على نفس الطريق الي لقيتك فيه من فتره
وقفت وكني المصدوم فاض الدمع من عيني
تحرك كل مابي وافصح الخافق على سره
وبانت طعنة الفرقا على صدري تبكيني
تأملت الفياض الي فقد في غيبتك عطره
تأملت الغصون اليابسه كنها تعزيني
تأملت المكان الي جمعني فيه ياحسره
بكا فيه الصخر حتى اواسيه ويواسيني
رحل والشوق زاحمني على اوراق الشقا حبره
كتب في كل صفحاته حبيبي لا تخليني
الا يا الحزن كم لك من لحون الضيق واجره
بحور الهم تغرقني ولا شخص ينجيني
تعبت اقول ياحزني رجاي انه يجي بكره
رجاي انه على خبري وعدني مايجافيني
حبيبي عود لديارك ترا ايام الجفا مره
واذا ماتنوي الرجعه حفرت القبر بايديني
م/ن
المواضيع المتشابهه
العرض العادي
