[poem=font="Simplified Arabic,6,,normal,normal" bkcolor="white" bkimage="" border="double,6,gray" type=2 line=0 align=center use=ex num="0,black"]
جيت المطار ودمعتي تكسي العيـن
وهمي تزاحم بيـن عـوج الحنايـا
ضاقت علي فجوج وارض و ميادين
بساعة فـراقٍ ذقـت فيهـا عنايـا
يوم إن غيري في حراء ناس غالين
انا اوادع من سكـن فـي حشايـا
اللي خذا قلبي و فكري من سنيـن
وسقت الغلا يمَـه سرايـا سرايـا
ودوَنت انا وياه عهـد ومضاميـن
علـى المحبـه وأتضـاح النوايـا
غلاه فيني مستقر فـي البطينيـن !
في داخلـي حبـه تكَـون خلايـا !
صرنا جسد واحد سكن فيه روحيـن
غلاااا سيامي فاق كـل المزايـا !!
وضربت انا ويـاه روعـة مثاليـن
هو الغـلا و انـا مثالـي و فايـا
في شوفته عيني تشوف البساتيـن
واشوف ما يسقي عنـاي و ظمايـا
وان راح عني عشت وضع اليتيمين
اللي سكنهم صـار دار الرعايـا !
غـلاه كفَـه راجحـه بالموازيـن
ابيع ناسـي بـس يبقـى معايـا !
قَرب وداعه غايتي عصـر الاثنيـن
ودمـوع عينـي بيَحـن الخفـايـا
أحس في قلبي من اللـوع ناريـن
نار الفـراق اللـي كوتنـي كوايـا
حاولت اخفي دمعتي بيـن جفنيـن
لين لمحت عينـي دموعـه جرايـا
قال الوداع وقلت لحظه على وين؟؟!
من أرتباكي ضاع قاسـي قوايـا !!
قال احفظي لعهودنا اليـوم تكفيـن
جاوبت هـذا مايبـي لـه وصايـا
وقال اعرفي انك على طول تبقيـن
وسط الفؤاد وغيـر كـل الصبايـا
ونادى المنادي موعد الرحله الحين
وقفَا وانـا وصلـت لأخـر مدايـا
ماكنت أصدق ويل فرقـا المحبيـن
ليما ان قلبي صار ضمن الضحايا !!
سافـر حبيبـي والله فبعـده يعيـن
ومهما يطول البعـد يبقـى غلايـا
ومهما تطول ايام وشهور وسنيـن
يبقى الوحيد اللي سكن في الحنايا!! [/poem]
المواضيع المتشابهه
العرض الشجري