بسم الله الرحمن الرحيم
تحيه طيبه وبعد
اخواني و أخواتي بمنتديات الرائدية
أتمنى أن تعجبكم هالقصه والقصيده اللي تتليها وهي
قصتي مع بنت بزهور عمرها وكانت تحب الشعر وعرفت بالصدفه أنها تقراء الأبيات
المكسوره واللي كنت أكتبها لأرفهه عن نفسي و أتخيل لي أشياء ليست موجوده
بالغزل ..... والعتاب .... والمدح لصديق .....
ولما جاء يوم وشفت البنت تنظر لي بنظره أعجاب خفت عليها وتعمدت الصد وعدم
وجودي بطريقها وهي تفكر أنه صدي غرور أو تكابر مني
وهي كانت تحاول دون جدوا ...... وصدت هي والحين لها تقريبا 8 شهور
وقلت فــيها :
بفضفض واكتب القصه ومادام القصيد شعـور"
" حكايه واقعـه مـن حـال هالدنيـا ومافيهـا
بداية قصتي طفلـه لهـا بالقصـه احلـى دور"
" ولا ادري كـم تبلـغ بـس للطفلـه مواريهـا
صباح بيوم ما قابلتها فـي وسـط ذاك السـور"
" وكانت ترسل النظره ولا ادري ويـن تنويهـا
بدايه كنت اقول اللي يصادف بالنظـر معـذور"
" او ان البنت يمكـن غاويـه والشعـر يغويهـا
ومن مره بعـد مـره ومـره والزمـان يـدور"
" الاقيها بنفـس النظـره اللـي كنـت الاقيهـا
دريت انها تبيني لكـن ابعّـد عـن المحظـور"
" ابيها تبتعـد عـن عالـم مليـت احاتيهـا
ومرات التفت عنها وانا فـي صدتـي مجبـور"
" اخـاف النـاس توصفنـي بشغلـه ماأدانيهـا
وانا طبعي حياوي والحياوي ماعليـه قصـور"
" سوى انه يعرف الطبخـه ولا يقـدر يسويهـا
وانـا ماكنـت عايفهـا ابيهـا للربيـع زهـور"
" ابي تزرع زهور الحب فـي قلبـي وتسقيهـا
ولكن للأسف صدت وتحسب صدتـي مغـرور"
" وانـا والله مـو مغـرور لكـنـي أداريـهـا
أداريها عـن العالـم واجنبهـا كـلام الـزور"
" واداري نفسـي اول قبـل مانفسـي تداريهـا
اخاف النـاس توصفنـي اذا كلمتهـا مطيـور"
" وانا مرضى تقـول النـاس يتبعهـا ويأذيهـا
اداري عين هالعالـم وهـي بعيونهـا جمهـور"
" وانا مابين نار اهـل الكـلام ونـار واطيهـا
واطالعها من بعيـد لبعيـد وخافقـي مقهـور "
" واقول البنت راحـت يالله تعـوض مهاويهـا
لو ان المشكله كانت قديمه قلت جسـر عبـور"
" ولكـن البـلا للحيـن اصادفهـا والاقيـهـا
وزاد الهم بالقلـب وحلفـت لقلبـي المهجـور"
" وربـي مـا أخليهـا.. وربـي مـا أخليهـا
وأرد اضحك على نفسي واصبر حالي المعسور"
" وأردد مـا أخليهـا اليـن أوصـل حراويهـا
وصار بداخلي حسره وطاحت حسرتي بسطور"
" قصيده تكتب القصه وتشـرح حـال راعيهـا
عساها تستمعها يوم اصير الشاعـر المشهـور"
" وتعرف ماجرالي واتـرك الموضـوع بيديهـا
ويمكن يوم تسمعهـا تجينـي تجبـر المكسـور"
" واسمعها القصيده من لسانـي يـوم احاكيهـا
وتطلب ماتبي وابنيلها فـوق الخيـال قصـور "
" واسلمها خفوقـي يـوم تطلـب بيـن كفيهـا
وهـذا آخـر القصـه بعـد مابيـن المستـور"
" وبانت حسرتي والعبره اللـي كنـت أخبيهـا
ثمان شهور هالقصه.. أوأكثر..أي ثمان شهور؟"
" وانا انطر ويش تاليهاولا ادري ويـش تاليهـا
وســـــــلامتكم
منقول
أخــوكم /
عاشق الجبيل
المواضيع المتشابهه
العرض الشجري