أخبار الفقع

[ابو ناصر99]

نبي اخبار الفقع يا جماعة الخير اللي عنده علم لا يبخل علينا

وسؤال هل مسموح بلقط الفقع قرب حما والحماطيات والا لا

وسؤال كيف نعرف الفقع المحلي والمستورد من الباعه الموجودين بمدخل الخفجي

[Roqi220]

هلا وغلا فيك يا ابو ناصر الفقع على اوله نعم بمنطقة حما بالنسبه للسماح او

المنع يعتمد على قربك من الحدود ..

بالنسبة الفرق بين الفقعه المستورده تجي لونها ابيض

اما الفقعه المحليه يجي لونها مائل للسمار

حسب معرفتي واكيد فيه اللي اعلم مني يفيدك اكثر

تحياتي لك

[مطلق الشمري]

السلام عليكم

اخوي ابوناصر

امس كنت بحما والحماطيات

مافية شي يستاهل بصراحة وصغير ولازم تطلع العمق وسلاح الحدود يردك كل شوي

ولازم تتعدى العقم 5كيلو تقريبا

ومستحيل توصلة بسبب سلاح الحدود لانهم كل شوي ياخذون جولة

اللي سمعته اليوم انه فية فقع طيب بعد الهواسة الثانية ب5 كيلو تقريبا خلف العقم طبعا

الخميس الجاي بطلع وابلغكم ان شاءالله

والفقع المستورد واضح المغربي والظاهر فية تونسي

يجي بني داكن باسوود وما يصلح بصراحة

هذا اللي شفتة قبل 10 سنوات تقريبا

اذا تطور هالحين وصار زي فقعنا ماعندي خبر والله

تحياتي

[أبو قاسم الخفجي]

الفقع ، يآخي ، بـ حدود الكويت ، عـ هآلمرآكز ، [ حمآ ، رمدآن ، الحمآطيآت ، ....... الرقعي ]

لكـن ، تـوه ، صغيـر [ كمـآ ] يعني ، إصبروآ ، لين ، يخلص الشبط ، على ، مآقيل

[ تسآن ، القآع ، به ، شي ، يبي ، يطلع ] ، وآلله ، يكتب ، آلي ، فيه ، خير

[Dr.Pro]

والله ياآخواان انا اشوف الناااس استعجلوو ع لقط الفقع ..

حتى اللي لقطووه يقولون مايتعدى حجمه , حجم الفنجال ..

[الدووووخي]

والله الفقع اشوفه الايام هذي يبيعونه بس على طريق الكويت وراح اوقف عندهم واسألهم من وين لقطوه ..

[كدوش]

والله يالغالي ولد عمي لقط سبع كراتين عند الحمطيات وحما.. انا راح اوصفلكم طريقه ..ياطويل العمر تمشي من عند طريق ارق الكبريت الي من صفات الغنم تمشي قول حوالي 25 كيلو لين مايجنك الابراج حقات سكيكو حلو.. اول برج يجيك تلقا عنده ردميه مسوينهأإ سكيكو امش ياطويل العمر لين ماتشوف العقم قدامك يعني تقريبا تمشي 10 كيلو من الردميه حلو لا شفت العقم قدامك اطلع يسار من عنده خلك علا خطه حلو اذا مشيت من عنده راح تمشي 15 كيلو لين ماتشوف العقم راح يمين انت لاتلف خلك علا طريقك لاتروح لا يمين ولا يسار امش بعد 15 كيلو تشووف العالم منتثره ...ارجو ان التوصيف فهمتو عليه
اخووووووووووووووووووووكم .. كدووووووووووووووووووووووووووووووووش

[سمح المحيا]

اقتباس المشاركة الأصلية كتبت بواسطة الدووووخي والله الفقع اشوفه الايام هذي يبيعونه بس على طريق الكويت وراح اوقف عندهم واسألهم من وين لقطوه ..

قابلني لو وصف لك المكان اللي لقط الفقع منه

[ابو ناصر99]

ما قصرتوا يا الاخوان الجميع وفيتو وكفيتو

اما كدوش عز الله وصف بدوي ماقصرت

اما روقي دايم المستورد يجئ ابيض مو بس الفقع ههههههه:d

[خالدالقباني]

صحيح وصفك اخوي كدوش انا اليوم في الدوام واحد من العيال دق على خويه وساله وقال نفس الكلام >>يمكن تكون انت اللي كلمه خويي على حسب وصفك

وهو لاقط منه اربع كراتين

والله اعلم

تحياتي