البر - المقناص - ياروعة

[الساجدة لله]

السلام عليكم ورحمة الله وبركاته

كعادتي اتصفح طيات النت واتذوق سحر الكلمات استطعم الذ اشعار القصائد في اللغة العربية الفصيحة والنبطية المعبرة بروعة ماتهدف له في تلك اللحظات ساقتني اشعار البر وشبات النار واعجبني قصائد اخ لنا في الله وودت انقلها لكم عبر هذة الصفحة الاولى عن البر والثانية عن المقناص0

يقول:-

يلومني في طلعة البر مقرود ******* يلومني في لذتي وانبساطي0

لوهي على كيفي ليارحت ماعود ****** مار البلا حبل قوي الرباطي0

لاصرت في روض به العشب ماجود ***** ريح النفل ويا الخزامي تعاطى0

او راس طعس ومشية الجيب بركود ****** وشبيت نارك من هشيم الاراطي0

رفقة ارجال مايجي منه منقود ************** قرم العيال ولابهم شخص واطي0

ولا ترافق اللي خوته مابها زود **************** مايلحقك ياكود كثر الغلاطي0

والثانية:

ياماحلى المقناص بارض خليه _______ مابه من العربان راحل ونزال0

معك اعيال كلهم شوشليه __________ مثل الاسود السايده وسط الادغال0

الكل منهم معتني بخويه _________ مايزعله لوهو عليه الحمل مال0

يدمح زلاته بنفس رضيه _________ حيث البشر تخطي على كل الاحوال0

يازين شب النار وقت اعشويه _________ ودنيت محماسك وقصة وفنجال0

وحطيت من صيدك بجنبه شويه _________ دام العشى يزهبه طيب الفال0

وقبل صلاة الصبح والنار حيه _________ تسمع دنين النجر يطرب له البال0

للشاعر عبدالعزيز حمود الهاشمي من السعودية0

[عواد العنزي]

الساجده لله

الله يعطيك العافية إختي

على هذا النقل الجميل ذكرتينا بوناسة الشتاء وشبّة النار

لاهنتي

إحتراااااااااااااااااامي.

[جوهر الراوي]

السجده لله .... ما أجنل ما نقلتي لنا من أبيات غاية في الوصف والجمال .....
وياليت يتم وضعها في مكانها الصحيح وهو قسم المنقول ...
شكرا لك أختي ساجده لله .... على إمتاعنا بالجزل من القصيد .....

[رووان]

[align=center]
يازين شب النار وقت اعشويه _________ ودنيت محماسك وقصة وفنجال0

وحطيت من صيدك بجنبه شويه _________ دام العشى يزهبه طيب الفال0

وقبل صلاة الصبح والنار حيه _________ تسمع دنين النجر يطرب له البال0


هلا بك..:السـأجده لله ::..

سلمت يمنــأّك ع النقل وصـ؛ـح لسـأن شاعرهـا

اختيـــار رائعـ منك

لاحرمنـا من روعة قطوفك

رووان[/align]

[الجوووري]

هلا وغلا

السااجدهـ لله ..


صح السان قايلها مليوووووون


ولاهنتِ على النقل الجميل ..


شكراً لكِ ..

[الساجدة لله]

السلام عليكم ورحمة الله وبركاته

اهلا بكم جميعا اخوتي الافاضل جزاكم الله الجنة وبيض الله وجيهكم على مروركم الكريم0

[العندليب1]

يعطيج العافيه الساجدة لله وان شاءالله دوم ساجدة لله
والله طلعه البران زينه بس اظن هالحين عندكم بالسعودية لوهيب تشق الوجه
تعالووو سيرو علينا في روسيا وشبوو نيراانكم
تحيااتى لك ياساجدة لله

[أبو رائد]

الساجدة لله ..

الله يعطيك العافية

على هالقصيدتين الرائعتين ..

[الساجدة لله]

اقتباس المشاركة الأصلية كتبت بواسطة سكران يعطيج العافيه الساجدة لله وان شاءالله دوم ساجدة لله والله طلعه البران زينه بس اظن هالحين عندكم بالسعودية لوهيب تشق الوجه تعالووو سيرو علينا في روسيا وشبوو نيراانكم تحيااتى لك ياساجدة لله

ويعافيك يارب

صحيح الشرقية حر ورطوبة ومهددة بالعصار الله يستر

لكن قريب العطلة ولجبال حائل تسوا روسيا واهلها عداك

صيف حائل والروعة الله يبلغنا اياه يارب

جزاك الله الجنة على الرد وياهلا فيك من اراضي سعوديتنا0

[الساجدة لله]

اقتباس المشاركة الأصلية كتبت بواسطة أبو رائد الساجدة لله .. الله يعطيك العافية على هالقصيدتين الرائعتين ..

ويعافيك يارب ويسعد ايامك ويصلح ذريتك

وجزاك الله الجنة على الرد اخي الفاضل ابو رائد0