مرحبا بكم وكيفكم يا الر ائدية عساكم على القوة هذي يومياتي بالقرية لما كنت صغنوط أهبّل ياحليلي وكنت أصيف في متزيبرة اللي حول هالرياض((باور شوف شلون كنت أقضي الصيفية))يارب تنال على رضاكم وتعجبكم عطلتي
ياخي منذو مبطي ماكتبت احس ان خطي صار مهوب زين
ياخي مستانس نبي نروح لخوالي كل عطله نروح هناك للديره وناسه
الديره = قرية صغيره اول ماتجيها تحسب مافيها سكان لكن ماتلبث قليلآ الا وطالعين
من وسط البيوت يخرعوون هههههههههههههههههههههه
يعني قمت الوناسه والفله نقوم الصبح كل واحد معه سندويشة جبن وكوب شاهي
طبعا الكوب كان بيوم من الايام حق جبنه بس بقدرت قادر صار للشاهي
ونجي با الصاله ونسدح وساده من وسايد المجلس تحت التلفزيون
والبعض يستخدم المركى
طبعا ياتلحق ياماتلحق اذا تأخرت الله يعينك تنبطح على بطنك ورا الي منسدحين
على الوساده وخذ يا افلام كرتون واذا خلص فلم الكرتون نقوم نطبقه على بعض
يعني كانه الكابتن ماجد طقينها كوره الضحى تصقعنا الشمس بس اهم شي الوناسه
وكانه سنيشرو الله يعين ملازخ ومضارب تطلع منها بجروح سطحيه وكدمات
وصعارير يطلع راسك كنه لاعب بوسطه فار
بعدها نقوم بوقت راحه وهذه الراحه تكون عادتأ عند البراده الي برا كل واحد يغسل
وجهه بماء بارد ونجي با الشمس ونتحكحك الي فيهم نشاط للحين كل واحد يعبي
فمه ماء من البراده ويمجه على الثاني (( يمجه = يقوم بسكب الماء الموجود بفمه
على الشخص الاخر ))
وخذ يامطارد الين يأذن الظهر بعدين يجون الشيبان ويصفوننا للصلاة كننا تونا
مسلمين ضرب وجلد الين يتعدل الصف اذا ركعنا ناظر لرجلينا عاد هههههههه
ماتدري هذي رجلين ولا قطع اثريه الغبار طبقات الواحد مايشوف اصبعه
هذا غير الدفدفه والعب بوسط الصلاه لو قال واحد كح ضحكنا أبليس لاعب علينا
لعب أبن اللذينا هههههههههههههههه
بعد الصلاه ولا حنا هلكانين ندور الغدا وياتلحق ياماتلحق لان كمية الببسي محدوده
لان فيه بعضهم يفك ثنين واحد يشربه والثاني يسعبل عليها عشان يحجزه عاد
وقتها مايهم سعبل ولا لا شاربين شاربين الله لايعوق بشر
بعد الغدا يجي وقت المصارحات كل اثنين يروحون لمكان وسوالف
انواع الصواريخ على بعض فلانه تحبني وهذاك يقول انا بعد تحبني اخر شي يتفقون
انهم يحبونها سوا ويكتبون رسايل ولا يجيبون مسجل ويعبرون عن مشاعرهم
با التسجيل << وربي بسرلنكا ماصارت ههههههههههههه
بعد المصاراحات ووقت سوالف الحب والمغازل
العصر وقت الكوره كل واحد يروح لامه ويلبس ملابس الكوره طبعآ حافي
ويا الله طقها والحقها ماهو مهم فوز الفريق المهم انك تسجل هدف
وانت وشطارتك وتراك اذا مسكت الكوره مليون واحد بيقولك ناول حتى الفريق
الي ضدك بيقولون لك ناول انت طنش وامغط للمرمى
والمصيبه اذا سجل احد هدف خلاص مانشوفه الا المغرب يدور على البيت ويفصخ
الفنيله ويسوي حركات الين يدوخ .. طبعآ مسجل هدف ماهو اي كلام
يجي المغرب كل واحد تناديه امه وتسطره الين يدوخ ليش كذا على ملابسك
يعني وانا لابسهن عشان اكشخ اكيد ابلعب
نجتمع مره ثانيه با الدكه وكل واحد يتكلم عن بطولاته واحياننآ نتصيد جعوله وخنافس
نفكر عن مشروعنا با الليل وش نسوي اخر شي نرسي عليه اننا نجيب المسجل
وكم قدر وكم طاسه وخذ ياتطبيل واغاني كننا نطلع جنون
وينتهي يوم مليء با الفلقات والتكسير والتسطير وننام قريرين العين
كل اثنين بفراش واحد ونجلس نسولف الين نغفى فاغرين فاتحين افواهنا
لنقوم للغد بكل نشاط كل واحد وجهه مختبصه مابين سعابيل و..........
خلوها على ربكم يله بررررب ابروح احزم حقائبي
<< يارجال كله كيس مكتوب عليه اهلا وسهلا اي حقائب ههههههههههه
ملاحظة : الموضوع بدون اختصارات حدادآ على وفاة الحريري
عقبال ولده سعد << منقهر منه عشانه حلو
تشو تشو
المواضيع المتشابهه
العرض العادي
