع واحد فيهم .. كيف الطفل ذكي في انتقاء

الردود والمبالغة في الاحترام للناس الاكبر سنا منه.. بل

حتى واللي فمثل عمره ..بينما أطفالنا حدث

ولاحرج..وماابي اخش بالتفاصيل كلنا عارف البير

وغطاه..شئ محزن صراحه أطفال بلاد الحرمين

بهالاسلوب, لدرجة مرة من من المرات

قلت لاختي ابسولف مع اخوي الصغير وأبيتس تحسبين

لي كم مرة قاطعني خلال كلامي .. حقيقة من كثر

ماحسبت وطلع العدد خيالي ضحكت وقالت خلاص

لاتكملين.. طبعا أنا ماأجمع ولااقول الكل كذا .. لكن

هالنوعيات موجودة وتكاد تكون هي السائدة ..

مرة كنت بمشغل نسائي وكان فيه حرمة معه ولدها عمره حول الثلاث سنوات

ومعاهم خالته .. الموهم شوي خالته تهاوشه وقالت له العن ابوك -والعياذ بالله-..

بعد سوي الولد قال نفس الكلمة وكلهن قعدن يهاوشنه ..

انا صراحه ماتحملت التفت عليهم وابتسمت قلت كيف تهاوشين الطفل وانتي

اللي علمتيه هالمفردة ؟ .. الله يهديهم بس..

أنا حقيقة لمحت فنهاية حديثي لرأيي لكن أحب أسمع آرائكم التي ستثري الموضوع

بكل تأكيد..لاتحرمونا تفاعلكم وجزاكم الله خير..