يأهل الخفجي أرجو المساعدة

[أبومحمد]

حلقة تحفيظ مسجد حمزة بن عبدالمطلب رضي الله عنه شباب زي الزهور نخطط لهم للقيام برحلة يوم كامل بعد حوالي أسبوع
سواء بالخفجي أو خارجها نبي الله لا يهينكم اقتراحاتكم الطيبة عن اتجاه الرحلة ولو تكون قريبة من الخفجي يكون زين

لا تنسون أن الطلبة في المرحلة الابتدائية

[نجم]

بصراحه وبدون مجامله :

الرحله أذا كانت بريه والله الجو مايسمح لكم بالخروج حار وانت شايف

أقترح :

أنه تكون الى أداره حكوميه مثل الدفاع المدني وتعلم شي من صالحهم

أو الى زياره المرضى بالمستشفيات ..

مجرد وجهه نظر ولك خالص الشكر ...

[NO_WaY]

السلام عليكم ورحمة الله وبركاته

مثل ماتفضل اخوي نجم رحلات لجهات حكوميه اخوي ومنتدى اخبار الخفجي مستعد للاتصال فورا باي جهة وهناك اقتراح اخر للقيام برحله الى مخيم الشركة من بعد صلاة العصر الى الساعه التاسعة مثلا لتفادي حرارة الجو والربع بالعلاقات الحكوميه بالشركة ماراح يقصرون دمتم في رعاية الله

[بدر]

وانا من عندي كوكيل اداري لمعهد الشرق الصحي اتشرف بزيارتكم للمعهد والاطلاع على الاقسام المتاحه مع شرح مبسط عن المجال الصحي من زملائي الدكاترة.

ملاحظة:ارجو التنسيق مسبقا على هاتف المعهد 037667070
والله ولي التوفيق..,
بدر البلوي

[][][ SiCK_LOvE ][][]

تبي احلا مكان ؟؟

ودهم التحليه يتعرفون عليها والله اذكر المدرسه ودونا التحليه بالابتدائي والرحله للحين ببالي من حلاتها


اخوكم : مـــــحـــــمـــــد

[أبومحمد]

شكرا على كل من عقب على الموضوع

صراحة افكار روعة واقتراحات أروع ياأخوان حنا مخططين نطلع يوم خميس علشان ما فيه دراسة
يكون من الصعب زيارة بعض الدوائر الحكومية أثناء أيام الاسبوع

[الضيغم]

جزاك الله خير الجزاء على الفكرة الرائعه ....!!

وعندك مثل ما تفضل الأخوان مخيم الشركــه من بعد العصر لا برد الجو طال عمركـ ..

والدوائر الحكوميه أيام الأسبوع ..

[NO_WaY]

يعطيك الف عافية اخوي ابرق وشكرا على تفاعل الجميع مع الموضوع لما فيه من مصلحه لابناءنا بعد اذنكم عندي اقتراح غير مخيم الشركة يمكن اخوي ابرق مستصعب الامر مع انه سهل للغايه هناك ...استراحات جميله داخل الخفجي مع ملعب كرة قدم او وضع مسابقات وهديا .. مثلامسابقه لافضل طالب يكتب خطبه ليوم الجمعه (خلوهم على راحتهم يكتبون من واقع مايسمعونه من الخطب)..محاضرات خفييييييفه عن خطر المخدرات وخطر التفحيط ..احترام الجار.....احترام بيوت الله (تراهم يسولفون كثير اثناء الخطبة) شكرا مجددا اخوي هلى اهتمااامك ترى والله هذه الخطوااات تغير من سلوكياااات الاطفااال للايجاب متى ماا استخدمت بالشكل المطلوووب