السلام عليكم ورحمة الله وبركاته
أهديكم قصيدة جميلة للشاعر
فرحان بن قيران الدهمشي
[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
يا هند صدري ضاق ياضي عيّني=الليل ضايمني وانا قبل منظام
ما داني الشرقه ولا اداني الفي=والليل يجرحني سواده ولا انام
يا هند ليه الناس ما تترك الغي=يا هند ليه الناس تقطع بالأرحام
يا هند ليه الحظ دايم يجي سي=دايم يجي خلفي وانا ارميه قدام
يا هند مت من العطش والعطش مي=يا هند شوفي حالتي جلد وعظام
يا هند كان الزرع ينبت بلا ري=يجوز احقق ما بقالك من احلام
يا هند قلبي فيه كي على كي=النار تاكل به وانا رافع الهام
يا الغالية ليتك تشوفين وش بيّ=بي هم يصلح للمحابر والاقلام
يا ليّ يا نفخة هل الكبر يا ليّ=ما هزت اطرافي تماثيل الازلام
اقفي عن الدنيا واناظر لها شويّ=ويا شفت وجهك ردني شوق وهيام
شفت البروق وقلت معقول أنا حي=معقول انا عايش وأنا ميت العام
فركت عيني يوم طالعت للضيّ=.. ورديت ما بالذاكرة مثل الافلام
حكيت راسي ثم صفقت بيديّ=ولقيتني عايش وميت بالاوهام
بالله من يكسرك يا قيد رجليّ=مليت من سجنك تكرم بالاعدام
اللّه من هم طوى خافقي طي=بين الضلوع المهدفة هوش وزحام
ما عاد به صاحب ولا عاد به خي=الا صديق شايلينه للايام
ماني وانا فرحان عي ولد عي=متسول ينسى صلاته ليا صام
ولا لابسٍ في كل حفله ردي زي=باب الردى سكــّـرت امانه بصمام
مره بغيت ازعل واذوق اللحم ني=لا شك ردتني تعاليم الاسلام
واحرقت لي صندوق ما به ولا شي=الا قصاصاتٍ بها بعض الارقام
[/poem]
المواضيع المتشابهه
العرض العادي
