نعم مالت على حظي .. ردي .. واستاهل جنوني

[عاشقة الشاص]

تعبت الله يكـون بعـون هـذا القلـب وبعونـي
تعبت من الوجيه اللي تجـي وتـروح بسهولـه

وانا صعبه أ صـدق كيـف خلونـي وباعونـي
اقول احيان: معقوله .. وهي ماهيـب معقولـه

لاني مـا قـدرت الا معاهـم احسّـن ظنونـي
واقول: الجرح والزله .. من الغالين .. مقبولـه

أدوّر عذرهم واسكت.. وامشّيهـا علـى هونـي
واقول: اخطائهم تُغفر ..وهي بالعمـد مفعولـه

واقول: اهمهم طبعـاً .. مثـل ماهـم يهمونـي
وقف ياما لهم قلبي .. وهم ما يوم وقفـوا لـه

متى ما ضاقت الدنيا بهـم ذرعـاً .. يلاقونـي
وهم.. لا ضقت بالدنيا .. ألاقي قلوب مشغولـه

عوايدهم متى مـا احتجتهـم غابـوا وهدونـي
ومتى ما احتاجوا القاهم كثر.. وشفاه معسولـه

يلوم الله على طيبة خفوقـي.. مـن يلومونـي
ما دام ان النوايـا بيـض .. والآمـال مأمولـه

صبرت اكثر من الـلازم .. وقلـت إلا يريدونـي
وهم فعلاً يريدوني .. ولكـن .. نفـس مقتولـه

بعد ما قصروا حتـى قبـل فرقاهـم اعطونـي
على كم جرح.. كم كلمه.. وكم طعنه.. وكم قوله

وراحوا بس انـا مـدري نسونـي او تناسونـي
خلاصة ما حدث .. راحوا .. وكلن صار في دوله

نعم مالت على حظي .. ردي .. واستاهل جنوني
لاني طحت في بعض القلوب .. الغيـر مسئولـه

لمن لا يعتبر عبره .. يجي ويشـوف وشلونـي
عباره عن جسد ميّت.. وفيه أعضـاء مشلولـه

تعـوّدت انصـدم بالـذات ممّـن هـم يحبونـي
وانا ما عندي استعداد اجـرّب واخسـر الجولـه

على كثر الوجيه اللـي تمـر الحيـن بعيونـي
احس الناس بالنسبة لمثلي .. نـاس مجهولـه

باعيش بدونهم عادي مثـل ماعاشـوا بدونـي
وذي كلمه على لساني .. وهي للقلـب مقيولـه

ما دام ان الهوى طعنه وشفت طعونـك طعونـي
تطمّن حيل يا قلبي .. انـا مـا عادنـي حولـه

وما دام كثير حبوني .. وجـت فتـره وخلونـي
اجل بطلت .. وشهوله احـب .. بالله وشهولـه

[شهوده]

يعطيك ربي العافيه

[شمس الرائدية]

.
تسلمين والله يعطيك العافيه

[عاشقة الشاص]

الله يسلمكم ويعافيكم جميييع
لاهنتوو على المرور ^^

[ولدي تفاحة قلبي]

الله يعطيكي العافيه

[صانع الإبداع]

الله يعطيك العافية ..’’

[عاشق القمم]

ألف شكر لك .. و يعطيك العافية ..!!
تحياتي ،،

[الدووووخي]

صح لسااااااانك ..

اختيار راائع ..

[أبو الوليد]

[align=center].







الله يعطيك العافية



وصح لسان القائل .. .. لآ حرمنا من كل جديدك المميز







::
وفقكم الباري

.. .. ومضـــــــــــــــــــــة .. ..

من شجرة واحده تصنع مليون عود كبريت ..!!
ويمكن لعود كبريت واحد أن يحرق مليون شجرة ..!
لذلك
لا تدع أمر سلبي واحد يؤثر على ملايين الإيجابيات في حياتك .

[/align]

[شهرية]

وما دام كثير حبوني .. وجـت فتـره وخلونـي
اجل بطلت .. وشهوله احـب .. بالله وشهولـه




تووووووووووووجع :(

ييعطيك الف عافية

وكل الشششكر لك