شيبان هالوقت ..؟!

[نـواف الشمــري]

اخواني واخواتي الاعضاء والعضوات

مسيتو بالخير



ومبروك عليكم الشهر الفضيل ...






ضيف جديد .. واتمنى أن أكون خفيف الظل عليكم >>>> ( الولد أسلوب )






اليكم غرابيل الشيبان








عندي لي شينن غاثن لوه وقت ودابلن تسبدي

وهالشي هو هالشيبان اللي مايشوفون احد بعيونهم ياملا العما لهالعيون

وبس يتنقدون فلان وعلان

ولا يعجبهم العجب ولا الصيام في شهر رجب



فهذا مرتن من المراريت كنت بالبيت وتوي نيم ( طبعا بالديوانيه نيم )

المهم عقب صلاة الفجر ليا هذا شايبن من الربع تسافتن علي

وهو يشوتن بوز وانا ارمز تقل مقروص قلت خير يابو الشباب

قال قم قامت عليك القيامه نيمن لهالحين

قلت تخبر الليل قصير ( مايدري اني توي نيم )

قال يالله زين قهوتك

المهم وانا اقوم وازينه لهو ويوم جيت ابي اقهويه وهو يمسك ثوبي ( ثوب نوم مرنقط )

وهو يجروه لين بركت على ركبي عندوه

قال ليه لابسن هالخيشه ( والله الخيشه هاللي عليه )

قلت يالغالي تخبر توي قاعدن من النوم ولا يمديني ولا ودي اتاخر عليك

قال قم يالله البس زي الرجال

وانا اقوم واخلي الدله عندوه

ويوم جيت عند الباب قلت اسمع يا شيبت عرعر لا تحسبن ذالن منك

اصلا انا ذال العن خامسك بلك بقس تودع

قال انت من تعني

قلت اعني جارنا اعنيك انت ووجهك يالهيس

قال وش بلاك مشوين وش زينك

قلت احترمتك احترمتك احترمتك مار الله العالم ماينفع معك يالدب

يالله اطلع لا اعلم ابوي انك خانقتن










وهذي مرتن من المرات كنت توي جاين من الملعب

ليمار شايبن من الربع جالسن عند الوالد

ويوم شفتوه رحت ابي اسلم عليه ( اثريه مهو كفو سلام )

ويوم شاف ملابسي الرياضيه قال والله اول احسبك رجل اثريك ماش

ويوم انه دخنت هامتي من القهر مار ما اقدر احتسي تخبرون الوالد موجود

وانا ادخل داخل وانا ارجع مره ثانيه قلت يبه امي تبيك

ويوم دخل الوالد داخل وانا افصخ الجزمه ( الجوتي ) وانا الزقه بفرتوه

وانا اهرب من البيت ( ابيه يعرف منهو الرجال هالحين )









مرتن من المرات كان عندنا شايب من هالشيبان اللي يلهدون

وهو يدخل حدا اخواني جاين من السوق ولا عليه شماغ

ويوم شاف الشايب شعروه قال تر الشعر مايحطوه الا الحريم

مالكم بالطويله صد اخوي وخلاه يولي

ويوم خذينا شوي وهو ينزل شماغوه اللي تقل خيشة بصل ليمار عليه قرون

وتحريت ليما راح الوالد

قلت يا شيبت بليس

وهو يراعيلي قال انا

قلت بالله اذا مهو انت شيبت بليس اجل منهو

قال وش تبي قلت هالحين انا ابسعلك هو الشعر مايحطوه الا الحريم

قال ايه

قلت وجع ايه وهاللي انت حاط وشهو

قال لاااااااااااااااا هذا يختلف انا حاطوه لغرض اما انتم يهالجيل حاطينوه دلع

قلت بالله وشهو غرضك يا جابر بن حيان هههههههههههههه

قال اول وانا ابوك

قلت تعقب منت ابوي

(: مشاها يبي يكمل التسذب

قال اول كنا ايام معارك ونحط شعر علشان نخوف العدو

قلت تكفى يالزير انت ووجهك

والله وانا امسك شوشتوه واجروه لين وصلت الباب ليمار هذا ابوي داخلن علي

وانا اخليه وافررررررررررررك برا البيت












عاد تدرون وشهو اكثر شين غاثن

انهم لاهم من اللي لحقوا على ايام المغازي

ولاهم من هالمتطورين ويفتهمون

بس هذولا همزة وصل بين جيل المغازي وجيلنا المتطور

ويسمون جيل نقالت الحتسي






واسف للاطاله



وعطونا من سوالفهم

والبنات عطننا من سوالف العجز





وتقلدوا تحيتي

[عسوووووووووووله]

هههههههههههههههه

في شيبان قعدتهم وشوفتهم تكرهكـ بالبيت

وفي شيبان قعدتهم وسوالفهم تفرح القلب

مشكوووور جولان

[طليفيح]

اقتباس عاد تدرون وشهو اكثر شين غاثن انهم لاهم من اللي لحقوا على ايام المغازي ولاهم من هالمتطورين ويفتهمون بس هذولا همزة وصل بين جيل المغازي وجيلنا المتطور ويسمون جيل نقالت الحتسي

ههههههههههههههههههههههههههههههههههههه

قسم بالله سالوفتك تضحتس يبعد حيي ...

راجعلك وابي اسردلك سوالف بهذا بس اصبرلي ...

يعطيك العافيه يبناخي ...

[الدووووخي]

هههههههههههههه ’’’

مهما صار الشيبان قعدتهم تسلي الواحد ’’’

[نـواف الشمــري]

اهلين بالاخت الكويسه عسوله المنوره



تسلمين على هالمرور الكريم



وتقلدي تحيتي

[نـواف الشمــري]

هلا بالعشير طليفيح

وتكفى بساع نبي نتولجهم

فيه واحدن منهم غاثن ويقراء الحين ابي ابط تسبدوه

ههههههه



طليفيح

ترن امر بظروووووووووووووف هالودعي اغطس ههههههه



وبانتظارك يالعشير



وتقلد تحيتي

[نـواف الشمــري]

هلا باخوي الغالي الدوخي



وتسلم على مرورك الطيب




وتقلد تحيتي

[مطنوخ شمر]

كلهم خير وبركة لكنهم أحيانا عندهم تصرفات

ما تتفق مع أفكارنا ولا جيلنا وهذا اللي يخلي الغالب

منا ما يطيق يجلس معاهم ولا يسمع لهم ,, وما يخلون

من بعض الضرافة أحيانا ,, بس تأكد يالجولان أن أبيض من قلوبهم

مافي حطها حلقة بودنك على قولة المصريين ,, وسوالفك حلوة تونس وما قصرت

[أمونة]

ههههههههههههههههههه
ايه والله انك صادز يا انهم يغثون ولا يعجبهم شي
**جيل نقالت الحتسي ** <<< جمله معععععععععببببببببببببببببررررررررررره


يعطيك العافيه

[شمس العمر]

هاهاهاها
يعطيك العافيه