نحن طالبات كلية الخفجي في خطر .

[وتر .]

[align=right]
السلاممَ عليكم ورحمة الله وبركـأته ،

اسعد الله وقتكم بالخير والسعادةة ..

انا طالبه منسوبه لكلية ألأداب والعلوم بالخفجي ، انـا حابه أتكلم بشغلةة تخص كليتنا ، أنا ناويه بإذن الله أتكلم عنها في ملتقى طلاب وطاللبات جامعة الدمام , لكن قلت كبداية ابتدي في منديات رائدية الخفجي لعل وعسا يكون لأحد قدرة على انقاذ هالتسيب اللي ماشيةة فيه الكلية , الشغلاتت اللي أنا ودي اقولها ابتداءً من مبنى الكلية بشكل عام إلى تعامل موظفاتها " المحترمات " ، يا اخواني وخواتي يكون في علم كل واحد فيكم ، منسوبات كلية الخفجي في ظلم وتسيب حرج ، لو تسأل اي طالبة كيف تعامل الموظفات بتقولك والابتسامه على وجهها جداً جداً راقي ، لو تسألها كيف بُـنية المبنى حقكم بتقول لك أحس بألأمان والراحه النفسيه ؟؟ .. أنا ما أظلم احد ولا أصابعي متساويه فيه الزين وفيه الشين لكن واللي خلق النعمه ان بعضهم يغلبه الشين ، كل مره كل مره نقول أن شاء الله بيصير فيه تحسن وما نفقد ألأمل لكن يطلعون لك ناس عندهم كمية من الخيبه مب عند أحد ، ويكون في العلم أنا عارفه ان المنتدى ذا يتظمن عضويه للموظفات اللي بالكليه ، وانا متقصده احطه هينا عشان يشوفون ، وبإمكاني أنزل أسامي الموظفات اللي أسلوبهم جداً " راقي " لكن أنا اعرف ربي الحمدلله وأعرف ان من ستر على مسلم ستر الله عليه يوم العرض ، ..

أنا بأعطيكم سلبيات هالكليه كلها ،

اولاً : المبنى ، هو صحيح ان فيه تحسن وتحسن جميل جداً " ما أظلم " لكن مو بذمه وضمير ، يعني ألأسبوع اللي راح كان فيه يوم ممطر ، الله وكيلكم كل الكليه متسربه ، اي مكان تروح له تلاقي مويه مويه مويه ؟ يعني بالله هاذا ما يسبب ألتماس وحريق ؟ وفوق ذا كله و لا كأنهم يشوفون شي ..

ثانيا : طلعات جرس الأنذار اللي كل اسبوع طالعين فيها ، وقال ايش قال بنات يلعبون فيه ؟ اي بنت بالله تلعب في جرس ألأنذار من الساعه ثمانيه للساعه 11 ، والمشكله الكليه صارت كلها دخان وما زالوا مستمرين في العطاء والكفاح ولازم يا طالبه هالكليه تأخذين المحاضره وانتي تشوفين الطريق لو فيه أنفجار ان شاء الله ..

ثالثاً : الأمن ثم ألأمن ثم ألأمن .. مو ألأمن الرجالي لا والله هاذولي ما يجي منهم اي شي انا أتكلم عن الأمن النسائي ، انا بافهم شغله وحده من المسؤول عن أنظمة الكليه العميده ولا الأمن ؟ يعني انا أشوف ان كل شي برأي الامن ، والله والله والله اي شي في الكليه لازم يتدخلون فيه ألأمن ، مع أن ألأمن اللي في كلية الدمام مالهم اي سلطه في الطالبه ؟ شغلتها هي تفتش فيه جوال كاميرا ؟ البطاقه الجامعيه ؟ لبس محترم ؟ خلاص تفضلي .. أحنا هينا لو يشوفون البنت تضحك وتسولف مع صديقاتها سوو فيها سين وجيم وعلى فكره في النقطه هاذي انا ما أبالغ .. يا ناس اذا طاالبات كلية الدمام يجيبون جوالاتهم بأنواعها واحنا للحين يوقفونا على التنوره الميدي و التي شيرت لنص الكتف .. ويا ليت فيه عدل يمشون ناس ويخلون ناس ، البنت اللي مضبطتهم يمشونها مثل السلام عليكم ، اما البنت المحترمه يوقفونها ويأخرونها عن محاضرتها وتروح درجاتها .. يعني أقرب مثال موقفين بنات مخالفات وعليهم اختبار وبالمعلوم ان المتأخره عن ألأختبار بخمس دقايق خصم 5 درجات ، يعني راحت الدرجات وهاذولي مو مقدرين " ولله الشهاده ما كانت فيه اي مخالفه لكن المسأله مسأله انهم وقفوا طالبات " .. " اليوم موقفينا مخالفات و زحمه عشان العميده اللي ما احد يشوف وجهها ولا درت عنا وعن سوقنا توها تشوف البنات وعالطول قالت مخالفات .. طيب يا حضرة العميده وينك يوم الالتماس ؟ وينك من بداية العام .. ولا يوم ايه وباقي العام أوف ..

رابعاً : الموظفات وخصوصا موظفات الشؤون .. مافي اي تقدير .. مافي اي احترام .. مافي اي اسلوب ان هذي الطالبه بنت جامعيه كبيره ومسؤوله ؟ اسلوب زي الزفت الله يعز كل من يشوف , واللي خلق لو يجي للوحده منهم تتلفض على الطالبه بألفاظ سوقيه ، النفسيه كل يوم عندهم ماش ، يمشون اللي يبون ويوقفون اللي يبون .. بيوم جايتهم طالبة تعبانه تبيهم يخلونها تطلع ، يقولون لها ما تطلعين الا لما يجي ولي ألأمر ولا بعد يجيب معه ورقه ان عندها موعد .. طيب البنت تعبانة انتوا وين والدنيا وين ، بالمختصر فاشل جداً إللي عينهم والله يسامحه ..

خامساً : مواعيد متى يفتحون البوابه ومتى يسكرونها ، انا اللي أعرفه ان بما أني طالبه جأمعيه خلاص يا ناس اخلص محاضراتي وأطلع وش يجلسني لين تفتح البوابه ؟ والله والله أن فيه يوم دوامت على اساس ان فيه محاضرات وطلع ان الدكتوره غايبه ، واحنا نعرف ان البوابه تسكر 9 وتفتح 11 ونص وأمنا بالله ؟ أجي أبغى اطلع قبل التسعه يقولون ممنوع ؟؟ على اي اساس تقول ممنوع وأنتوا قايلين ان البوابه تسكر 9 وانا جايه قبل الستعه ؟ وفي النهايه اروح للشؤون يقولون لا لازم تستنين ؟ استنى ايش يا ناس وأخلي ايش من العاقل اللي بيقعد من 8 لين 11 ونص وهو ما عنده شي في الدوام ..

تقريباً هاذي الأشياء اللي مسببه أزمة للكليه ومخليتها فاشلة جداً ، يا ناس والله العظيم ترا احنا نعيش أزمة داخل الكليه ، أحنا داخلينها بمسمى أن أحنا عن أهلنا وان احنا ندرس لكن كـ راحة لا والله مافي اي راحة ، رجاءً رجاءً الموضوع هاذا ما يتقفل .. خله يوصل لأكبر مسؤول ويشوف المُعانة اللي يعيشونها الطالبات .. على ألأقل اذا ما يهمك أمرنا ، فكر في خواتك وبناتك بعدين .. فكر بيوم الحساب لما يسألك الله عنا ، شوفوا أقرب حاجه الفيضان اللي صاير ، انتوا ما تضمنون وش يصير ما تدرون ان يمكن لا قدر الله يصير انهيار لمبنى الكليه وانتوا تعرفون ان فيها اشخاص مظلومه واشخاص انفصلت وراح مستقبلهم على ظلم وظلم وظلم .. بالنسبه لي انا ما أبغى يروح عمري وانا عايشه نفسيه وأكتئاب وأوامر .. أبغى احس فعلاً اني طالبه كلية أبغى أحس فعلا أني منسوبه لجامعة الدمام .. اعيد وأعيد ترا بنات كلية العلوم وألأداب محتاجين المساعده .

وشكراً لأي شخص يحاول يساعد أو ينشر هالكلام ويوصله لجهات مسؤوله ، راح تكون في ميزان حسناته بإذن الله ..

" سبحانك اللهم وبحمدك ، ، أستغفرك واتوب إليك "
[/align]