انا ابوي ما خلاني اسوق لين جبت تأمين الرخصة

[حمود المستلج]

................. سلام عاييييييييييكم شباب ..................

كيف الحال بخير وشفيكم كذا تراي توي مابيدت الموضوع أشوفكم مكشرين ياللللله تراي مانب بادي الموضوع لين تضحكون لا وعلى فكرة أ[يكم أشوف ردودكم أوكي .... ملييييتوا يالله دوكم الموضوع :


طالب متوسط



انا ابوي ما خلاني اسوق لين جبت تأمين الرخصة

طلعت من بيتنا ذات عصرية و مالي في الشر طريق بس ابي احوس بذا الشوارع و ادجج و يمكن القى لي حارش مارش و الا شايب يبيني اوصله خخخخخ و ادق سلف و احمي الموتر و ادعس له شوي اننن اننن ( يلعن ام الدقة في الوصف خخخخخخخخ ) و بعد ما حمى الموتر و ارتفع امبير الضغط حق الموتر ( و حق اللي يقرون الموضوع ) ربطت حزام الامان و عشقت بالاول و قلت بسم الله و فحطت بقوووووة و رحت الفلف و ادوج و اول اشارة وقت عندها لقيت 9 سيارات ليموزين و 3 سيارات خصوصي و بالجهة الثانية من الاشارة شفت واحد شباب نازل من موتره و رافع يديه يبي يشخص شاف له كيس زبالة اسود يحسبه بنت و مع رفعة يده لمحه واحد من الليموزينات و انطلق عليه ما وقف الا يوم سدح الرجال لا حول الله يا جماعة عاد انا ما حاولت اضيع وقتي و اعطل اشغالي نسيت اني فاضي و امشي و دوران بذا الشوراع و الزفلت ناااعم و انا اقول الله يخزيك يا شوشو و احاول اقاوم ردة الموتر بنمرة و الحمدلله تغلبت على الخرمة و قدرت اسيطر على الوضع تمام ( لابس بامبرز ) بعد برهة من الدوران قلت في نفسي يا ولد ورى ما تروح لصدى التحلية و تطلب لك كبتشينو زي عيال النعمة مع ان الشارع مليان حفريات و قلق بس يالله كولوه بسوابه و رح و اضرب بوري طططيييط طططييط و الهندي يدطق على الدريشة يبي يشوف وش طلبي و انا مندمج ططيييييط ططييييط ططييييييط ططييييييط يوم قفلت معه طب على الكبوت ( حق السيارة ) و لزق ام المنيو على القزازة يبيني اطلب خخخخخخخ انتبهت له و حسيت بالاحراج و دقيت ريوس بسرعة عشان يصفق على الزفلت خخخخخ قام و هو يعرج و راح يجيب طلبي شوي و جت جنبي سيارة مظللة ( بس مهووب بالماوس ) و نسموا الشباك شوي و شفت يد بيضاء اظنها لذات ركبة سوداء تأشر للفلبيني و حسيت لحظتها باحساس الحب المجهول و تخيلت نفسي في الكوشه معها و هي لابسة فستان الفرح و سواد ركبها باين من تحت الفستان خخخخخخخخخخخخخخخ ( تفكير عزوبي ) نزلت من السيارة ابي اروح اطلطل عليها بس ما لقيت عذر مناسب خذت استمارة الموتر و نطلت شماغي و فكيت ازارير الثوب و رحت لها و قلت انا فقيييير ( مفهوم مغلوط عن الطرارة ) و كاتب الرقم على ورقة صغيرة و حاطها بيدي يوم طليت بالسيارة من الفتحة الصغيرة ديورت لموتري و قلت الله ابو ذا الحركات النص كم اللي تسوونها يا بنات ابليس صارت وحدة سمراء و شيييييينه و جايبه معها شغالة و مخلية الشغالة هي اللي تطلع يدها تبيها تغري الشباب خخخخخخخخخ حسيت اني حطمتها و رجعت لها و طقيت الشباك بكل اخلاق و يوم فتحت و هي متشققة تبي الرقم تفلت عليها و قلت لا عمرك تطلعين من بيتكم و انتي بذا الخشة المكفهرة و رحت لموتري و حركت ( زلبت ام الكبتشينو خخخخخخ ) و جاء في بالي اغير زيت الموتر رحت لمشحمة فيها زيدي و قلت بالله يا ابو يمن شف لنا الزيت لو سمحت قال زيت المكينة ؟؟ قلت له لا زيت زيتون ايه للسيارة يا قني و بعد ما غير الزيت و خلصنا رحت لشنطة السيارة و طلعت ضب له في شنطة الموتر حول 4 سنين و قعدت الاحقه به في المشحمة و مطارد وراه لين طاح في حفرة الزيت على راسه و بعدين حطيت الضب على المرتبة جنبي و نطلت على اليماني 50 ريال و هو في الحفرة و مشيت و انا حاس براحة نفسية و كملت التمشية و الدوران بس مااش ما بعد استانست مرة رحت وقفت عند اشارة و شفت وراي هندي في كابرس بوقس ابيض استعمال امريكي ماشي حوالي 80000 ميل و التانكي فيه نص البنزين ( دقيق الملاحظة بسم الله علي ) الاشارة حمراء طبعا و ادق الريوس على الهندي و اصدمه و انزل من السيارة و اطلعه و العن جدفه و اربغه لين قال بس ماااا تشوف يا حمار ؟؟ و جلللد فيه ماااا تشوف يا ثور ؟؟ و جللللللللد فيه و العالم يبون يفكونه و انا جلللللللللد فيه و الشرطة وصلت و انا جلللللللد فيه و جمس هيئة مر من عندي يقولون اثابك الله يا بني و انا جللللللد فيه و الشباب يصفقون و الشارع انسد و الناس تقول الللللله اكبرررررر و الهندي بتطلع روحه في يدي و آخر شئ قلت له معليش صديق معاك كميرة خفية و ابتسم له و هو يبتسم و امسك الولاعة كأنها مكرفون و اقربها منها يوم قرب شبيت في شنبه و الشباب يجون جنبنا يبون يطلعون في التلفزيون ( القف شعب بالعالم ) و اروح لموتري و احرك من عندهم المهم ما بعد ارتاح ضميري المشتقي للحين و اوقف عند صيدلية و ادخل بكل احترام و اقول له عندك ميشلان لو سمحت و انا فاق كشرتي قال العامل دقيقة بس خلني اشوف و يحوس ام الصيدلية و هو يدور ذا الميشلان و يقول لي للسكر هو ؟؟ قلت له لااااا و يحوووس و يدور و يقول لي للضغط هو ؟؟ قلت له لااااا و اخر شئ قفلت معه و قال وشو ميشلان ذا ؟؟؟؟؟ قلت له كفرات انا داري انك صيدلية بس قلت يمكن مزبنها منا و الا منا خخخخخخخ و اطلع من عنده بعد ما اغمي عليه المسكين و اروح لبيتنا و انا مرتاااااااح احبك ولا علمت ( من الوناسة صرت اغني ) بس تصدقون ان الاستلعان مهووب زين دايم


* العنوان ما له دخل بالمضمون بس عاجبني
* ترا هذي مو حالي كل يوم


أعجبكم


تحياتي heart2

[أبو رائد]

يا بو صالح ... وش ذا الكلام



إذا كل يوم زي سذا


مصيبة


شوي إلا كل أهل عنيزه وراك يدورون الثار

[عبدالله الحديثي]

الله يرجك يا يا ابو صالح

تصدق ذكرتني بيوميات أم احديجان الي تجي بارمضان

[فـتـــــــــون]

ههههههههههههههههه















هههههههههههههههههههه















؟؟؟؟؟؟؟؟؟؟؟؟؟؟؟؟
















ولله في خلقه شئووووووووووون ..















تحياتي لأبوصالح ,,,

[حمود المستلج]

هلا أبو رائد
وش دعوى

لا تخاف مو كل يوم على هذا المنوال

مشكووووور على الرد الحلو

[حمود المستلج]

هلا والله بالفيلسوف

وش أخبارك وش علومك؟...

عاد وش دعوى مرة وحدة أم حديجان

مشكووووووور على الرد الحلو

[حمود المستلج]

هلا والله بالغالية مرام 22

كيفك ؟

بس أقولس وش قدك ولله في خلقه شؤؤؤؤن

هاه .... ماودنا نقول شي

مشكوووورة على الرد الحلو

[راونا]

الله يرجك رجا مبرحا

رج اخوي لقوطي الببسي

لا وانا اقرا منصجمه

بس عليك حوركتات رهيب قصمن

اما دبغه ذا الهندي

ذكرتن باخوي الصغير يومنه يدبغ صديقه

يا حوبيله مير

اقول يسلموووووووو قدن فري مطش وكثر من هالصوالف هماه...

[حمود المستلج]

هلا روانا

كيفك وشلووونك وش أخبارشعلوومك ==> صرت دبلت تسبد

اللله يرجس رج الللبن قبل يفتح

أقووووول

أخوووس نرجووووج ماخلى أحد إلا هو حايسه حوووووس

سبحان اللللله