إمش لخويك يا حبيبي على الهون ..... ترى الخوي ينشـــال فوق المتوني .. !!!

[أبو فهاد]

السلام عليكم ..



أبطيت عن نقل القصائد .. ولكن جبت لكم هالرائعة .. اللي .. أثرت فيني كثير حينما قرأتها ..



من أجمل ما قرأت في الآونة الأخيرة ..





أمووووووووووت بقصائد النصح .. والقصائد التي تبدأ بــ الإستغفار من رب العالمين .. والتذلل له سبحانه ...









وإليكم القصيدة ومناسبتها ..







قصيدة للمرحوم .. عبدالمحسن المري .. ينصح ولده فطيس ..


اليوم يابوكم مسيري على الهون
............................ وقــّـفت وقـفة يابسات الغصوني

عاثـيـت بالدنيا معاثـاة مجنون
............................ وأركبت منها ما تقضـّـت شطوني

يا فطيس أنا اوصيك يوم انت بـ تكون
............................ أظنّ بك بالطيب .. وإنت الزبوني

تمـّـوا الصلاة التي تساعد على العون
............................ صلــّّــوا وزكــّــوا كانكم تسمعوني

تدرون باللي يترك الفرض ملعون
............................ صوموا وحجـّـوا ربكم تفلحوني

وحيـّـوا الطروش اللي من البعد يلفون
............................ وإضحك مع ضيفانكم .. يضحكوني

وباكر إليا جوك تراهم بيمشون
............................ حاذرك في ضيفانكم .. تفشلوني

وخل القصير بعازته .. كنه ممنون
............................ و لدّ النظر من عورته والعيوني

وأمش لخويك يا حبيبي على الهون
............................ ترى الخوي ينشال فوق المتوني

وحط الزبـيـن برفـــّــة البيت مآمون
............................ أوصيك يا إبني لا تصير مغبوني

وغطــّــوا على العايل .. شفا كل مسنون
............................ وإعزم على الحايل .. تراها تفوني

إما تموت بعزّ والناس يفنون
............................ وإلا تغـطرف بالفرح واللحـــوني

يا ونـّــتي ونـّـــة طريح .. ضحى الكون
............................ داجوا عليه .. موسعين الطعوني

يزهم .. وربعه بين طاعن ومطعون
............................ خلوه مثل مهــتــّـــشات الشنوني

نادوني الشايب عسى ما يشيبـــون
............................ وسمـّــوني إسم ثاني وأحزنوني

إسمي يعرفونه .. فلا شك .. يخطون
............................ شافوا لوايح عارضي .. وإبتلوني

الشيب ماهو عيب .. والناس يدرون
............................ العيب .. حق الخايـنـيـن العفوني

من أول صيدي سمان ومتكون
............................ واليوم لا فزيت له .. يضحكوني

وإذا لقـفـتـه راح يمشي على الهون
............................ سيـّـــور ماهبــــّــــــت هبوبه سكوني

الله يقاصيهم بــ قدر ما يسوون
............................ كيف قطعوا سلمي .. وكيف أنكروني ..






المرحوم .. عبدالمحسن بن عبدالله بن فطيس المري ..