شمـــــــــر جهنـم تحـرق اللـي نـواهـــــــــــا

[المجروحSS]

[align=center]شمر هل الفزعات يامن نصاهـا
شمرهل الطولات واهل الجميلـه

شمرعزيزه والطنا فـي دماهـا
شمر شموخ(ن)والشرف ينتمي له

شمر سحابـه واغرقتنـا بماهـا
مافيـه وادي بالبلـد ماتسيـلـه

شمر قبيلـه مايجـرب سخاهـا
ماتهـدي الا الغاليـه والجزيلـه

شمر صناديد الوغـى مبتغاهـا
عدوهـا تصبـح حياتـه ذليلـه

شمر جهنم تحرق اللـي نواهـا
شمر نهر من سلسبيـل لخليلـه

لقمان موصـي بحكمتـه لسفهـا
هاوشلون تلقى وسط شمر هبيلـه

شمر كبار صحونها ياقصراهـا
شمر وسـاع طعونهـا يانزيلـه

شمر شيوخ(ن) ماتراعي وراهـا
اهل الطبـوع العاليـه والنبيلـه

شمر ترى نور القمر من سناهـا
قبيلـة(ن) ياحـي ذيـك القبيلـه

شمر هجير الصيف تصلي عداها
عدوهم ياسامعـي عزتـي لـه

شمر دهر في عين نذل(ن) غزاها
تصبح بعينه كل خضرا محيلـه

شمـر قبيلـه ماتشـح بعطاهـا
كبار العطايـا ماتمـد الهزيلـه

شمر فخر للي زبن فـي ذراهـا
هاك الشيوخ اللي عزيز(ن) دخيله

حتى شيوخ الجن ترجـي رضـا
هاجنايز(ن) ماهابت الموت غيله

شجاعة(ن) مع الحليـب يغذاهـا
فطيمهم يشرب معاني الفضيلـه

شمر كريمـه والسيافـا ضناهـا
شمـر قبيلـه يالسنافـي سليلـه
منقووول
قصيده للشاعر
فهد مـ الشمري[/align]

[ريكو]

صح لسان الشاعر وسلمت يمين الناقل


..........................مشكور يالغالي على النقل وما عليك زود يابن عم الشمري..
والنعم بكل الحمايل والقبايل

[المجروحSS]

ما عليك زود يالغالي
وتسلم على المرور الطيب

[نايف عايد]

ونعم بشمر وقبيلة شمر..

قصيده جدا رائعه تستاهل هل قبيله أكثر من ذلك..

يعطيك العافيه اخوي المجروح على هذا النقل..

تحياتي لك:اسيرعيونك

[المجروحSS]

تسلم اخوي اسير عيونك على المرور الرائع

[الجوووري]

والنعم بالطنايا



صح السان والسان قايلها


ولاهنت

[طليفيح]

لاهنت يالمجروح وتسلم يابعدي على القصيده

والله يعطيك العافيه

تحياتي لك

[حنين]

والنعم بشمر

[المجروحSS]

يسلموووو اخواني واخواتي الجوري / طليفيح / حنين على هالمرور الرائع

[الاختياري]

يعطيك العافيه على هالنقل عن الشاعر والنعم بشمر العزيزه على قلوبنا