لمتى شوارعنا كذا

[راضي الشمري]

مساء الخير او صباح الخير

كيف الحال ياشباب وبنات المنتدى

مسوي فيها اسلوب

المهم عندي موضوع صراحه رافع ضغطي واتنرفز اول مااجيب طاريه

اللي هو

شوارعنا ليه كذا لمتى

وربي شي يرفع الضغط يعني الواحد مايمديه يمشي الا وركبة السياره قالطه عنده

وكله كوم وكوم التحويلات اللي ترفع الضغط ولافيها اي تنضيم

قالو ايش قالو تحويلات ومناك تخريبات

والضحيه المواطن انا وانت وغيرنا كثير

انا موتري 2006 وكنت محافظ عليه بس والله اللحين تقول راكب لي سياره موديل 1701 من كثر المطبات والحفر بالشوارع

تبون تتاكدون
يوم من الايام كنت امشي على شارع مستشفى الخفجي ومتعدي المحطه ابي اروح للمستشفى وتعديت التقاطع مافيه اي مطبه ولاشي وقمت من بكره اروح للموعد بعد فشغلت الموتر ورحت
وكنت مروق وماشي على راحتي تقريبا 80 سرعتي وقربت للتقاطع اللي قبل المستشفى كنت متأكد مافيه اي مطبه

واتفاجاء الا وقدامي مطب تقول بيت دور واحد ولايمديني اسوي شي وانا اجيك شايل المطب وطاير اللين صقع راسي بسقف السياره والشماغ طار والعقال وصرت بمكان الراكب وانكب الماء علي والمساعديات راحت فيها وانشق الرديتر
ووووو يعني لعنت اليوم اللي طلت به للمستشفى

من اللي يتحملها اكيد انا لاكن وش ذنبي ليه ماحطو لافتات مع انه امس مافيه مطب ليه ماينبهون المواطن

عمركم شفتو مطبه كانه جرف والله مهو مطب صبه ولاادري وش فايدتها

ولامن زود الفسقه بالمطاب حاطين مطاب على طريق الدمام السريع

يعني سلم لي على الركب والمساعديات والبدي يعني سلم على الموتر اذا كليت المطب ذا

على العموم اتمنى نلقى حل او نقاطع الشوارع ولانطلع وربي اصرف اما الواحد كذا يبي يروح يخلص شغله
يروح يتبهذل ويخسر بسبت قار هو دافع فلوس فيه على شان يعدلونه ويمشي فيه

اسف على الاطاله بس وربي قاهرني ذا الموضوع بقوه

[يتيم الامه]

يتحمله بلدية الخفجي والمحافظه والمنافقين الذين يدافعون عنهم ولن يصلح الامر ورئيس البلديه موجود الخفجي بحاجه لتغير المسؤلين

[سمح المحيا]

لا تشكيلي ابكيلك

خصوصا عند المطب اللي ضربته


تبي الصحيح بكيت عنده حسيت المطب بغا يقص السياره نصين

[ريما الخفجي]

أناقاهرني شارع 18عندكل باب بيت حاطينلهم مطب قال واسطه وناس مهمه عشان بزرانهم لالعبوا كوره العصرياخذون راحتهم والله حاله؛؛وينعن أبوه مطب كانه قهرسمح بعد؛؛
مبين أخوي راضي أنك مقهوربس وصفك عالمطب اللي خذيته حسيتك راكب طياره وجاك مطب هوائي ودخلت أعاصيروزوابع هوائيه وحالتك حاله مستمره؛؛

[رشاش]

الموضوع هذا انسى انه ينحل من البلديه

انا كل شهر اسوي ميزان للسياره من الحفر والمطاب انا ماادري وش المصلحه منها هل لهم محلات قطع غيار وبناشر

بعد سنتين راح نرجع لأيام الخيول والبعارين وتتحول الشوارع لردميات والحاله مستمره للاسوا الكلام معاد ينفع

راح نجمع قطه من خمسين ريال ونزفلت الشوارع على حسابنا

والله مصخره مدينه نفطيه وهذي حالة شوارعها واللي يقهرك المنافقين اللي يدافعون عن البلديه .

[hmmad]

أين دور المجلس البلدي قدم معروض ياراضي له

[رشاش]

ياأخ حمد الموضوع مايحتاج لمجلس بلدي ولا لمجلس الأمن

يعني بشغلهم لازم يقدمون معاريض ومطاليات إذا وش شغلهم البلديه ابي افهم إذا كل شغله فيها مشاورات واجتماعات مصيبه

وين التطور والمواكبه والله ترديد شعارات على الفاضي.

[hmmad]

اقتباس المشاركة الأصلية كتبت بواسطة رشاش ياأخ حمد الموضوع مايحتاج لمجلس بلدي ولا لمجلس الأمن يعني بشغلهم لازم يقدمون معاريض ومطاليات إذا وش شغلهم البلديه ابي افهم إذا كل شغله فيها مشاورات واجتماعات مصيبه وين التطور والمواكبه والله ترديد شعارات على الفاضي.

صراحة يارشاش نفسي أسمع خبر أنجزه المجلس البلدي بالمنتدى مع العلم إن الشوارع مسببة قلق لدي والسيارة جديدة؟؟؟:

[سهم المنايا]

المجلس البلدي اعترفوا انهم ماسوو شي نهائيا... وجزاهم الله خير


المسؤول هو المحافظ ... ومدير البلدية

[أبو الوليد]

.










إن شاء الله نرى ردة فعـــــل إيجابية من من بهمهم الأمر





سلمت على موضوعك




والله يكون في عونك










::




وفقك الباري





.. .. ومضـــــــــــــــــــــة .. ..


اللهم انصر إخواننا في غزة ، فرج همهم ، ونفس كربهم ، واشف مريضهم .