[poem=font="Simplified Arabic,5,darkblue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
شعري خجل واختجل وازداد بإحراجـه=غصب يتأخر...ولنه غصـب يتخمّـر
وليا استوى تستـوي مجنونـة إنتاجـه=من شان يكتـب مـع التاريـخ ويعمّـر
ودام اتجاهـك لناصـر بلغـه نـاجـه=قله ترى القاف مـن شيطانهـم زمّـر
الموج لا من تلاطـم شـوق بإبهاجـه=غصب يتغطرس وفاء من حائل ..وشمّر
رد الثنـاء واجـبٍ فـي حـق نهاجـه=في حق منهو صدوق مـا هـو مقمّـر
نجم شهـر نـور الدنيـا مـن إلعاجـه=مافيـه مثلـه أبـد فـي هالبلـد ممّـر
إليا مدح غصب من يمدح لبـس تاجـه=وإليا رثى الدمع بعيـون البشـر همّـر
وإليا تغـزل بخشـفٍ يجـرح غناجـه=غصبٍ على ( مترفات البيض) يتأمّـر
والشعر كنـه موبايـل وأنتـم أبراجـه=متميز الذبذبـات ..(شلـون لا نمّـر؟)
وبالطيب طيب مثـل تيمـاء وهداجـه=قول وفعل ناصـر القحطانـي مغمّـر
من لابةٍ والصخـاء والطيـب منهاجـه=مـن لابـةٍ بالشجاعـة بطشهـم دمّـر
(قحطان ) ميل الزمن به يعدل عواجـه=قحطان..قحطان .(لامن الزمـن سمّـر)
أن ضاقوا أعنف من الزلـزال بإدلاجـه=وإن راقوا أجمل مـن النـوار لا ثمّـر
وإليا غزوا صاب كل الكـون رجّاجـه=من فوق قب المهـار ومعهـن الضمّـر
ومنهوا غزاهم رجع مع سكـة أدراجـه=تنكف ولو هي جيوش الزيـر ومعمّـر
ويا ناصر الوقـت فينـا زاد بإحراجـه=الروح راحت وشخص الروح من شمّـر
ويا صاح غاليك روّح وإنـت فراجـه=والثأر عند العـرب لـو طـال يتعمّـر
والذيب ...والطير ..قفى حول قرطاجه=غدر الزمن فعلت الجانـي لهـا ضمّـر
والدم لو طال تظهر سكـرت أمواجـه=يادك ( سونامي ) ( النخوة ) لها شمّـر
وأقسم قسم ماحسبـت لهـرج هراجـه=أصل النخل ثابـت عنـدي بعـد تمّـر
والله والـي رفعّـه بـيـوم معـراجـه=ماجيت أنافس زعيـم الشعـر وأتطمّـر
شاعر يصيـد المواقـف بايـر انتاجـه=الشاعر الـي ظـلام الليـل لـه قمّـر
ويا ناصر الوقـت فينـا زاد بإحراجـه=الروح راحت وشخص الروح من شمّـر
ولاني بمتحسف بشعري علـى حاجـه=إلا إني أموت ما تسمع ( صدى شمّـر) [/poem]
هذا ما قاله شاعرنا المبدع / مفرح بن ممدوح الشلاقي الشمري
المواضيع المتشابهه
العرض العادي
