السلام عليكم ,,
صبـــآح البرآد والأسكريم والسوآليف والروآقه
اليوم علشآن الحرّ والشسمه جبت لكم آسكريم تبردون به على أرواحكم 
.
.بسم الله :
- المقادير :
_ 3 دريم ويب
_ 3 كريم كراميل
_ قشطهـ قيمر
_ تقريباً كاس حليب
_ كيكه Rolls
_ 3 ملاعق كبيره كاكاو بودره
_ ملعقتين صغار نسكافيه
_ بسكوت ( أي بسكوت )
_ جلكسي
- الطريقه :
( 1 )
أول شئ تحطين الدريم ويب و كريم كراميل والقشطه والحليب في الخلاط , إلى ما يصير لونه شوي على بيج ,
( 2 )
تاخذين كيكهـ Rolls وتقطعينه دوائر متساويه , وترصينه في الصينيه ,
( 3 )
تاخذين نص الخلطه ( الكريمه ) وتحطينه في صينيه ثانيه , بحيث نصه للفانيليا ونصه للكاكاو ,
وبعدين نبدأ نسوي الكاكاو ,
نضيف النسكافيه و بودره الكاكاو له , ونبدأ الخلط ,
( 4)
نقطع الجالكسي قطع صغيره ونحطه مع الخلطه , وتقدرين تضيفين مع الخلطه أي شئ ,
( 5 )
ونفس الشئ للفانيليا نكسر البسكوت ونحطه معها ومثل ماقلت نقدر نضيف اللي نبي,
وبس وبعدين نحطه في الصينيه على أساس شكله في الصوره الأخيره ,
الطبقهـ الأولى كيك والثانيه فانيليا والثالثه كاكاو ,
وفي النهايهـ ..
وبالهنــا والعــافيه .,
والله يبـــرّد علينا بالجنّــة ..
المواضيع المتشابهه
·••** .. Ice Cream . , برّدوا على قلوبكم ..! **••·
العرض العادي
