[poem=font="Simplified Arabic,5,black,bold,italic" bkcolor="transparent" bkimage="" border="none,4,gray" type=0 line=0 align=center use=sp num="1,black"]
ليتني ماجيت كرنيش الخبر= ولالقيت اللي لقيته ياسعود
والله اني دايم اغض البصر= مير غظه يالخوي مافيه فود
مر زول يجبر العالم جبر = تلتفت له غصب ثم تجمد جمود
الحلا اللي فالاوادم مختصر=والحلا اللي فيه ابد ماله حدود
جامع(ن) في وجهه اللي كالقمر = جمرتين حمر مع باقة ورود
جمرتين وخلفها مصنع خمر = خمر رباني ماهو صنع اليهود
من يشوفه شوف بعيونه سكر= خل عاد اللي يذوقه كان زود
سلهمت بعيونها السود الخدر=واسحرتني نظرة الريم الشرود
قلت ابا اصبر مير مافاد الصبر=الهوى كايد على الكايد يكود
والله اني خابرن فيني خبر= ماالتفت يمك الا يا ام الجعود
مير هذي وردتني للقبر=ياوجودي ليته ايسرّ الوجود
بري حالي كلما مال الخصر=عود موز ينثني لاهب نود
مدت لوصلي حبال ماقصر=واحمد الله واشكره ماني جحود
استجبت لدعوة الطرف الحور=وماوردت الا على صاف العدود
ياسلام الله عليها يابشر = وعلموها لايبيحن السدود[/poem]
المواضيع المتشابهه
؟؟
العرض العادي
