تطمني يادارنا والعـود فـي عيـن الحسـود
حنـا لياجـات اللـوازم كلبونـا حاضريـن
رهن الاشاره كلنا والـراي راي ابـن سعـود
ليـا زهمنـا سيـدي حنـا لرايـه سامعيـن
ماهمنا فعـل الروافـض لوتكثـر بالحشـود
ولاهمنا فعل الزيـود الـي علينـا خارجيـن
حناعن حـدود الوطـن بارواحنـا حنانـذود
واكبردليـل ابطالناعـلـى الحدودمرابطـيـن
وحنا لبسنا بدلة التجنيـد واصبحنـا جنـود
ارواحنادون الوطـن تفـداه والقاسـي يليـن
لاياجبل دخان ياجيـزان قـم وارقـا سنـود
الشعب والحكام في وقت اللـزوم مجاهديـن
وياشلة الحوثـي وياشلـة نجـاد ويازيـود
حنـا سعودييـن لاقمنـا لنـا فعـلٍ يبـيـن
لامنها شبت شبوب وحك عـودٍ راس عـود
حنالرايـات الشهـاده والشجاعـه رافعيـن
نحمي حدود الدار والخاين هنا مالـه وجـود
والي يحاول زعزعه يحسب حساب الخايبيـن
مابيننا خاين وطن وابطـال مافينـا شـرود
بـإرادة الله وامـر قايدنـا نهـزم المعتديـن
والرايه الخضراء ترفرف فوق في راس العمود
ومحمد الهادي رسول الله شعـار المسلميـن
والي جحد فضل السعوديه نسميـه الجحـود
وحنا مانحتاج الشهاده من نفوس الجاحديـن
وليا فعلنـا شـئ طيـب مانـدوّر للشهـود
والناس تعرف مملكتنا من قديمـات السنيـن
حناليازادو هـل التوحيـد والتقـوى نـزود
وحنا لفعل الخير في كـل الديـار مناشديـن
الا لياصارت صواوين الفتـن حـول الزنـود
من دون دولتنـا وقادتنـا نكـون محاربيـن
والي يخطـط للمشاكـل والله انـه مايسـود
حتى ولو جمّـع عصابـات لبلدهـم خاينيـن
مايدري ان المملكه ورجالهـا مثـل الاسـود
في ظل عبدالله وسلطـان السعـد متكاتفيـن
وسلام ياخالد ولدسلطـان يانسـل السعـود
يالي لبست البدله وصفيـت جنـب الاوليـن
فعلك بطولي وانت لك فعلٍ قديم ولـه شهـود
انت الذي قدت المعـارك والنشامـا خابريـن
وهذا شعار المملكه والطيب ماهـو بمحَـدود
كـل النشامـا للصفـوف الاولـه متولميـن
واخر كلامي يارجال الجيش ياأمـن الحـدود
انتم حماة الدار وانتم دونه الحصن الحصيـن
ويعيش عبدالله طويل العمـر حـلال العقـود
وليا ومرنـا سيـدي حنـا لرايـه سامعيـن
المواضيع المتشابهه
العرض العادي
