السلام عليكم ورحمته الله وبركاته
واعود اليكم بهذي القصيده واتمنى تعجبهااا وتعجبكم
فكي اللـثام وبيني عاكس النور
خلي العيون تشوف روعة جمالك
ودي اشوف السحــر بعيونك الحور
سود النواعس ذابحه من عنالك
باملا النظر دام النظرفيك مبهور
باروي عيونٍ ميته في وصــالك
فــيك الحسن مشهور مشهور مشهور
خلـــقك ربـــي ســـكةٍ للمهالك
جيتك وانا كلــي وله كنه بحور
لك مرخصً عمــري .. وكله فـدالك
الشوق في قلبي لـه ايام وشهور
لـه داخل الخفاق . درب ومسالك
والدمع من عيني على الخد منثور
مشتاق لك بالحيل ... عاشق وهالك
ياللي دروبك كلـها حـب وزهور
لك في حياتي كلــمةٍ قلتها لك
لك داخل الخفاق مبني لك قصور
قصور حــبٍ شــيدت كلــها لك
والحين غطي وجهك اللي من النور
ما اريد غيري يشوف روعة جمالك
وسلاااااااااااااامتكم
المواضيع المتشابهه
العرض الشجري