[align=center]بسم الله الرحمن الرحيم ..
..
..
..
هذه مشكله .. نعم مشكله ..
ارجو منكم العذر .. لاستخدامي هذا .. اللفظ ..
ولكنني مجبر .. ( هو من اراد ذلك )
..
..
[poem=font="simplified arabic,4,white,normal,normal" bkcolor="black" bkimage="" border="none,4,gray" type=2 line=0 align=center use=ex num="0,black"]
الكلب يحشم من هلـه وانـت محشـوم=بحشمة اهلـك اللـي عليـه عزيزيـن
خوة اخوك اللي اجبرتني وانـا اشـوم=خذها صريحه كاش جنب عـن الديـن
اصلك هو اللي كاسيـك لبـس وهـدوم=والا انت تحسب من حسـاب الهفييـن
الفعل فعل اخـوك حـر(ن) وزيـزوم=شفه وتعلـم وافـرق الزيـن والشيـن
يالشجره الحلـوه طلـع منـك مسمـوم=لا وا خسارة هالثمـر منـك يـا تيـن
انا اشهـد ان القلـب مهمـوم مهمـوم=وشلون يطلـع هالـردي بيـن طيبيـن
الرجل وشهو غير فعل(ن) مـع سلـوم=مع ذبحة الحايل وضحـك الحجاجيـن
والرجل عادي لو خسر عمـره بيـوم=دون القصيره دون عرضه مـع الديـن
اعرف علوم المرجله وافـرق السـوم=خلك مـع الطيـب وحـذرى الردييـن
يا بوم ما اقشر صورتك بوم يـا بـوم=ما بك حلا يـا كـود ذيـك الجناحيـن
اللـي ارفعنـك فـوق خلنـك تحـوم=لكنـك انـت بجونـا بــوم للحـيـن
تبطي علـى طيحتـك لا يمكـن تقـوم=واطـي وحنـا فـوق عاليـن عاليـن
في ظلنـا تبقـى علـى دايـم الـدوم=يعني تحت تبقـى تحـت يـا مليعيـن
مير احمد الله واعبـده منـزل الـروم=انــك بـظـل الله ثــم العريبـيـن
اهل السيوف الصاطيـه خيـرة القـوم=اهل الصيانـي ذبحهـم دايـم اسميـن
لا والله الا مـا بهـم شـك او لــوم=نعم (ن) باهلك اللي على الطيب جسرين
والا انت دايـخ ذابحـك كثـرة النـوم=ذيخ(ن) على الوجبات منعم لك سنيـن
هطل(ن) سمين مـورم الخـد مذمـوم=هرش(ن) خبل لا شك ضايع ومسكيـن
وختامها يـا كلـب محشـوم محشـوم=بحشمة اهلـك اللـي عليـه عزيزيـن [/poem]
..
..
العذر لاستخدامي .. هذا اللفظ .. فالمثل يقول .. ( الكلب يحشم من حشمة اهله )
..
..
..
..
والمصيبه العظمى ..
..
..
انت تصدم بصديق ..
..
..
..
[poem=font="simplified arabic,4,black,normal,normal" bkcolor="red" bkimage="" border="none,4,red" type=2 line=0 align=center use=ex num="0,black"]
ما كانت الهقوه تجي صدمتـي فيـك=ما كنت أظنك ناوي(ن) لي خديعـه
أثرك تفرح لا اشمتوا بي وانا ارجيك=تحمي قفاي اليـا حكـوا بالهزيعـه
يا صاحبي باشكي لربـي يجازيـك=بسواتك اللي ما رضتهـا الشريعـه
يا صاحبي كيـف الليالـي تنسيَـك=والا الردى يا صاحبي لـك طبيعـه
أنـا وفـي ولا كسـرت بهقاويـك=بياض وجهـي حافظـه مـا أبيعـه
أرفـع مقامـي وأتجنـب مماشيـك=ما أرضى الهوان وعيشتي بالطليعه
ما ني عدو(ن) لك ولا ني معاديـك=وماني رفيق(ن) لك وعقلي بأطيعـه
يا هيه انـا رافقـت ليلـي بأخليـك=مع ربعك اللـي يعشقـون النزيعـه
يا صاحبي يا ليـل جيتـك مناديـك=زابنك انا وخطـاي يمـك سريعـه
أبغى سهيلك بأشتكـي لـه واسليـك=وأسامر نجومـك وقاعـي وسيعـه
يا ليل ما أقشر خوتك كيف اجافيـك=انت اسود(ن) وسهيل ما ابعد لميعـه
يا ما حلا صبحي اليا أجلا تجنيـك=وسهيل مقفي مورث(ن) لي ربيعـه
يا خاين الخوه عسـى الله يجازيـك=بسواتك اللي ما رضتهـا الشريعـه[/poem]
..
..
..
..
لا احب ان اترككم .. هكذا ..
..
..
هذا النص اهداء لعضو .. سكن بين ضلوعكم ..
...
[poem=font="simplified arabic,4,darkblue,normal,normal" bkcolor="skyblue" bkimage="" border="none,4,gray" type=2 line=0 align=center use=ex num="0,black"]
حان الفراق وكـل دمـع(ن) تخفـى=يبي ينهمر في غيبتك غصب مو طوع
مع السلامـه ليـه دمعـك تضفـى=بأهدابـك اللـي بلله وادي دمــوع
هذي ثـلاث ايـام والحـزن زفـى=بشرى غيابك عازم(ن) هم به جـوع
حتى عـدوي بغيبتـك جـا تشفـى=واصدق خوي يقول بالحب مخـدوع
البارحـه ورمـوش عينـي ترفـى=والليل مظلم ما ضوى ليلي شمـوع
أبكي ندم ما أدري قهـى ليـه قفـى=وخلاني لحالي انا وحزنـي ربـوع
ليلة شتا بارد عسـى المقبـل أدفـى=وانعم بحظن الوصل ماهو بمقطـوع
أحطب بيوت الشعـر والهـم وفـى=أشعلت ليلي واترجـاك برجـوع
يكفي غيابك يامنـى الـروح كفـى=هذي ثلاث ايـام وشلـون باسبـوع [/poem]
..
..
..
اتمنى ..
..
ان تحوز حروفي على رضاكم ..
..
..
..
..
..
..
عبدالعزيز الوادي ..[/align]
المواضيع المتشابهه
وفقك الباري 
العرض العادي
