قضيه هامه يااخواني ياليت احد يساعدنا فيها ؟؟؟

[ابو وجدان]

السلام عليكم ورحمة الله وبركاته
اخواني الكرام هناك موضوع يزعجني ويزعج من تعرض له مثلي ياناس ممن منا لايحتاج عيادة الاسنان والكل عارف ان مستشفيات >>> الله يسامحهم ضاربين الاسعار فوووووووق تقطيع العصب 600 ريال لا وفيه عيادات 800 وصلت ياناس مو هذا اللي قاهرني اللي قاهرني المستوصف الحكومي تخيلوا يااخوان المواعيد طبعا بالحجز وتجي بدري لازم وهذا من التنظيم ومافيه اعتراض لكن اني اجي الساعه 7 صباحا وانا في المستشفى وابي احجز رقم يقولون مافيه مليان في اي قانون هذا يعني متى صار الحجز مصلين القيام عندهم مثلا ياناس اتقوا الله اللي يعرفونه يحجزون له بالتلفون واللي مايعرفونه يحذفونه يمين وشمال وللاسف هذا المدير بكبره اللي يقول والله مافيه خلاص مو حرام اذا ماعالجنا بالحكومي وين نروح مو كلنا نقدر ندفع 600 ريال للاهليه خصوصا اذا كان اكثر من ضرس ادفع 1200 او 1400 او1600 وين الرقابه ياناس حرام والله ماحد يتحمل وجع الضرس والكل عارف اتقوا الله يامنا تتعاملون بالواسطات حتى بمواعيد المستشفى والحجز ياناس ياليت احد يشوف لي حل بالمشكله ذي لان والله الوضع يقهر يقهر شاكر لكم قراءة الموضوع

[KFJ3000]

الله يعينك اخي الكريم ..
بصراحه انا حاسه فيك جدا وياويلي على وجع الضروس الله يصبرك .. احتسب الاجر عشان على الاقل تستفيد من هالالم !!
انا اخوي بعد يعاني من نفس المشكله بس اللي مايتصدق انو فعلا المواعيد تخلص من الصبح لانو معظم المواعيد اصلا تكون مراجعات محجوزه من اول والباقي فعلا الناس اللي يحجزونها من الفجر لانو فيه قانون صارم بالمستوصفات انو محد يحجز بالواسطه خصوصا الاسنان وفعلا مواعيدها تخلص من الساعه 7 ونص يعني الله يعينك تكون هناك الساعه 6 عشان تلحق على موعد !! الناس يروحون الساعه 6 ياخذون موعد ويرجعون للبيت واللي ضروسه توجعه يصحى الصبح عشان موعد .. بس اللي يقهر اللي يروح ياخذ موعد ويرجع البيت ومايروح الموعد يصير ضيعه على نفسه وعلى مريض ثاني ممكن يكون محتاجله اكثر منه !!
بس الاهم من المواعيد والمشكله الاكبر انك تلاقي الموعد بشق الانفس وبعدين يطلع الجهاز خربان ولا نوع الحشوه مش متوفر والله لو احنا عايشين بالصومال مو بالسعوديه !! انا مدري هم ليه مايوفرون كل شي ؟؟ بالمستوصفات الحكوميه بكل السعوديه كل انواع الاجهزه والحشوات متوفره الا عندنا ماغير هالثلاث عيادات وكلها خربانه وفاضيه والله اني مرات حتى الدكتوره تنحرج مني لانو العياده مافيها شي !!

الله يعينك اخوي مالك الا تاخذ حبة بروفين 600 عشان يسكن الالم بس انتبه لايكون عندك حساسيه منه وتصحى يوم السبت الفجر تروح تاخذلك موعد !!

[لحن الحزن]

وعليكم السلام ورحمة الله وبركاتة


هلا فيك اخي الكريم


والله يالغالي مشكلتك نعاني منها من فترات طويلة جدا بكل صراحة ليس فقط بعيادات الاسنان وانا اتحدث عن المستشفيات الحكومية بل بجميع الاقسام

والمشكلة هذه الحجوزات الغريبه يعني اصبح من اللازم تعرف احد المسؤولين في الاستقبال او الحجوزات او الاداره علشان يتم حجز الاسم لك

والغريب وكل الغريب ان هناك اناس الله منعم عليهم بخير كثير ومع هذا تلاقيه متواجد وبالواسطه داخل ما نقول لا يتعالج ولكن يجب ان يراعي ولكن له الحق في العلاج

انا يا اخي الكريم سجلت مذكره كامله بعد صدور البطاقات الذكية وكان في وقتها هناك جهاز يستخدم في مستشفى اوروبي هذا الجهاز مبرمج عبر البطاقة الشخصية يعني تدخل تروح المستشفي وتختار الوقت وتشوف اي وقت يناسبك واي وقت يكون فاضي ويتم ادخال البطاقة وحجزه عن طريق البطاقة الذكية ولكن كانت تواجهني وقتها مشكلة العائله يعني لا توجد بطاقات عائلية ذكية في وقتها ولكن اليوم توجد يعني كان من المفروض استخدام هذه الطريقة للحجز بدون استخدام الموظفين

طبعا هناك شرح يطول حول تأكيد الحجز قبل الموعد بيوم لكي لا يتم حسبه والشخص لم يأتي ويكون هذا عن طريق هاتف خاص بالمستشفي يتم الاتصال به وادخال رقم البطاقة ويتم الرد عن المواعيد لديك ووقتها المحدد

طبعا هذه الطريقة ليست غريب وهي متواجده في اماكن كثيره

يعني بذكر لك قصة شخص قام اتصل بصديق له في المستشفي وطلب منه حجز موعد له حجز الرجل الموعد ولم يأتي للموعد بعدها بفتره طلب موعد ثاني وقام بحجزه له طبعا كأقرب وقت من باب الصداقة اكيد راح يراعية

ولم يأتي المره الثالثه حجز له موعد ولم يأتي وبالاخير استاء الموظف من صديقه وقال له كل مره احجز وماتأتي بالموعد فرد عليه لا لا خلص انا عالجة في مستشفي خاص ....!!!

انا اتمنى ان يكون هناك أليه بالحجز حتى لو كان عبر الشبكة العنكبوتية يعني مثل الاحوال المدنية ويكون هناك مراعات للحالات الطارئه يعني هناك حالات يجب مراعاتها مع كل احترامي للالم لكل المراجعين ...


واتمنى ايضا ان يكون في المستشفيات الحكومية اكثر من اسقبال يعني بدل طبيب عام واحد يداوم يكون ثلاثه موزعين بجهات مختلفه من المستشفي لتقليل الزحام

والله انا شديد الحرص من فترات طويلة على المستشفيات الحكومية وكنت ومازالت اتمنى ان تكون مستشفياتنا قمه من الرقي والتعامل الطيب ومازالت متفائل بجهودنا وتوجيهنا للاخطاء

واعتذر عن الاطاله لاني انا في مجال الطب انسى نفسي كثيراً لان المحاكات هي محاكاة ألم وحاجة والله يشفني كل مرضى المسلمين يارب ويرفع عنهم كل البلاء يارب العالمين

ولك كل التحايا والتقدير

[من عالم اخر]

والله وانا اخوك اسألني انا , وجع الضرس عانيت منه 5 سنوآت

>> وكنت اخاااااااااااف من الكرسي

واما الواسطات , يا الغالي انت تطلب المستحيل , تبغيهم يلغون الواسطات

كأنك تقول شيلوا السمك من البحر

ومالك الا اقرب عياده خاصه [[ قطع العصب ولا تركب سن ]]

[شيخة الزين]

المفــروض فيــه رقــابــه علــى المستشفيــات الخــاصــة وصــراحــة اسعــارهــا غأليـــة مــره
يعنــي لآبــدمــن تحديدســعر ثابت وينــاسب الكــل وبالنسبــة للاسنـان في مستشفى الحكــومـــة تطــول الجلســات بين كــل مــوعــد تــآخــذفــوووق الشــهـــر المهـــم مـالك الا الخــاص تفتك بسرعــه وبدون هـــم

[شمس الرائدية]

المستشفيات الحكوميه ماراح تسوي لك شي سواء مريض تبي علاج أو آسنان ؟؟
أدفع وريح نفسك

[ابو فايز]

المفروض فيه راقبه على المستشفيات الخاصة ماهو الاسعار طايرة حشوة على 300

[ابو وجدان]

شكر لكل من دخل الموضوع وتفاعل معي جزاكم الله خير والله يكتب اللي فيه الخير للجميع وربي كريم ماينسى عباده الصالحين وكل واحد له يوم بيتحاسب فيه الله المستعان وجعلنا واياكم ممن ياخذ كتابه بيمينه اللهم اجعلنا مظلومين لا ظالمين

[امجاد]

الخلاصة انالواسطات صعب تنتهيها
لكن المصيبة الاكبر عدم وجود رقابة وان وجدت فالتحايل موجود
فالانسان بضعف وازعةالديني او خوفة من بشر فتجد هناك تجاوزات

لكن الحل كما قال اخي لحن الحزن البطاقة الذكية
لان الالة لن تستطيع ان تتحايل عليها فهي افضل من وجود البشر بعض الاحيان

[العالمي]

يا اخي اعتنوا باسنانكم ونظفوها قبل النوم وبعده وبعد الاكل وخاصه بعد اكل الحلويات

وفيه منظفات تباع بالصيدليات للاسنان

اعتنوا باسنانكم بارك الله فيكم

[glint]
العنايه خيرا من العلاج
[/glint]