طالبه جامعيه ترد على زميلتها بقصيده ،،،،
هذه القصة صارت في إحدى كليات المملكة بين طالبه وزميلتها
القصه ومافيها ان احدى طالبات الكليه تسكن في إحدى القرى
وكان يغلب عليها طابع البداوه من حيث لبسها وكانت من المتوفقات
في دراستها وذات يوم مرت احدى الطالبات ورأتها فقالت
شوفوا البدويه،، فحازت هالكلمة في نفس الطالبة البدويه
ولما وصلت البيت كتبت هذه القصيدة........
إيـه بدويـه ريحتي بن وبهار
هذا الشـرف ماهو بحقي خطيه
انا بدويه بنـت حر من احـرار
فزعـات ربعي بالشـدايد قويه
انا هلي يابنت وافيـن الاشبـار
كانك جهلتـي مـن انا ياغبيـه
ياجاهله ماتغذي الشمس الانوار
حنا كما شمس على الأرض ضيه
حنا هل الطـولات هيبه ومقدار
حنا مثـل للشـرف والحميـه
حنا الطنايـا للكرم رمز وشعار
حنا خــوي مايخلـي خويـه
الذيب يوم انه عوى وسط الاسعار
عشـوه ربعي من سنيـن مديه
يوم ان جدك وثق القفـل بالدار
بيت الشعر مفتوح صبح وعشيه
للضيف ريف للمعادين جبـار
نرد الحياض ولا نهـاب المنيه
يابنت لو بكتب من اشعار واشعار
تعجــز معاني حروف ابجديه
اللعب خلي اللعب لعيال شطار
لاتدخليـن السيـل وانت نديه
،،،،،،،،،،،،،،،
منقووووول............
المواضيع المتشابهه
العرض العادي
