[poem=font="Simplified Arabic,6,white,bold,normal" bkcolor="darkred" bkimage="" border="double,10,black" type=2 line=1 align=center use=ex num="0,black"]
يفـز قلبـي لا سمعتـــــــه يصــــــــوتّ=لاوحيت صوته قلـت لبيه..لبيــــه
هذاك من حبـه عــــــــــروقـي تـروتّ=ممزوج وسط الدم يجري مجاريه
حبه على حـــب الخلايـــــــق تفـوتّ=في ذمتي حتى على الروح مغليه
صفحة غلاه بضامـــــــري ماتطـوتّ=حاظره في قلبي كما كان ماضيـه
ابي واحبــــــه ليــــن حتـى نمــــــوتّ=أحب من حبه واعـادي معاديـه
ارضاه عنـدي فرصـــــــــةٍ ماتفـــوّت=أبيع مايزعلـه ورضـــــاه بشريـه
قلبي وروحي له قســـــــــم ماتغـوّت=روحي وقلبي كلها ملك في ايديـه
عسـى المنيـــــه لاتدنـت ونــــــــوّت=تصيب غيـــره لانوت به وتخطيـه
تاخذ بخيلٍ مـن ضيـــــــــوفـه يلـوّت=وتخلي اللي غالي المــــال يصخيـه
ياالله يا اللي من عطـــــاك انتقـوّت=أحفظ ابي ياخالقه واحتفـظ فيــــــه
وأمٍ عظامي مـن لبنـــــهـا تقـــــوّت=جسمي بصغــــري من لبنها تغذيـه
تلطف وتستلطـف ولايـــــــوم روّت=ماهي تروي الناس لطــفٍ تسـويــه
من لطفها ماحدٍ درى ويش سوّت=لاسوت المعروف مأحـدن درى فيــه
تعطي ولو تعطي كثيـرٍ تشــــــوّت=ماهي تكاثـر ماتمـــــــده وتعطيــــــــه
وان جيت من غربه بجسمي تلوّت=بجسمي تلوى مثل غالي وغاليــــــه
والله لـــــو روحـي تلاشـت وذوّت=اني لهـا فيمـا تريــــــــده وتبغيـــــه
ولبيه لمي كل ماامـي أاتصـــــــوّت=لبيـه اكررهـا بمليـــــون لبيـــــــــه[/poem]
العرض العادي
