حظي رما قلبي بعد غفلة العــين
واستاسره واحد على بدت الناس
انــسان ربي كمله بالحــــلا.. لين
اصبح جماله فيه كــبر وتغطــراس
في عيونه احلامي ورمشه عـــناوين
وفي محدقه تدرس مدارات الاقواس
وخشمه مثل سلة سيوف السلاطين
اللــــي لهــم هيبه وعــــزه ونبراااس
ومن بسمته تهجد صعوط المجانين
واليا ضحك يجلي من الفكر وسواس
وثــغره يمــازج بالقساوه وبــاللين
وعنقه شبر وشوي والخد حساس
وشعره ليا هله من يــسار ويــمين
اسدل ظلام الليل عن برق الالماس
واليا نطق بـــ الصاد والزاي و السين
يشفي غليل الزير من فعل جساس
وريح الخزامى و النفل و الرياحين
اتسابق النسمه وتصبح له انفاس
كنه خلق من نور ما هو من طين
واكبر دليل انه يميل مع كل نسناس
حبوب و مــدلع و جذااااب و زويــن
لكن به عذروووب متبلد احساس
لاقلت لهــ يازين بنــكمل الديــــن
ونرتاح من بعد المسافه والاتعاس
يجــرح بدون شعــور لا قال بعدين
وبغـــيتها فرحه وعودت باليــــاس
ولا قلت عطني وجه لاهنت يا الزين
شمق عيونه كن في عينه نعااااس
ولا جــــيت اوضح له جنون المحبين
وقول انا مجــــنون ويقول لا بااااس
احترت في امـــره وانا عارفه زين
وعرف مدى ظرفه ليا كان محتاس
المشكله ماهي مع الوقت هاللحين
المشكله لا وحــيت دنـات الاجراااس
ياااااناس لو ان الهوى يـــذبح اثنين
بصبر مادااام ان المتن عزوة الراس
والله احبه واعشقه دامـــهــ زوين
ولاهمني مادام متبلد احسااااااس
تحياتى للجميع
المواضيع المتشابهه
حبوب .. ومدلع..وجذاب..وزوين..لكن ؟؟؟
العرض العادي
