زرعت .. ما أحبّه ولا عآد لي فيه ..}

[~أصداف~]

[align=center]

.
.




ليت الورق يقرأ وش اللي كتب فيه
وليت القلم يدري وش اللي جرى به ..

أن كان ماتمسي بصدري مشاريه
ولا أتضايق لو تضيق الرحابه ..

وصوتي اللي عجزت الناس توحيه
غريب يوم أصوات غيري تشابه ..

البيت بيتك والمواري مورايه
لكن كبرت ولا كبر معك بابه ..

والناي لو نقض جروحك بأغانيه
جروح غيرك نقضتها ربابه ..

ماهو يتيم أن كنت أنا اللي مغنيه
ولا هو فقير أن كان جرحي زهابه ..

والغايب اللي يغري الشعر طاريه
ماقل قدره لويطول غيابه ..

كم لي وأنا أحث القصايد تخليه
حتى تلاشت رغبتي فالكتابه ..

والشعر لو يفقد حروفه وأساميه
مدري وش اللي بعدها ينبغى به ..

أحترت بين أعتب عليه وأراضيه
أخاف لا يجرح رضاه بعتابه ..

أحيان أقول أبيه وأحيان ما أبيه
إلا أبيه ولو يبي لي عذابه ..

ياللي تجونه دامني مقدر أجيه
وصوا ذهابه لا يشح بإيابه ..

وقولوا له أني من كثر ماني أغليه
أشرب سرابه وأرتوي من سرابه ..

وعلى كثر ما أنسى إذا قلت:ناسيه
دار الزمان وجاب عشقه وجابه ..

حنيت لأيامه وضحكة لياليه
قبله وبعده كل وقتي رتابه ..

أن لمت قلبي عاقبتني محانيه
وأن قلت بأرضى عز نفسي رقى به ..

البارحة كنت أكسر الروح وأنهيه
كان الورق أرض وعيوني سحابه ..

زرعت ما أحبه ولاعاد لي فيه
وجنيت أحبه لويطول غيابه ..



الشاعر ..~ محمد الحويماني ..

.
.
[/align]

[!!" الـ غ ـلآ "!!]

أحترت بين أعتب عليه وأراضيه
أخاف لا يجرح رضاه بعتابه ..

أحيان أقول أبيه وأحيان ما أبيه
إلا أبيه ولو يبي لي عذابه ..


الله عليك يا اصداف
ابيات رائعة

صح لسآنك يالغلا ولاهنتي على هالاختيار الرائع

[فتى الرائدية]

[align=center]


قصيده جدا روووعه


تسلميين




[/align]

[فتى التحفيظ]

راااااااااااااااااااااائع

تسلمين ع النقل

[البسيط الجهني]

.

الله يعطيك الصحة والعافية . أختي الكريمة .. أصداف



روعة جداً ... وختيار موفق ..بارك الله فيك ...



لا عدمناك ..



تحياتي لك.

.

[عزيزة نفس]

تســــــــــــلم يمناك عالاختيار الر اااقي ..

[أبو رائد]

قصيدة جميلة

واختيار رائع وموفق

الله يعطيك العافية

يا آصدآف

[لأجل اشتياقي]

صح لسان قآيلهآ

وسلم ناقلهآ

رووعه ياروووعه

لاحرمنا انتقاؤك العذب من الشعر والمواضيع القيمة

أرق تحية ~

[حنين]

رووعه يا اصداف


اختيارك دائما راااائع



تسلمين يارب

[~أصداف~]

اقتباس المشاركة الأصلية كتبت بواسطة !!" الـ غ ـلآ "!! أحترت بين أعتب عليه وأراضيه أخاف لا يجرح رضاه بعتابه .. أحيان أقول أبيه وأحيان ما أبيه إلا أبيه ولو يبي لي عذابه .. الله عليك يا اصداف ابيات رائعة صح لسآنك يالغلا ولاهنتي على هالاختيار الرائع

.
.

يا هلا ..~

صحّ قلبك الغالي ..
سلمتي لمرورك ..

.
.