مـدخل :
قبل أبتدي عندي طلب ..]
ركِّز
طلب ماهو " رجاء " !
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من (ملك)
قبل أبتدي عندي طلب ركِّز طلب ماهو "رجآآآآآآآء
ما أبي تجاوبني .. ولا تستغرب إني أسألك
لا تنصدم من عزلتي حالي مثل : كل الولا
عندي سبب :ما تستحق إنِّي أجيك و أوصلك؟
لاتعتبر جمر الحكي من شاعرك يعني "هجاء"
لو كنت بهجي حضرتك ما خفت منِّك .. قلت لك !
هذي القصيده مصنِّفه في دفتري قصة "رثاء"
حبٍ يموت وتنولد.. وحبٍ يعيش ويقتلك !
ناديت لك ياما .. ولالبِّيت لي, وضاع النداء !
مبحوح صوتي والصدى من كثر ما ناديت لك !
أقرب من ثيابي علي وأبعد من نجوم السماء
ورغم إبتعادك والتعب..أرسم طموح وأمهلك ..
ما كنت لي الداء وأنا ما كنت لـ جروحك " دواء " ..
ما عشت في دنياي لي !!عايش ولكن عشت " لك " !
علمتك القلب الوفي .., ما يخذلك فيه "إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة "إحتواء " !
وعلمتني إن الهوى , ما عاش يوم بـ داخلك !
علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !
ما تستحي,, ودامك كذا ؟ - إفعل حبيبي ماتشاء !
توِّي عرفت إنِّي كثر ماأعْرِفِك .. كنت أجهلك!
ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أورجعتك.. عندي سواء !
كنت إهتمامي ورغبتي ..,والحين دوري أهملك!
لا صار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من (ملك) !
إن كنت جاهل ..! "لعبتك قلبي " وما فيها ذكاء
حتى الطفل إن جبت له [لعبه].. - ولاءه صار لك !
قبل أنتهي عندي - أمر ما هو طلب وإلا -رجاء ..
لا يشغلك ماضي إنتهى ..ركز على مستقبلكـ.. []
المواضيع المتشابهه
أحمد الصانع .. خيانة ملك
العرض العادي
