الله من هم نثر عبرة العين

[غفوة أوجاع]

مدخل




عطيت قلبي على جوّه .. وعلقني
وبلشت هالحين : مدري ويش اسوّي به

كنه على حتفي الموعود سايقني
وأنا من الله .. ما أضرّيها على الهيبه

الله ..ياليته من أهل الحب يعتقني
وأرتاح دام إن راسي ما ظهر شيبه

قلب ٍ طواريه [ تتعبني وترهقني ] ,
أدنى .. ما يسْرقه ويوديه ويجيبه !

الله من هم نثر عبرة العين
وخلاني أسهر والمخاليق نيام

ماغير أصدد وجهي يسار ويمين
وأصافق الكفين وأعض الأبهام

ما عاد يسوى عندي العيش قرشين
من يوم شان الوقت والحظ ماقام

يزين كانك تسمع الصوت يازين
خل الحقايق تفضح أسرار الأحلام

ماعاد عندي صبر والناس دارين
وأنته في قدام الأخصـــــام

أزعلتني وأرضيت ناس حسودين
وخليتني بين الروابع والأوهام

مكنت سهمك بين الأضلاع تمكين
وأنا أحسب أنك ماتغيرك الأيام

أمشي معك لاشك مدري على وين
وضلوع صدري من تناهيدتي حطام

أرجوك تنطقها ولو بس حرفين
وتريح اللي من تصرفك منضام

ليتك غرست بداخل الجوف سكين
ولا أحرمتني شوفك وصوتك من العام

مخرج




احتاج لك في ضيقتي لا تضايقت
و اشتاق لك و الشوق غلاب دايم

تبي الصحيح!
اشتقت و اشتقت و اشتقت
اقطع من الضيقه فجوج الخرايم

محتاج افضفض لك .. بعد ماتطرّقت
ل [طعوني ] اللي عند غيري غنايم

يمكن عشان اني بحبك تعلّقت
وعن غيرك من البيض قانع وشايم

لا تحسب ان المسأله مسألة وقت
انا كذا جوي من سنين غايم

النص: لــ سعود طالع الشيباني
المدخل+المخرج: لــ مشعان البراق

[safa ali]

رااااااائعة...

صح لسانك وألف شكر على الانتقاءات المميزة

[غفوة أوجاع]

^^الأروع توآجدك

[همسة دفا]

يعطيـك العافيـة على الطرح الجميل
كل الشـكر والتقديـر لروحك زهرة اليآسميين

[ali khalefa]

ماشاء الله
مجهود كبير و مميز

[غفوة أوجاع]

^^ شكراً على توآجدكم ,,

[فيونكاا]

أبدعت,,,,,
,,,,,,,وتألقت
سلمت لنا يمناك على كل حرف خطته,,,
,,,,,,على كل كلمة رسمتها
عذرا,, لتقبل عباراتى المتواضعة,,,
فلم أجد الحروف التى تليق بسمو قلمك ,,
,,,,التى قد تلملم ردا يناسب روعة ما قدمته
لك ودى وجل تقديرى,,
.............

[غفوة أوجاع]

^^ آشكرك على توآجدك ,,

[دانة الكون]

راائعه
صح لسان الشاعر
الف شكر ع الانتقاء

[عاشقة غزة]

ما شاء الله عيك

يعطيك الف عافية