قصائد مختاره للامير نواف بن فيصل ( اسير الشوق)

[نجمة السهيل]

ظلم الهوي

احتـــرقت الشوق والشوق احتـــرقني

من غـــدا كل عن الثـــاني غريب

للشقـــا حظي مشى فيني وسبقني

آه ياظلم الهـــــوى وظلم النصيب

السهـــر من عشقتـــك غصب عشقنــــي

ياعنـــيد يابعــــــيد ياقريـــــــب

سال من عيني قصيد ولانطقنـــــــــــي

والســـواد اللي توشحنى كئيــــب

صرت له كلي وعيـــاا ماعتقنـــــــــــي

وان تفزعـــت بنهــــــارك مايجيــب

أنت وينك يالســــروق اللي ســــرقني

ردلي لو راحتـــــــي ودي أطيب

الزمـــــــاان اللي على دربــــك رشقنــــي

كني الديمــــه على القـــاع الجديب

يوم جيــــــت اتذكره لامـــا صدقنــــي

وقال إنت البشـــــــر تخطي وتصيب

_________________________________


ما يفضح اللى يحب

مايفضح اللي يحب الاآخر اللحظات

لامد كفه بالوداع وصد بعيونه

معاه رايات الاسى وجيش من العبرات

وبين الحنايا صهيل خيول محزونه

سلام ياللي ناوي الفرقا عدد مافات

وتعداد مامر السحلب وهلت مزونه

سلام من قلب سكنته انت والحسرات

غلاي تكفى يامودع ناظري صونه

ارحل وانا برحل معي هم وتعب وسكات

واسرار مابيني وبين الروح مدفونه

ارحل مادام الله كتب لك يالحبيب شتات

مالي على حكم القدر راي ولامونه

مالي بعدك الاالصبر ومجاذب الونات

وقصيدي اللي كل خلق الله يغنونه

وان طالت الغيبه ابنعي الحب لو مامات

عسى الهوى بك يشتعل وتردك ظنونه

وباحاول انسى ولو يصيح الشوق بي هيهات

وباحاول أسلى ولو يصيح القلب مااخونه
___________________________


من يغرس الشوك

من يغرس الشوك مايجني ورود

ومن يطفي الشوق مايلقى دفا

لاتظن ان الجفا مني صدود

لاوربي لاصدود ولاجفا

زاد حبك زاد عن كل الحدود

وانت ادرى بالخفوق وماخفى

من غلاك نسيت نفسي بالوجود

ياوجود غيره ابدآ ماصفى

لاتقابلني حبيبي بها البرود

تو حبك مشتعلني ماانطفى

يوم انا ضحيت مااقصد جحود

للأسف كان السبب زود الوفا

جيتني بالغدر وانا جيتك عهود

صادق الاحساس وشلون اختفى

كيف ماقدرت وضعي والقيود

انشغلت بدنيتك عني.....
____________________

لا تــــزعــل
ولاتزعل ولاتتعب شعورك

ولاتاخذ على خاطرك مني

أب اتأسف الين ارضي غرورك

وباقول اني مقصر غصب عني

انا معذور لو غبت بحضورك

وحسن الحسن عن حسنك شغلني

لانك بالحلا لو شفت نورك

بعينك ساعه القرب تعذرني

وش احلى من العداله غير جورك

تجنى عاشق منك التجني

ولو ان الشور في كل شئ شورك

طلبتك بس في ذا الشئ طعني

ولاتزعل ولاتتعب شعورك

ولاتاخذ على خاطرك مني

_____________________

يسألونى

يـسألوني لـيه أحـبك حـب مـا حـبه بشر

ولـيه إنـتي فـي حياتي شمسها وإنتي القمر

ولـيه صـوتك لا وصـل صحراي يملاها الزهر

عـلـميهم يـالـحبيبة يــا أغـلـى حـبيبة

يـسـألوني لـيتهم مـثلي يـعيشون الـهوى

الأصـابع فـي الـيدين الـواحدة مـاهي سوا

عـندهم حـبك طـبيعي وعندي فوق المستوى

فـهـميهم يـالـحبيبة يــا أغـلـى حـبيبة

يـسألوني وفـي شـفاتي يـرتعش حر الجواب

مـا دروا إنـتي بـحياتي راحتي وإنت العذاب

وإنتي حلمي اللي عشقته وطار بي فوق السحاب

خـبـريهم يـالـحبيبة يــا أغـلـى حـبيبة

يـسألوني وأنـتي أكـبر مـن سوالفهم جميع

وإنـتي أجـمل مـا خلق ربي بهالكون الوسيع

وإنـي أتـلاشى بـدون عـيونك الخجلى أضيع

إعـذريـهم يـالـحبيبة يــا أغـلى حـبيبة

عـلميني لـيه أحـبك حـب مـا حـبه بـشر

ولـيه إنـتي فـي حياتي شمسها وإنتي القمر

ولـيه صـوتك لا وصـل صحراي يملاها الزهر

إعـذريـني يـالـحبيبة يــا أغـلى حـبيبة

__________________________


اختلفنا

إختلفنـا ... مـن يحـب الثانـي اكـثـر


واتفقنـا ..إنـى اكـثـر وانــك اكـثـر


من عدد الصحاري ... من المطر اكثر واكثر


كيـف نخفـي حبنـا والشـوق فـاضـح


وفـي ملامحنـا مـن العشقـه مـلامـح


شاعـريـن ونبضـنـا طـفـل حـنـون


لو تزاعلنا يسامح .. الهـوي شـيٍ مقـدر


هننـي يالـلـي جميـعـي لــك هـنـا


حـطـنــي بــأخـــر مـــــداي


طيـرك الـلـي مايـبـي غـيـرك انــا


ضـمـنــي انــــت فــضـــاي


صدق اني فيك مغـرم فيـك مغـرم فيـك


والحياة وش الحيـاه الا مشاهـد ناظريـك


يانهـار لـو تغيـب الشـمـس واضــح


يمك دروبي وكل الناس يدروبي وانـا دري


وكل قلب له حبيبه وانت محبوبي وتـدري


من عيونك .. صعب تسرقني سواليف البشر


وانـا النظـر .. وانـت فعيونـي النظـر


الهيام اللي سكـن فينـا .. تعدانـا وكبـر


مثـل الشجـر ولاينحـنـي ولاينكـسـر


صــار مـثــل الـريــح جـامــح

________________________

ان شاء الله يعجبكم اختياري لبعض قصائد اسير الشوق

دمتم بخير
نجمة السهيل

[أبو رائد]

نجمة السهيل

الله يعطيك العافية

وتسلمين على هذه القصائد الرائعة

[الجوووري]

هلا وغلا

نجمة سهيل

اسير الشوق

ارق شاعر وارق احاسيس


وعن نفسي مافيه قصيده ما حفظتها له

رائع جداً

الف شكر لك

[نجمة السهيل]

الله يعافيك ابو رائد
الله يعافيج الجوري

دمت بخير
نجمة السهيل

[داعــ العين ــج]

هـــلا وغـــلا


نجــمة السهيل



قصـــائد جمــيلة


الله يعـطيك العآفية

[نجمة السهيل]

الله يعافيك داعج العين
دمت بخير
نجمة السهيل

[عهد الغرام]

يعطيك العافية

والصراحة دائما قصائد جميلة وكلماتها رائعة


ويسلموووووووووووووو


ولج

[دخــــٌيل]

::

السلام عليكم..

مساء الخير والإحساس بمتصفــح لايكاد يخلو من الإحساس الشعري ..كيف لا وهو للكبير (اسيٌر الشووق)..

بالفـ ع ـل قصائد ..روعة..

عافاك يانجمة بس توقيعك يقهر خخخخـ

في امان الكريـــٌم

::

[نجمة السهيل]

الله يسلمج عهد الغرام ومشكوره على التواجد

[نجمة السهيل]

اقتباس المشاركة الأصلية كتبت بواسطة الــــزين :: السلام عليكم.. مساء الخير والإحساس بمتصفــح لايكاد يخلو من الإحساس الشعري ..كيف لا وهو للكبير (اسيٌر الشووق).. بالفـ ع ـل قصائد ..روعة.. عافاك يانجمة بس توقيعك يقهر خخخخـ في امان الكريـــٌم ::

<<< تمووووووووووووووت في اسير الشوق
ولانك تحبه وتوقيعي يقهرك لك ورده