يامكثرين الهرج لا اسمع ولا أجيب ..

[نايف فهاد]

يامكثرين الهرج لااسمـع ولااجيـب
.......................... تريحوا من فضلكم واسمحـوا لـي

تريحـوا لاتلحـقـون المشاهـيـب
.......................... على الردى ماني شفـوق عجولـي

بالعقل والصبر ادب النفـس تاديـب
.......................... والا لهـا مـده تصـول وتجولـي

خلج ترازم فـي سيـاج المحاديـب
.......................... مافيهـن اللـي بالعقـال معقـولـي

اشد وطية زور مـن شمـخ النيـب
.......................... اليا ضاع مفعو ل الحيل والحلولـي

انا لاقلـت ارتـب القـول ترتيـب
.......................... حتى يجي كـي علـى فـك قولـي

اليا ارسلت لافكار القريحه مناديـب
.......................... ترايعن من عقـب ماهـن جفولـي

لكن مالـي مـن وراهـا مكاسيـب
.......................... لو كان عشاق القشـر صفقـوا لـي

مامستفيـد الا العـدو والاجانـيـب
.......................... ولاني مطيـع مقرقعيـن الطبولـي

خليتهـا تعطـي فجـوج مجاديـب
.......................... جربا تجوّد فـي رسنهـا مهبولـي

والله لااجنب دام لـي درب تجنيـب
.......................... من شرهة حشام الرفاقـه خجولـي

لـو انهـا بيـن النحـر والتلابيـب
.......................... من الحيا وجهي مهـوب مغسولـي

طبـع لنـا نشـب عليـه ونشيـب
.......................... وطبيـعـةٍ لعلـهـا مـاتـزولـي

على الجماعـه للجماعـه مواجيـب
.......................... الا جهلوا قـدر الرفيـق الهتولـي

ماني على ربعي قريـب محاضيـب
.......................... ادنـاة مايخلينـي اسـرج خيولـي

ان جات من طيب شقاها على الطيب
.......................... لو انها اعوج مـن رقبـة الذلولـي

وان جات من مسكين منطق واساليب
.......................... حطيتهـا بيـن الثـرى والنعـولـي

لاحركت شعـره ولاطلعـت شيـب
.......................... ولاضيقت صدري ولاطـق جولـي

وان كان في صبري على ميلهم عيب
.......................... العيب تفتيـش الصـرر والحثولـي

لاقمت تذكر في رفيقـك عذاريـب
.......................... وتبيـن عيوبـه لذولـي وذولــي

صبرك على ربعك علاج وتطابيـب
.......................... يقصـر حبـال السالفـه لاتطولـي

حتى مايلقا فـي طرفهـا مقاضيـب
.......................... كـّراه خيـر وللمشاكـل ميـولـي

واليا بليـت بتايـه شـره وصعيـب
.......................... يقول انا العراف وانـت الجهولـي

قـل الله الله ياحصـان الاطالـيـب
.......................... يالفاهـم العالـم عطيـب الفعولـي

هذا الكلام اللي مافي صحته ريـب
.......................... لانيـب لاحولـك ولانتـاب حولـي

حصان وبن حصان طيب مجاذيـب
.......................... وبالمعرفه رجـل محلـي ودولـي

خله يروح يخطي الدرب ويصيـب
.......................... يقول مابالنـاس عرضـي وطولـي

والفرق ماهـو باللحـى والاشانيـب
.......................... الفرق بيـن النـاس فـرق العقولـي

كم واحد تحسن به الظـن ويخيـب
.......................... السـن يضحـك والفـواد معلولـي

واللي غدت به كلمـة مالهـا غيـب
.......................... ماهو من اطيب ربعي اللي غدولي

يالله عساها صيحة فـي قفـا ذيـب
.......................... وقلـع النيـا بينـي وبينـه يحولـي

الرجل مايغصب على الطيب تغصيب
.......................... اليا صار ماهو دل ضمـن الدلولـي

ومن عادة اللي طيبه يحضر ويغيـب
.......................... لاطالـت الرفقـة زهـوق ملولـي

واليا بلنـك غبـر الايـام بصحيـب
.......................... في مستوى طيبه صعـود ونزولـي

اعرف ترى الدنيا دروس وتجاريـب
.......................... والكامـل الله والنـقـا للرسـولـي

لاتصير مشـذاب يقـص العراقيـب
.......................... خلـه وراع الاولـه وش يقـولـي

اخذت حكمه مـن كـلام اللواعيـب
.......................... للطيـب نـاس وللعـذارى فحولـي






لافي الغيداني .. !!

[مبروك زايد]

عز الله انك اخترت يابو فهاد

قصيده

جميله ورائعه جدا جدا

جبل من الحكمه والمعاني الجميله

أشكرك يأخ نايف على اختيارك الرائع

[يتيم الامه]

سبحان من اعطاك الحكمه ووفيت بالمواجيب********** كثر الله من امثالك وزادك حسن القولي

[أبو الوليد]

.







صح لسان الشاعر




سلمت على النقل الرائع




الله يعطيك العافية ولا يحرمنا من تواجدك





::




وفقك الباري





.. .. ومضـــــــــــــــــــــة .. ..


اللهم انصر إخواننا في غزة ، فرج همهم ، ونفس كربهم ، واشف مريضهم .

[~أصداف~]

.
.

لاحركت شعـره ولاطلعـت شيـب
.......................... ولاضيقت صدري ولاطـق جولـي

وان كان في صبري على ميلهم عيب
.......................... العيب تفتيـش الصـرر والحثولـي



صح لسآن شاعرها ..
ولا هنت على روعة أنتقاءك ..

لك تقديري ..

.
.

[الدووووخي]

اختيااار راائع نايف صح لسانك ولسان لافي ,,

[(ملاذ الطير)]

صحت يمينك وصح لسان الشاعر

تقديري يسابق احترامي

[فتى الرائدية]

[align=center]


رااااااااائــع


تسلم

[/align]

[عزيزة نفس]

صح لسان قايلها ..


وتســلم يمنـــاك


عالاختيار الحلووو

[الجوووري]

اختيار رائع

وقصيدة جميلة ..بمعانيهآ.!

صح السان قايلها

ولاهنت يانايف..