[align=center]السلام عليكم يأحلى أعضاء ,,,,,,, أخباركم ؟
أخوكم مشترك DSL قولوا ما شاء ..
المهم كل شهر وانا طاب على شركة وهات كرت DSL يا رفيق ..
أخذت أول نت .. صراحة شركة محترمة ..وتعامل أخلاق إلى أبعد درجة .. فيه زول في الخبر مول يحبه قلبك ..
زهقت من الشغلة .. قلت خلنا ندور شركة سنة وخلاص نرتاح ..
دورت وبحست وتقصيت ..
أول نت .. سعودي نت .. نسما نت ..
طحت على سيبيريا نت
طبعا عشانهم أرخص ناس .. 256KB في السنة الكاملة 2700 ..مع انه في السوق 3000
هذه طريقة باقولها لكم بعدين ..
المهم كانت بداية الاشتراك 22/12/2005 م ..
عندي في البيت ثلاثة اجهزة .. يعني كل جهاز فيه كم نفر يشتغلون عليه ..
راحت الايام والنت زي الحلاوة ..
يوم جاء يوم 15/1/2006 م فإذا بالانترنت أصبح زي السلحفاة .. يالله عسى خير يا أبو الشباب ..
التنزيل 3KB .. حشا والله الايزي نت أرحم .. حتى الماسنجر ما عاد يشبك ..
وش السالفة يا عالم .. أكيد الابتوب مخرووووووووووق ( أخوي الصغير )
اتصلت عليهم رد علي واحد :: قلت له السالفة ..
قال يا عزيزي انت لازم تراجع مكتب الاشتراكات ( وش دعوى شركة الاتصالات )
قلت : وش السالفة يا عزيزي ..
قال : انت عندك تنزيل كثيييير ..
قلت : كيف يعني ؟؟؟
قال : تعديت الحد المحدد لك ..
قلت : أي حد يرحم امك .؟؟
قال : لازم تراجع المكتب ضروري عشان تفهم الموضوع كويس ..
طبعا أخوكم شويتين كسول .. ما ودي اطلع من البيت .. برد قارس .. والبيت الله لا يحرمنا من الجنة .. دافي ومكيف حار بارد ..
المهم تشجعت البارح .. ورحت للمكتب ..
السلام عليكم .. كيف الحال .. حيا الله .. تفضل .. نعم خدمة ..
قلت : وش السالفة يا عمي ..
قال : رقم تلفونك ..؟
قلت : النت عندي بطييييييييييييييييي ..
قعد يضحك .. طبعا بغيت أقوم أسطره .. بس قلت عيب الواحد عندهم هالحين .. وفلوسي عندهم ..
قال : يا اخي عندنا نظام لكل المستخدمين .. أن لكل مستخدم حد معين من download
قلت : كيف يعني .. معليش ماني فاهم ..
قال : إذا اشتركت 256KB فإن لك تنزيل 5 قيقا .. إذا خلصت تنزل سرعة النت إلى 128 ولك 2,5 قيقا وهكذا .. وعندما يكون الشهر 30 بالميلادي .. نعمل لك إعادة حساب ..
=== طبعا ما كنت أعلم هذه المعلومة .. عندما كنت أريد ان اكتب العقد ..===
قلت : ليش كذا ..
قال : لأنه يكلف ..
=== من الجدير بالذكر : اني نزلت في 9 قرابة 6 قيقا .. على حسب كلامه ===
قلت : يعني باجلس طول السنة كذا .. يا حبيبي ممكن تلغي الاشتراك ..؟؟
طبعا طلعت عيونه من مكانها ..
قال : ليش يا سيد يا محترم ..
قلت : والله هذا ماهو شغل أوادم .. أنا مشترك عشان أقعد أحمل زي ما أبغى .. ماهو تقعد تقول خلص الحد ..
المهم أن شاء الله فهمتوا القصه يعني كل واحد منكم لازم ينتبه للشركة اللي يبغا ياخذ منها الاشتراك
لان في شركات التحميل فيها محدود بعكس الشركات الثانيه التحميل فيها مفتوح
[/align]
المواضيع المتشابهه
العرض الشجري